ਪੀ.ਐਨ.ਬੀ. ਬੈਂਕ ਨਾਲ ਧੋਖਾਧੜ੍ਹੀ ਕਰ ਕੇ ਫ਼ਰਾਰ ਹੋਏ ਨੀਰਵ ਮੋਦੀ ਦੀ ਜਾਇਦਾਦ 'ਤੇ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐਨ.ਬੀ.) ਦੀ ਨਜ਼ਰ ਹੈ.........
ਮੁੰਬਈ : ਪੀ.ਐਨ.ਬੀ. ਬੈਂਕ ਨਾਲ ਧੋਖਾਧੜ੍ਹੀ ਕਰ ਕੇ ਫ਼ਰਾਰ ਹੋਏ ਨੀਰਵ ਮੋਦੀ ਦੀ ਜਾਇਦਾਦ 'ਤੇ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐਨ.ਬੀ.) ਦੀ ਨਜ਼ਰ ਹੈ। ਪੀ.ਐਨ.ਬੀ. ਨਾ ਸਿਰਫ਼ ਪੁਣੇ, ਦੁਬਈ, ਸਿੰਗਾਪੁਰ ਤੇ ਹਾਂਗਕਾਂਗ ਵਿਚ ਨੀਰਵ ਦੇ ਫਲੈਟ, ਮੋਟਰਬੋਟ ਤੇ 5.5 ਕਰੋੜ ਮੁੱਲ ਦੇ ਗਹਿਣਿਆਂ ਨੂੰ ਜਬਤ ਕਰਨ ਦੇ ਚੱਕਰ ਵਿਚ ਹੈ, ਸਗੋਂ ਉਸ ਦੀਆਂ 125 ਬੇਸ਼ਕੀਮਤੀ ਪੇਟਿੰਗਾਂ ਵੀ ਬੈਂਕ ਦੇ ਨਿਸ਼ਾਨੇ 'ਤੇ ਹਨ। ਨੀਰਵ ਕੋਲ ਮਸ਼ਹੂਰ ਕਲਾਕਾਰ ਜਿਵੇਂ ਵੀ.ਐਸ. ਗਾਇਤੋਂਡੇ, ਐਮ.ਐਫ਼. ਹੁਸੈਨ, ਕੇ.ਕੇ. ਹੈਬਾਰ, ਅੰਜੋਲੀ ਇਲਾ ਮੇਨਨ, ਵਿਸ਼ਵਨਾਥ ਨਾਗੇਸ਼ਕਰ, ਨੰਦਲਾਲ ਬੋਸ ਤੇ ਵਿਵਾਨ ਸੁੰਦਰਮ ਦੀਆਂ ਪੇਂਟਿੰਗਾਂ ਦਾ ਭੰਡਾਰ ਹੈ।
ਇਨ੍ਹਾਂ ਵਿਚ ਸੱਭ ਤੋਂ ਮਹਿੰਗੀ ਪੇਂਟਿੰਗ ਮਸ਼ਹੂਰ ਪੇਂਟਰ ਰਾਜਾ ਰਵੀ ਵਰਮਾ ਨੂੰ ਤ੍ਰਾਵਣਕੋਰ ਮਹਾਰਾਜ ਤੇ ਉਨ੍ਹਾਂ ਦੇ ਛੋਟੇ ਭਰਾ ਦੀ ਪੇਂਟਿੰਗ ਹੈ ਜਿਸ ਦੀ ਕੀਮਤ 4 ਕਰੋੜ ਰੁਪਏ ਹੈ। ਜ਼ਿਕਰਯੋਗ ਹੈ ਕਿ ਸੀ.ਬੀ.ਆਈ. ਕੇਸ ਹੋਣ ਤੋਂ ਪਹਿਲਾਂ ਹੀ ਨੀਰਵ ਮੋਦੀ ਇਸ ਸਾਲ ਜਨਵਰੀ ਵਿਚ ਦੇਸ਼ ਤੋਂ ਭੱਜ ਚੁੱਕਿਆ ਹੈ। ਇਸ ਹਫ਼ਤੇ ਦੀ ਸ਼ੁਰੂਆਤ ਵਿਚ ਪੀ.ਐਨ.ਬੀ. ਨੇ ਨੀਰਵ ਮੋਦੀ ਤੇ ਉਸ ਦੀ ਕੰਪਨੀਆਂ ਤੋਂ 7000 ਕਰੋੜ ਰੁਪਏ ਹਾਸਲ ਕਰਨ ਲਈ ਕਾਨੂੰਨੀ ਲੜਾਈ ਸ਼ੁਰੂ ਕੀਤੀ ਹੈ।
ਦੱਸਣਯੋਗ ਹੈ ਕਿ ਸੀ.ਬੀ.ਆਈ. ਕੇਸ ਹੋਣ ਤੋਂ ਪਹਿਲਾਂ ਹੀ ਨੀਰਵ ਮੋਦੀ ਇਸ ਸਾਲ ਜਨਵਰੀ ਵਿਚ ਦੇਸ਼ ਤੋਂ ਭੱਜ ਚੁਕਾ ਹੈ। ਇਸ ਹਫ਼ਤੇ ਦੀ ਸ਼ੁਰੂਆਤ ਵਿਚ ਪੀ.ਐਨ.ਬੀ. ਨੇ ਨੀਰਵ ਮੋਦੀ ਤੇ ਉਸ ਦੀਆਂ ਕੰਪਨੀਆਂ ਤੋਂ 7000 ਕਰੋੜ ਰੁਪਏ ਹਾਸਲ ਕਰਨ ਲਈ ਕਾਨੂੰਨੀ ਲੜਾਈ ਸ਼ੁਰੂ ਕੀਤੀ ਹੈ। ਨੀਰਵ ਮੋਦੀ 'ਤੇ ਇਲਜ਼ਾਮ ਹਨ ਕਿ ਉਸ ਨੇ ਝੂਠੇ ਲੈਟਰ ਆਫ਼ ਅੰਡਰਟੇਕਿੰਗ (ਐਲ.ਓ.ਯੂ.) ਦੀ ਮਦਦ ਵਲੋਂ ਬੈਂਕ ਨਾਲ ਇਹ ਰਾਸ਼ੀ ਹਾਸਲ ਕੀਤੀ। ਹਾਲਾਂਕਿ ਬੈਂਕ ਨੂੰ ਲਿਖਤੀ ਖਤ ਵਿਚ ਨੀਰਵ ਮੋਦੀ ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਹੈ ਕਿ ਐਲ.ਓ.ਯੂ. ਧੋਖਾਧੜੀ ਵਲੋਂ ਬਣਾਏ ਗਏ ਸਨ । (ਏਜੰਸੀ)
