Advertisement
  ਖ਼ਬਰਾਂ   ਰਾਸ਼ਟਰੀ  11 Sep 2019  ਹਰਿਆਣਾ ਪੁਲਿਸ ਮੁਲਾਜ਼ਮ 'ਤੇ ਹਾਵੀ 'ਲਾਲ ਪਰੀ', ਹਿਮਾਚਲ ਪੁਲਿਸੀਏ ਨੂੰ ਦਿੱਤੀ ਜਾਨੋਂ ਮਾਰਨ ਦੀ ਧਮਕੀ

ਹਰਿਆਣਾ ਪੁਲਿਸ ਮੁਲਾਜ਼ਮ 'ਤੇ ਹਾਵੀ 'ਲਾਲ ਪਰੀ', ਹਿਮਾਚਲ ਪੁਲਿਸੀਏ ਨੂੰ ਦਿੱਤੀ ਜਾਨੋਂ ਮਾਰਨ ਦੀ ਧਮਕੀ

ਏਜੰਸੀ
Published Sep 11, 2019, 4:24 pm IST
Updated Sep 11, 2019, 4:26 pm IST
ਲਾਲ ਪਰੀ ਦੇ ਨਸ਼ੇ 'ਚ ਧੁੱਤ ਇੱਕ ਹਰਿਆਣਾ ਪੁਲਿਸ ਦੇ ਹੈੱਡ ਕਾਂਸਟੇਬਲ ਨੇ ਟਰੈਫਿਕ ਨਿਯਮ ਤੋੜਨ ਦੇ ਨਾਲ - ਨਾਲ ਹਿਮਾਚਲ ਪੁਲਿਸ ਦੇ ਜਵਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ..
Head constable of Haryana Police
 Head constable of Haryana Police

ਨਵੀਂ ਦਿੱਲੀ : ਲਾਲ ਪਰੀ ਦੇ ਨਸ਼ੇ 'ਚ ਧੁੱਤ ਇੱਕ ਹਰਿਆਣਾ ਪੁਲਿਸ ਦੇ ਹੈੱਡ ਕਾਂਸਟੇਬਲ ਨੇ ਟਰੈਫਿਕ ਨਿਯਮ ਤੋੜਨ ਦੇ ਨਾਲ - ਨਾਲ ਹਿਮਾਚਲ ਪੁਲਿਸ  ਦੇ ਜਵਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ। ਮਾਮਲਾ ਊਨਾ ਦੇ ਅੰਬ ਸਬ-ਡਵੀਜ਼ਨ ਦਾ ਹੈ, ਜਿੱਥੇ ਡਿਊਟੀ 'ਤੇ ਤਾਇਨਾਤ ਹੋਮ ਗਾਰਡ ਜਵਾਨ ਅਤੇ ਟਰਾਂਸਪੋਰਟ ਪੁਲਿਸ ਦੇ ਜਵਾਨ ਨਾਲ ਹਰਿਆਣਾ ਪੁਲਿਸ ਦਾ ਹੈੱਡ ਕਾਂਸਟੇਬਲ ਉਲਝ ਪਿਆ। ਇਕ ਤਾਂ ਦੋਸ਼ੀ ਨਸ਼ੇ 'ਚ ਟੱਲੀ ਸੀ ਅਤੇ ਦੂਜਾ ਉਹ ਵਰਦੀ ਦਾ ਰੌਬ ਵੀ ਦਿਖਾ ਰਿਹਾ ਸੀ।

Head constable of Haryana PoliceHead constable of Haryana Police

ਪੁਲਿਸ ਨੇ ਦੋਸ਼ੀ ਨੂੰ ਹਿਰਾਸਤ 'ਚ ਲੈ ਕੇ ਮੈਡੀਕਲ ਕਰਵਾਉਣ ਦੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ, ਜਦੋਂ ਕਿ ਕਾਰ ਨੂੰ ਆਪਣੇ ਕਬਜ਼ੇ 'ਚ ਲੈ ਲਿਆ ਹੈ। ਪੁਲਿਸ ਨੇ ਦੋਸ਼ੀ ਦਾ ਡਰੰਕ ਐਂਡ ਡਰਾਈਵ ਦਾ ਵੀ ਚਾਲਾਨ ਕੱਟਿਆ ਹੈ। ਜਾਣਕਾਰੀ ਅਨੁਸਾਰ ਅੰਬ-ਜਵਾਲਾਜੀ ਰੋਡ 'ਤੇ ਹੋਮ ਗਾਰਡ ਜਵਾਨ ਅਤੇ ਟਰਾਂਸਪੋਰਟ ਪੁਲਿਸ ਕਰਮਚਾਰੀ ਆਵਾਜਾਈ ਵਿਵਸਥਾ ਨੂੰ ਸਹੀ ਕਰਨ ਲਈ ਡਿਊਟੀ 'ਤੇ ਤਾਇਨਾਤ ਸਨ।

Head constable of Haryana PoliceHead constable of Haryana Police

ਇੰਨੇ 'ਚ ਇਕ ਕਾਲੇ ਰੰਗ ਦੀ ਅਲਟੋ ਕਾਰ ਜੋ ਕਿ ਪੰਜਾਬ ਨੰਬਰ ਦੀ ਸੀ, ਤੇਜ਼ ਡਰਾਈਵਿੰਗ ਨਾਲ ਚੌਕ 'ਤੇ ਪਹੁੰਚੀ। ਹੋਮ ਗਾਰਡ ਜਵਾਨ ਨੇ ਕਾਰ ਡਰਾਈਵਰ ਨੂੰ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਕਾਰ 'ਚ ਸਵਾਰ ਹਰਿਆਣਾ ਪੁਲਿਸ ਦਾ ਜਵਾਨ ਹੋਮ ਗਾਰਡ ਜਵਾਨ ਨਾਲ ਉਲਝ ਪਿਆ, ਜਦੋਂ ਕਿ ਟਰਾਂਸਪੋਰਟ ਪੁਲਸ ਕਰਮਚਾਰੀ ਪ੍ਰਵੇਸ਼ ਦੇ ਨਾਲ ਵੀ ਬਦਸਲੂਕੀ ਕੀਤੀ। ਅਲਟੋ ਕਾਰ ਚਾਲਕ ਕੋਲ ਆਰ.ਸੀ. ਵੀ ਨਹੀਂ ਸੀ ਅਤੇ ਉਹ ਨਸ਼ੇ 'ਚ ਟੱਲੀ ਸੀ।

Head constable of Haryana PoliceHead constable of Haryana Police

ਕਾਰ 'ਚ ਸਵਾਰ ਚਾਲਕ ਨੇ ਹੋਮ ਗਾਰਡ ਜਵਾਨ ਨੂੰ ਹਰਿਆਣਾ ਪੁਲਿਸ ਦਾ ਜਵਾਨ ਹੋਣ ਦਾ ਹਵਾਲਾ ਦਿੰਦੇ ਹੋਏ ਧਮਕੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਇੱਥੇ ਤੱਕ ਕਿ ਜਾਨੋਂ ਮਾਰਨ ਦੀਆਂ ਧਮਕੀਆਂ ਵੀ ਦਿੰਦਾ ਰਿਹਾ। ਪੁਲਿਸ ਦੋਸ਼ੀ ਦਾ ਮੈਡੀਕਲ ਕਰਵਾ ਰਹੀ ਹੈ। ਦੋਸ਼ੀ ਤੋਂ ਪੁੱਛ-ਗਿੱਛ ਕੀਤੀ ਜਾ ਰਹੀ ਹੈ। ਦੂਜੇ ਪਾਸੇ ਡੀ.ਐੱਸ.ਪੀ. ਮਨੋਜ ਜਮਵਾਲ ਨੇ ਦੱਸਿਆ ਕਿ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।

Advertisement
Advertisement

 

Advertisement