ਰੰਗਮੰਚ ਕਲਾਕਾਰਾਂ ਨੇ ਕਿਸਾਨਾਂ ਦੇ ਸੰਘਰਸ਼ ਚ ਪਾਇਆ ਯੋਗਦਾਨ
ਨਵੀਂ ਦਿੱਲੀ- ਕਿਸਾਨੀ ਸੰਘਰਸ਼ ਦੀ ਹਮਾਇਤ ਵਿਚ ਵੱਖ-ਵੱਖ ਵਰਗਾਂ ਦੇ ਨਾਲ ਕਲਾਕਾਰਾਂ ਦਾ ਵੀ ਭਰਪੂਰ ਸਹਿਯੋਗ ਮਿਲ ਰਿਹਾ ਹੈ। ਰੰਗਮੰਚ ਕਲਾਕਾਰ ਵੀ ਕਿਸਾਨੀ ਸੰਘਰਸ਼ ਦੀ ਹਮਾਇਤ ਵਿਚ ਆ ਗਏ ਹਨ।
Drama
ਇਸੇ ਕੜੀ ਤਹਿਤ ਸਾਰਥਕ ਰੰਗਮੰਚ ਪਟਿਆਲਾ ਦੇ ਕਲਾਕਾਰਾਂ ਵੱਲੋਂ ਡਾ. ਲੱਖਾ ਲਹਿਰੀ ਦੀ ਨਿਰਦੇਸ਼ਨਾ ਹੇਠ ਪ੍ਰੋ. ਅਜਮੇਰ ਸਿੰਘ ਔਲਖ ਦਾ ਨਾਟਕ ਸਿੱਧਾ ਰਾਹ ਵਿੰਗਾ ਬੰਦਾ ਪੇਸ਼ ਕੀਤਾ ਗਿਆ।
Drama
ਬੁਰਜੂਆ ਨਿਜਾਮ ਦੇ ਚਾਰ ਵਿੰਗ ਤੜਿੰਗੇ ਤੇ ਆਦਮਖੋਰ ਕਿਰਦਾਰਾਂ ਵੱਲੋਂ ਆਪਣੀਆਂ ਕੁਰਸੀਆਂ ਕਾਇਮ ਰੱਖਣ ਲਈ ਕਿਸ ਤਰ੍ਹਾਂ ਆਮ ਲੋਕਾਂ ਤੇ ਤਸ਼ੱਦਦ ਕੀਤਾ ਜਾ ਰਿਹਾ ਹੈ ਤੇ ਅਪਣੇ ਆਕਾਵਾਂ ਨੂੰ ਖੁਸ਼ ਰੱਖਣ ਦਾ ਹਰ ਹੀਲਾ ਵਰਤਿਆ ਜਾ ਰਿਹਾ ਹੈ।
Drama
ਕਲਾਕਾਰਾਂ ਨੇ ਅੰਬਾਨੀਆਂ-ਅਡਾਨੀਆਂ ਦੀ ਹਰ ਚਾਲ ਨੂੰ ਨਾਟਕ ਰਾਹੀਂ ਲੋਕਾਂ ਸਾਹਮਣੇ ਪੇਸ਼ ਕੀਤਾ। ਜਦੋਂ ਜਦੋਂ ਵੀ ਲੋਕ ਲਹਿਰਾਂ ਉਠਦੀਆਂ ਹਨ ਉਸ ਨੂੰ ਕਿਸ ਤਰ੍ਹਾਂ ਬਦਨਾਮ ਕਰਕੇ ਦਬਾਅ ਦਿੱਤਾ ਜਾਂਦਾ ਹੈ ਪਰ ਹਿੰਮਤੀ ਯੋਧੇ ਤਸ਼ੱਦਦ ਸਹਾਰ ਕੇ ਵੀ ਕਿਸ ਤਰਾਂ ਚਾਨਣ ਦਾ ਛਿੱਟਾ ਦਿੰਦੇ ਹਨ.............
ਐ ਚਾਨਣ ਦੇ ਕਾਤਲੋ, ਕਿਉਂ ਭੁੱਲਾਂ ਕਰਦੇ।
ਲੱਖਾਂ ਸੂਰਜ ਨੂੜ ਲਓ, ਇਨ੍ਹਾਂ ਰਹਿਣਾ ਚੜ੍ਹਦੇ।
ਦੇ ਬੋਲਾਂ ਨਾਲ ਜਦੋਂ ਨਾਟਕ ਖ਼ਤਮ ਹੋਇਆ ਤਾਂ ਤਾੜੀਆਂ ਅਤੇ ਇਨਕਲਾਬ ਜਿੰਦਾਬਾਦ ਦੇ ਨਾਹਰਿਆਂ ਨਾਲ ਆਲਾ ਦੁਆਲਾ ਗੂੰਜ ਉੱਠਿਆ।
