Advertisement

ਦੀਪਿਕਾ ਦੇ ਹੱਕ ਵਿਚ ਆਏ ਸਾਬਕਾ RBI ਗਵਰਨਰ, ਪੜ੍ਹੋ ਕੀ ਕਿਹਾ?

ਏਜੰਸੀ
Published Jan 11, 2020, 4:39 pm IST
Updated Jan 11, 2020, 4:54 pm IST
ਅਦਾਕਾਰਾ ਦੀਪਿਕਾ ਪਾਦੂਕੋਣ ਦੀ ਫਿਲਮ ਛਪਾਕ ਵਿਰੋਧ ਅਤੇ ਵਿਵਾਦਾਂ ਦੇ ਵਿਚ ਰੀਲੀਜ਼ ਹੋ ਗਈ ਹੈ।
File Photo
 File Photo

ਨਵੀਂ ਦਿੱਲੀ: ਅਦਾਕਾਰਾ ਦੀਪਿਕਾ ਪਾਦੂਕੋਣ ਦੀ ਫਿਲਮ ਛਪਾਕ ਵਿਰੋਧ ਅਤੇ ਵਿਵਾਦਾਂ ਦੇ ਵਿਚ ਰੀਲੀਜ਼ ਹੋ ਗਈ ਹੈ। ਉੱਥੇ ਹੀ ਦੀਪਿਕਾ ਦੇ ਸਮਰਥਨ ਵਿਚ ਲੋਕਾਂ ਦੇ ਬਿਆਨ ਲਗਾਤਾਰ ਜਾਰੀ ਹਨ। ਹੁਣ ਭਾਰਤੀ ਰਿਜ਼ਰਵ ਬੈਂਕ ਦੇ ਸਾਬਕਾ ਗਵਰਨਰ ਰਘੁਰਾਮ ਰਾਜਨ ਨੇ ਦੀਪਿਕਾ ਪਾਦੂਕੋਣ ਦੇ ਹੱਕ ਵਿਚ ਬਿਆਨ ਦਿੱਤਾ ਹੈ।

Photo 1Photo 1

ਆਰਬੀਆਈ ਦੇ ਸਾਬਕਾ ਗਵਰਨਰ ਰਘੁਰਾਮ ਰਾਜਨ ਨੇ ਕਿਹਾ ਹੈ ਕਿ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਚ ਹੋਈ ਹਿੰਸਾ ਖਿਲਾਫ ਅਦਾਕਾਰਾ ਦਾ ਖੜ੍ਹਾ ਹੋਣਾ ਇਹ ਦਿਖਾਉਂਦਾ ਹੈ ਕਿ ਕੁਝ ਲੋਕਾਂ ਲਈ ਸੱਚਾਈ, ਸੁਤੰਤਰਤਾ ਅਤੇ ਇਨਸਾਫ ਸਿਰਫ ਸ਼ਬਦ ਹੀ ਨਹੀਂ ਬਲਕਿ ਅਜਿਹੇ ਆਦਰਸ਼ ਹਨ ਜਿਨ੍ਹਾਂ ਲਈ ਬਲੀਦਾਨ ਦਿੱਤਾ ਜਾ ਸਕਦਾ ਹੈ।

Raghuram RajanRaghuram Rajan

ਇਕ ਬਲਾਗ ਵਿਚ ਸਾਬਕਾ ਗਵਰਨਰ ਨੇ ਕਿਹਾ ਕਿ, ‘ਦੇਸ਼ ਦੀਆਂ ਮਸ਼ਹੂਰ ਯੂਨੀਵਰਸਿਟੀਆਂ ਵਿਚੋਂ ਇਕ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਚ ਨਕਾਬਪੋਸ਼ ਹਮਲਾਵਰਾਂ ਵੱਲੋਂ ਹਮਲੇ ਅਤੇ ਭੰਨਤੋੜ, ਵਿਦਿਆਰਥੀਆਂ ਅਤੇ ਅਧਿਆਪਕਾਂ ‘ਤੇ ਹਮਲੇ ਦੀ ਖ਼ਬਰ ਅਤੇ ਪੁਲਿਸ ਵੱਲੋਂ ਉਹਨਾਂ ਨੂੰ ਨਾ ਰੋਕਿਆ ਜਾਣਾ, ਚਿੰਤਾਜਨਕ ਹੈ’।

Deepika PadukoneDeepika Padukone

ਜੇਐਨਯੂ ਹਮਲੇ ਤੋਂ ਬਾਅਦ ਵਿਦਿਆਰਥੀਆਂ ਦੇ ਸਮਰਥਨ ਵਿਚ ਆਉਣ ‘ਤੇ ਦੀਪਿਕਾ ਦਾ ਨਾਂਅ ਲ਼ਏ ਬਗੈਰ ਸਾਬਕਾ ਗਵਰਨਰ ਰਘੁਰਾਮ ਰਾਜਨ ਨੇ ਕਿਹਾ ਕਿ, ‘ਅਪਣੀ ਨਵੀਂ ਫਿਲਮ ਛਪਾਕ ਨੂੰ ਖਤਰੇ ਵਿਚ ਪਾ ਕੇ ਅਦਾਕਾਰਾ ਨੇ ਸਾਨੂੰ ਸਾਰਿਆਂ ਨੂੰ ਪ੍ਰੇਰਿਤ ਕੀਤਾ ਕਿ ਅਸੀਂ ਇਹ ਦੇਖੀਏ ਕਿ ਅਸਲ ਵੀ ਦਾਅ ‘ਤੇ ਕੀ ਲੱਗਿਆ ਹੈ’।

Deepika PadukoneDeepika Padukone

ਜ਼ਿਕਰਯੋਗ ਹੈ ਕਿ ਪੰਜ ਜਨਵਰੀ ਨੂੰ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਚ ਹੋਈ ਹਿੰਸਾ ਤੋਂ ਬਾਅਦ ਅਦਾਕਾਰਾ ਦੀਪਿਕਾ ਪਾਦੂਕੋਣ ਮੰਗਲਵਾਰ ਨੂੰ ਵਿਦਿਆਰਥੀਆਂ ਨੂੰ ਮਿਲਣ ਜਵਾਹਰ ਲਾਲ ਨਹਿਰੂ ਯੂਨੀਵਰਸਿਟੀ ਵਿਚ ਪਹੁੰਚੀ ਸੀ। ਜਿਸ ਤੋਂ ਬਾਅਦ ਲਗਾਤਾਰ ਉਹਨਾਂ ਦੀ ਫਿਲਮ ਦਾ ਵਿਰੋਧ ਹੋ ਰਿਹਾ ਹੈ। ਹਾਲਾਂਕਿ ਫਿਲਮ ਛਪਾਕ ਕੱਲ ਪਰਦੇ ‘ਤੇ ਰੀਲੀਜ਼ ਹੋ ਗਈ ਹੈ।

Location: India, Delhi, New Delhi
Advertisement
Advertisement

 

Advertisement