ਮਹਾਬਲੀਪੁਰਮ ਵਿਚ ਅੱਜ ਸ਼ਾਮ 5 ਵਜੇ ਪੀਐਮ ਮੋਦੀ ਅਤੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੀ ਮੁਲਾਕਾਤ ਹੋਣ ਵਾਲੀ ਹੈ।
ਚੇਨਈ: ਮਹਾਬਲੀਪੁਰਮ ਵਿਚ ਅੱਜ ਸ਼ਾਮ 5 ਵਜੇ ਪੀਐਮ ਮੋਦੀ ਅਤੇ ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੀ ਮੁਲਾਕਾਤ ਹੋਣ ਵਾਲੀ ਹੈ। ਮਹਾਬਲੀਪੁਰਮ ਵਿਚ ਇਹਨਾਂ ਦੋ ਨੇਤਾਵਾਂ ਦੇ ਸਵਾਗਤ ਲਈ ਜ਼ੋਰਦਾਰ ਤਿਆਰੀਆਂ ਕੀਤੀਆਂ ਜਾ ਰਹੀਆਂ ਹਨ। ਮਹਾਬਲੀਪੁਰਮ ਵਿਚ ਪੰਚ-ਰਥ ਦੇ ਕੋਲ ਮੋਦੀ-ਜਿਨਪਿੰਗ ਦੇ ਸਵਾਗਤ ਲਈ ਬਾਗਵਾਨੀ ਵਿਭਾਗ ਨੇ ਇਕ ਵਿਸ਼ਾਲ ਗੇਟ ਸਜਾਇਆ ਹੈ। ਇਸ ਦੀ ਸਜਾਵਟ ਲਈ 18 ਪ੍ਰਕਾਰ ਦੀਆਂ ਸਬਜ਼ੀਆਂ ਅਤੇ ਫਲਾਂ ਦੀ ਵਰਤੋਂ ਕੀਤੀ ਗਈ ਹੈ।
Tamil Nadu: Dept of Horticulture has decorated a huge gate near 'Pancha Rathas' in Mamallapuram where PM Modi & Chinese President, Xi Jinping are expected to visit later today. 18 varieties of vegetables & fruits,brought from different parts of the state, used in this decoration. pic.twitter.com/L8QXhWw34B
— ANI (@ANI) October 11, 2019
ਇਹਨਾਂ ਫਲਾਂ ਅਤੇ ਸਬਜ਼ੀਆਂ ਨੂੰ ਤਮਿਲਨਾਡੂ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਮੰਗਵਾਇਆ ਗਿਆ ਹੈ। ਵਿਭਾਗ ਦੇ 200 ਸਟਾਫ ਮੈਂਬਰਾਂ ਅਤੇ ਟ੍ਰੇਨੀ ਨੇ ਮਿਲ ਕੇ 10 ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਇਸ ਗੇਟ ਨੂੰ ਸਜਾਉਣ ਵਿਚ ਮਿਹਨਤ ਕੀਤੀ ਹੈ। ਚੀਨੀ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੁਪਹਿਰ 2.10 ‘ਤੇ ਚੇਨਈ ਇੰਟਰਨੈਸ਼ਨਲ ਹਵਾਈ ਅੱਡੇ ‘ਤੇ ਪਹੁੰਚਣਗੇ। ਇੱਥੇ ਉਹਨਾਂ ਦੇ ਸਵਾਗਤ ਲਈ ਕੇਰਲ ਦੇ ਪ੍ਰਸਿੱਧ ਰਵਾਇਤੀ ਨਾਚ ਨੂੰ ਪੇਸ਼ ਕੀਤਾ ਜਾਵੇਗਾ। ਇਸ ਦੇ ਲਈ ਕਲਾਕਾਰ ਹਵਾਈ ਅੱਡੇ ‘ਤੇ ਪਹੁੰਚ ਚੁੱਕੇ ਹਨ।
18 types of vegetables and fruits used to erect gate at Panch Rathas
ਪੀਐਮ ਮੋਦੀ ਕੁੱਝ ਸਮਾਂ ਪਹਿਲਾਂ ਚੇਨਈ ਵਿਚ ਪਹੁੰਚ ਗਏ ਹਨ। ਮਹਾਬਲੀਪੁਰਮ (Mamallapuram) ਪ੍ਰਸਿੱਧ ਪੱਲਵ ਰਾਜਵੰਸ਼ ਦੀ ਨਗਰੀ ਸੀ। ਇਸ ਦੇ ਚੀਨ ਨਾਲ ਵਪਾਰਕ ਦੇ ਨਾਲ ਹੀ ਰੱਖਿਆ ਸਬੰਧ ਵੀ ਸਨ। ਇਤਿਹਾਸਕਾਰ ਮੰਨਦੇ ਹਨ ਕਿ ਪੱਲਵ ਹਾਕਮਾਂ ਨੇ ਚੇਨਈ ਤੋਂ 50 ਕਿਲੋ ਮੀਟਰ ਦੂਰ ਸਥਿਤ ਮਹਾਬਲੀਪੁਰਮ ਦੇ ਗੇਟ ਚੀਨ ਸਮੇਤ ਦੱਖਣ-ਪੂਰਬੀ ਏਸ਼ੀਆਈ ਮੁਲਕਾਂ ਲਈ ਖੋਲ ਦਿੱਤੇ ਸਨ ਤਾਂ ਜੋ ਉਹਨਾਂ ਦਾ ਸਮਾਨ ਆਯਾਤ ਕੀਤਾ ਜਾ ਸਕੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
