ਫ਼ਰਾਂਸ ਮੀਡੀਆ ਦਾ ਇਕ ਹੋਰ ਖੁਲਾਸਾ, ਦਸੌਲਟ ਕੋਲ ਰਿਲਾਇੰਸ ਤੋਂ ਇਲਾਵਾ ਨਹੀਂ ਸੀ ਕੋਈ ਵਿਕਲਪ
Published : Oct 11, 2018, 4:43 pm IST
Updated : Oct 11, 2018, 4:43 pm IST
SHARE ARTICLE
Internal Dassault Document
Internal Dassault Document

ਰਾਫੇਲ ਡੀਲ ਵਿਚ ਹਰ ਰੋਜ਼ ਨਵੇਂ - ਨਵੇਂ ਖੁਲਾਸੇ ਹੋ ਰਹੇ ਹਨ। ਬੁੱਧਵਾਰ ਨੂੰ ਫ਼ਰਾਂਸ ਮੀਡੀਆ ਦੀ ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਕਿ ਦਸਿਆ ਏਵਿਏਸ਼ਨ ਕੋਲ ਰਿਲਾ...

ਨਵੀਂ ਦਿੱਲੀ : ਰਾਫੇਲ ਡੀਲ ਵਿਚ ਹਰ ਰੋਜ਼ ਨਵੇਂ - ਨਵੇਂ ਖੁਲਾਸੇ ਹੋ ਰਹੇ ਹਨ। ਬੁੱਧਵਾਰ ਨੂੰ ਫ਼ਰਾਂਸ ਮੀਡੀਆ ਦੀ ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਕਿ ਦਸਿਆ ਏਵਿਏਸ਼ਨ ਕੋਲ ਰਿਲਾਇੰਸ ਡਿਫੈਂਸ ਨਾਲ ਸਮਝੌਤਾ ਕਰਨ ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਨਹੀਂ ਸੀ। ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਦਸਿਆ ਦੇ ਗੁਪਤ ਦਸਤਾਵੇਜ਼ ਇਸ ਗੱਲ ਦੀ ਪੁਸ਼ਟੀ ਕਰਦੇ ਹਨ। 59 ਹਜ਼ਾਰ ਕਰੋਡ਼ ਰੁਪਏ ਦੇ 36 ਰਾਫੇਲ ਲੜਾਕੂ ਜਹਾਜ਼ ਦੇ ਸੌਦੇ ਵਿਚ ਰਿਲਾਇੰਸ ਦਸੌਲਟ ਦੀ ਮੁੱਖ ਆਫਸੈਟ ਪਾਰਟਨਰ ਹੈ।

Anil AmbaniAnil Ambani

ਫ਼ਰਾਂਸ ਦੀ ਇੰਵੈਸਟਿਗੇਟਿਵ ਵੈਬਸਾਈਟ ਮੀਡੀਆਪਾਰਟ ਦੇ ਮੁਤਾਬਕ ਉਨ੍ਹਾਂ ਕੋਲ ਮੌਜੂਦ ਦਸਿਆ  ਦੇ ਦਸਤਾਵੇਜ਼ਾਂ ਵਿਚ ਇਸ ਗੱਲ ਦੀ ਪੁਸ਼ਟੀ ਹੁੰਦੀ ਹੈ ਕਿ ਉਸ ਦੇ ਕੋਲ ਰਿਲਾਇੰਸ ਨੂੰ ਪਾਰਟਨਰ ਚੁਣਨ ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਨਹੀਂ ਸੀ। ਦੱਸ ਦਈਏ ਕਿ ਮੀਡੀਆਪਾਰਟ ਨੇ ਹੀ ਸਾਬਕਾ ਫਰਾਂਸੀਸੀ ਰਾਸ਼ਟਰਪਤੀ ਫਰਾਂਸਵਾ ਓਲਾਂਦੇ ਦੇ ਵੀ ਉਸ ਦਾਅਵੇ ਨੂੰ ਪ੍ਰਕਾਸ਼ਿਤ ਕੀਤਾ ਸੀ ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਸੀ ਕਿ ਰਾਫੇਲ ਸੌਦੇ ਲਈ ਭਾਰਤ ਸਰਕਾਰ ਨੇ ਅਨਿਲ ਅੰਬਾਨੀ ਦੀ ਰਿਲਾਇੰਸ ਦਾ ਨਾਮ ਪ੍ਰਸਤਾਵਿਤ ਕੀਤਾ ਸੀ ਅਤੇ ਦਸਿਆ ਏਵਿਏਸ਼ਨ ਕੰਪਨੀ ਕੋਲ ਦੂਜਾ ਵਿਕਲਪ ਨਹੀਂ ਸੀ।  

Francois HollandeFrancois Hollande

ਮੀਡੀਆਪਾਰਟ ਦੇ ਦਾਅਵੇ ਦੇ ਮੁਤਾਬਕ ਰਿਲਾਇੰਸ ਡਿਫੈਂਸ ਦੇ ਨਾਲ ਸਮਝੌਤਾ ਕਰ ਕੇ 36 ਫਾਇਟਰ ਜੈਟਸ ਦਾ ਇਕਰਾਰਨਾਮਾ ਪਾਇਆ ਗਿਆ। ਹਾਲਾਂਕਿ ਪਿਛਲੇ ਮਹੀਨੇ ਫ਼ਰਾਂਸ ਸਰਕਾਰ ਅਤੇ ਦਸਿਆ ਨੇ ਓਲਾਂਦੇ ਦੇ ਦਾਅਵੇ ਨੂੰ ਪੂਰੀ ਤਰ੍ਹਾਂ ਖਾਰਿਜ ਕਰ ਦਿਤਾ ਸੀ। ਭਾਰਤੀ ਰੱਖਿਆ ਮੰਤਰਾਲਾ ਨੇ ਵੀ ਓਲਾਂਦੇ ਦੇ ਦਾਅਵੇ ਨੂੰ ਵਿਵਾਦਪੂਰਨ ਅਤੇ ਗ਼ੈਰ-ਜ਼ਰੂਰੀ ਦੱਸਿਆ ਸੀ। ਮੰਤਰਾਲਾ ਨੇ ਸਾਫ਼ ਕੀਤਾ ਸੀ ਕਿ ਭਾਰਤ ਨੇ ਅਜਿਹੇ ਕਿਸੇ ਕੰਪਨੀ ਦਾ ਨਾਮ ਨਹੀਂ ਸੁਝਾਇਆ ਸੀ। ਇਕਰਾਰਨਾਮੇ ਦੇ ਮੁਤਾਬਕ ਸਮਝੌਤੇ ਵਿਚ ਸ਼ਾਮਿਲ ਫਰੈਂਚ ਕੰਪਨੀ ਨੂੰ ਇਕਰਾਰਨਾਮਾ ਕੀਮਤ ਦਾ 50 ਫ਼ੀ ਸਦੀ ਭਾਰਤ ਨੂੰ ਆਫਸੈਟ ਜਾਂ ਮੁੜ ਨਿਵੇਸ਼ ਦੇ ਤੌਰ 'ਤੇ ਦੇਣਾ ਸੀ।  

reliance industriesreliance industries

ਓਲਾਂਦੇ ਦੀ ਇਹ ਗੱਲ ਸਰਕਾਰ ਦੇ ਦਾਅਵੇ ਨੂੰ ਖਾਰਿਜ ਕਰਦੀ ਹੈ ਜਿਸ ਵਿਚ ਕਿਹਾ ਗਿਆ ਸੀ ਕਿ ਦਸੌਲਟ ਅਤੇ ਰਿਲਾਇੰਸ  'ਚ ਸਮਝੌਤਾ ਇਕ ਕਮਰਸ਼ੀਅਲ ਪੈਕਟ ਸੀ ਜੋ ਕਿ ਦੋ ਪ੍ਰਾਈਵੇਟ ਫਰਮ 'ਚ ਹੋਇਆ। ਇਸ ਵਿਚ ਸਰਕਾਰ ਦੀ ਕੋਈ ਭੂਮਿਕਾ ਨਹੀਂ ਸੀ। ਰੱਖਿਆ ਮੰਤਰਾਲਾ ਦੇ ਬੁਲਾਰਾ ਨੇ ਕਿਹਾ ਸੀ ਕਿ ਸਾਬਕਾ ਰਾਸ਼ਟਰਪਤੀ ਦੇ ਵਲੋਂ ਦਿਤੇ ਗਏ ਬਿਆਨ ਵਾਲੀ ਰਿਪੋਰਟ ਦੀ ਪੁਸ਼ਟੀ ਕੀਤੀ ਜਾ ਰਹੀ ਹੈ। ਇਹ ਫਿਰ ਤੋਂ ਦੁਹਰਾਇਆ ਜਾਂਦਾ ਹੈ ਕਿ ਇਸ ਸਮਝੌਤੈ ਵਿਚ ਨਾ ਤਾਂ ਭਾਰਤ ਸਰਕਾਰ ਅਤੇ ਨਾ ਹੀ ਫ਼ਰਾਂਸ ਸਰਕਾਰ ਦੀ ਕੋਈ ਭੂਮਿਕਾ ਸੀ।

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਬਜਟ 'ਚ ਪੰਜਾਬ ਨੂੰ ਕੀ ਮਿਲਿਆ ? ਬਿਹਾਰ ਨੂੰ ਖੁੱਲ੍ਹੇ ਗੱਫੇ, ਕਿਸਾਨ ਵੀ ਨਾ-ਖੁਸ਼, Income Tax ਦੀ ਨਵੀਂ ਪ੍ਰਣਾਲੀ ਦਾ..

24 Jul 2024 9:52 AM

ਵਿਦੇਸ਼ ਜਾਣ ਦੀ ਬਜਾਏ ਆਹ ਨੌਜਵਾਨ ਦੇਖੋ ਕਿਵੇਂ ਸੜਕ 'ਤੇ ਵੇਚ ਰਿਹਾ ਚਾਟੀ ਦੀ ਲੱਸੀ, ਕਰ ਰਿਹਾ ਚੰਗੀ ਕਮਾਈ

24 Jul 2024 9:47 AM

ਕਬਾੜ ਦਾ ਕੰਮ ਕਰਦੇ ਮਾਪੇ, ਧੀ ਨੇ ਵਿਸ਼ਵ ਪੱਧਰ ’ਤੇ ਚਮਕਾਇਆ ਭਾਰਤ ਦਾ ਨਾਮ ਚੰਡੀਗੜ੍ਹ ਦੀ ‘ਕੋਮਲ ਨਾਗਰਾ’ ਨੇ ਕੌਮਾਂਤਰੀ

24 Jul 2024 9:45 AM

? LIVE | ਗੁਰਦੁਆਰਾ ਸੀਸ ਗੰਜ ਸਾਹਿਬ ਤੋਂ ਗੁਰਬਾਣੀ ਕੀਰਤਨ ਦਾ ਸਿੱਧਾ ਪ੍ਰਸਾਰਣ | 24-07-2024

24 Jul 2024 9:40 AM

ਆਹ ਕਿਸਾਨ ਨੇ ਖੇਤ 'ਚ ਹੀ ਬਣਾ ਲਿਆ ਮਿੰਨੀ ਜੰਗਲ 92 ਤਰ੍ਹਾਂ ਦੇ ਲਾਏ ਫਲਦਾਰ ਤੇ ਹੋਰ ਬੂਟੇ ਬਾਕੀ ਇਲਾਕੇ ਨਾਲੋਂ ਇੱਥੇ...

24 Jul 2024 9:33 AM
Advertisement