ਰਾਸ਼ਟਰੀ ਸਵੈਮਸੇਵਕ ਸੰਘ (ਆਰ.ਐਸ.ਐਸ.) ਦਾ ਇਤਿਹਾਸ ਅਤੇ 'ਦੇਸ਼ ਉਸਾਰੀ' 'ਚ ਉਸ ਦੀ ਭੂਮਿਕਾ ਨੂੰ ਨਾਗਪੁਰ ਸਥਿਤ ਇਕ ਯੂਨੀਵਰਸਟੀ ਦੇ ਪਾਠਕ੍ਰਮ 'ਚ ਸ਼ਾਮਲ ਕੀਤਾ ਗਿਆ ਹੈ।
ਨਾਗਪੁਰ: ਰਾਸ਼ਟਰੀ ਸਵੈਮਸੇਵਕ ਸੰਘ (ਆਰ.ਐਸ.ਐਸ.) ਦਾ ਇਤਿਹਾਸ ਅਤੇ 'ਦੇਸ਼ ਉਸਾਰੀ' 'ਚ ਉਸ ਦੀ ਭੂਮਿਕਾ ਨੂੰ ਨਾਗਪੁਰ ਸਥਿਤ ਇਕ ਯੂਨੀਵਰਸਟੀ ਦੇ ਪਾਠਕ੍ਰਮ 'ਚ ਸ਼ਾਮਲ ਕੀਤਾ ਗਿਆ ਹੈ। ਆਰ.ਐਸ.ਐਸ. ਦਾ ਮੁੱਖ ਦਫ਼ਤਰ ਵੀ ਇਸੇ ਸ਼ਹਿਰ 'ਚ ਹੈ। ਰਾਸ਼ਟਰਸੰਤ ਤੁਕਡੋਜੀ ਮਹਾਰਾਜ ਨਾਗਪੁਰ ਵਿਸ਼ਵਵਿਦਿਆਲਾ ਨੇ ਬੀ.ਏ. (ਇਤਿਹਾਸ) ਦੇ ਦੂਜੇ ਸਾਲ ਦੇ ਪਾਠਕ੍ਰਮ 'ਚ ਆਰ.ਐਸ.ਐਸ. ਦੇ ਇਤਿਹਾਸ ਨੂੰ ਸ਼ਾਮਲ ਕੀਤਾ ਹੈ।
University
ਘਟਨਾਕ੍ਰਮ ਨਾਲ ਨੇੜਿਉਂ ਜੁੜੇ ਇਕ ਸੂਤਰ ਨੇ ਕਿਹਾ ਕਿ ਇਹ ਕਦਮ ਇਤਿਹਾਸ 'ਚ 'ਨਵੀਂ ਵਿਚਾਰਧਾਰਾ' ਬਾਰੇ ਵਿਦਿਆਰਥੀਆਂ ਨੂੰ ਜਾਗਰੂਕ ਕਰਨ ਦੀ ਕੋਸ਼ਿਸ਼ ਦਾ ਹਿੱਸਾ ਹੈ। ਯੂਨੀਵਰਸਟੀ ਅਧਿਐਨ ਬੋਰਡ ਦੇ ਮੈਂਬਰ ਸਤੀਸ਼ ਚੈਫ਼ਲ ਨੇ ਕਿਹਾ ਕਿ 2003-2004 'ਚ ਯੂਨੀਵਰਸਟੀ ਦੇ ਐਮ.ਏ. (ਇਤਿਹਾਸ) 'ਚ ਇਕ ਪਾਠ 'ਆਰ.ਐਸ.ਐਸ. ਦੀ ਜਾਣ-ਪਛਾਣ' ਸੀ।
RSS
ਉਨ੍ਹਾਂ ਕਿਹਾ, ''ਇਸ ਸਾਲ ਅਸੀਂ ਇਤਿਹਾਸ ਦੇ ਵਿਦਿਆਰਥੀਆਂ ਲਈ ਦੇਸ਼ ਦੀ ਉਸਾਰੀ 'ਚ ਆਰ.ਐਸ.ਐਸ. ਦੇ ਯੋਗਦਾਨ ਦਾ ਪਾਠ ਰਖਿਆ ਹੈ ਜਿਸ ਨਾਲ ਉਹ ਇਤਿਹਾਸ 'ਚ ਨਵੀਂ ਵਿਚਾਰਧਾਰਾ ਬਾਰੇ ਜਾਣ ਸਕਣਗੇ।'' ਯੂਨੀਵਰਸਟੀ ਦੇ ਕਦਮ ਨੂੰ ਸਹੀ ਠਹਿਰਾਉਂਦਿਆਂ ਚੈਫ਼ਲ ਨੇ ਕਿਹਾ ਕਿ ਇਤਿਹਾਸ ਦੇ ਮੁੜ ਲਿਖਣ ਨਾਲ ਸਮਾਜ ਸਾਹਮਣੇ ਨਵੇਂ ਤੱਥ ਆਉਂਦੇ ਹਨ।
