ਐਨਐਸ ਕੁੰਟਾ ਸਥਿਤ ਮਸਜਿਦ-ਏ-ਇਸ਼ਾਕ ਹੁਣ ਸਮੁਦਾਇਕ ਸਿਹਤ ਕੇਂਦਰ ਦੀ ਤਰ੍ਹਾਂ ਕੰਮ ਕਰੇਗਾ ਜਿਥੇ 1.5 ਲੱਖ ਲੋਕਾਂ ਨੂੰ ਸਿਹਤ ਸਹੂਲਤਾਂ ਦਿਤੀਆਂ ਜਾਣਗੀਆਂ।
ਹੈਦਰਾਬਾਦ , ( ਪੀਟੀਆਈ ) : ਹੈਦਰਾਬਾਦ ਵਿਖੇ ਇਕ ਮਸਜਿਦ ਦੇ ਦਰਵਾਜ਼ੇ ਲੋਕਾਂ ਨੂੰ ਸਿਹਤ ਸਹੂਲਤਾਂ ਦੇਣ ਲਈ ਖੋਲ੍ਹ ਦਿਤੇ ਗਏ ਹਨ। ਐਨਐਸ ਕੁੰਟਾ ਸਥਿਤ ਮਸਜਿਦ-ਏ-ਇਸ਼ਾਕ ਹੁਣ ਸਮੁਦਾਇਕ ਸਿਹਤ ਕੇਂਦਰ ਦੀ ਤਰ੍ਹਾਂ ਕੰਮ ਕਰੇਗਾ ਜਿਥੇ 1.5 ਲੱਖ ਲੋਕਾਂ ਨੂੰ ਸਿਹਤ ਸਹੂਲਤਾਂ ਦਿਤੀਆਂ ਜਾਣਗੀਆਂ। ਇਸ ਵਿਚ ਜਿਆਦਾਤਰ ਗਰੀਬ ਲੋਕ ਹੀ ਸ਼ਾਮਲ ਹੋਣਗੇ। ਇਸ ਸਿਹਤ ਕੇਂਦਰ ਵਿਖੇ 30 ਤੋਂ ਵੱਧ ਸਰਕਾਰੀ ਹਸਪਤਾਲਾਂ ਵਿਚ ਲੋਕਾਂ ਦੇ ਭਰਤੀ ਹੋਣ ਬਾਰੇ ਸੂਚਨਾ ਦਿਤੀ ਜਾਵੇਗੀ।
Helping Hand Foundation - Hyderabad
ਇਸ ਦੇ ਨਾਲ ਹੀ ਇਥੇ ਸਾਰੇ ਧਰਮਾਂ ਦੇ ਲੋਕਾਂ ਨੂੰ ਸਿਹਤ ਸਕੀਮਾਂ ਅਤੇ ਸਿਹਤ ਸੇਵਾਵਾਂ ਬਾਰੇ ਜਾਣਕਾਰੀ ਦਿਤੀ ਜਾਵੇਗੀ। ਮਸਜਿਦ ਕਮੇਟੀ ਨੇ ਹੈਲਪਿੰਗ ਹੈਡ ਸੰਗਠਨ ਨਾਮ ਦੇ ਇਕ ਗ਼ੈਰ ਸਰਕਾਰੀ ਸਗੰਠਨ ਨਾਲ ਹੱਥ ਮਿਲਾਇਆ ਹੈ। ਇਸੇ ਮਹੀਨੇ ਦੀ ਸ਼ੁਰੂਆਤ ਵਿਚ ਐਨਜੀਓ ਨਾਲ ਮਿਲ ਕੇ ਮਸਜਿਦ ਦੇ ਅੰਦਰ ਸਿਹਤ ਕੇਂਦਰ ਖੋਲ੍ਹਿਆ ਗਿਆ। ਐਨਐਸ ਕੁੰਟਾ ਤੋਂ ਇਲਾਵਾ ਅਚਿਰੈਡੀ ਨਗਰ, ਵਾਟਾਪੱਲੀ, ਚਸ਼ਮਾ, ਮੁਸਤਫਾਨਗਰ, ਪਹਾੜੀ ਗੁਟਾਂਲ ਸ਼ਾਹ ਬਾਬਾ, ਟੇਕਕਰੀ ਬਿਰਆਨੀ ਸ਼ਾਹ, ਟੀਗਲ ਕੁੰਟਾ, ਜਹਾਂਨੁਮਾ, ਤਦਬੁਨ ਅਤੇ ਫਾਤਿਮਾਨਗਰ ਦੇ
A Health Hub
ਲੋਕਾਂ ਨੂੰ ਵੀ ਇਸ ਸਿਹਤ ਕੇਂਦਰ ਨਾਲ ਲਾਭ ਮਿਲੇਗਾ। ਐਨਐਚਐਫ ਦੇ ਪ੍ਰਬੰਧਨ ਟਰੱਸਟੀ ਮੁਜਤਬਾ ਹਸਨ ਅਸਕਰੀ ਨੇ ਦਸਿਆ ਕਿ ਇਹ ਸਿਹਤ ਕੇਂਦਰ ਰਾਜ ਸਰਕਾਰ ਦੇ 30 ਹਸਪਤਾਲ ਦੇ ਲਈ ਰੈਫਰਲ ਲਿੰਕ ਦੇ ਤੌਰ ਤੇ ਕੰਮ ਕਰੇਗਾ। ਸਰਕਾਰੀ ਹਸਪਤਾਲਾਂ ਵਿਚ ਝੁੱਗੀਆਂ ਦੇ ਬਹੁਤ ਹੀ ਘੱਟ ਲੋਕ ਜਾਂਦੇ ਹਨ। ਇਹ ਹੈਲਥ ਸੈਂਟਰ ਅਜਿਹੇ ਲੋਕਾਂ ਨੂੰ ਜਾਣਕਾਰੀ ਮੁੱਹਈਆ ਕਰਾਵੇਗਾ ਅਤੇ ਉਨ੍ਹਾਂ ਨੂੰ ਹਸਪਤਾਲ ਤੱਕ ਪਹੁੰਚਾਵੇਗਾ।
Information Regarding Health services
ਇਥੇ ਦੇ 100 ਸਵੈ-ਸੇਵੀ ਲੋਕਾਂ ਰਾਹੀ ਮੁਫਤ ਅਤੇ ਤੁਰਤ ਸਿਹਤ ਸਹੂਲਤ ਮੁਹੱਈਆ ਕਰਵਾਈ ਜਾਵੇਗੀ। ਇਸ ਦੇ ਨਾਲ ਹੀ ਇਥੇ ਗਰਭਵਤੀ ਔਰਤਾਂ, ਫਿਜ਼ਿਓਥੈਰੇਪੀ, ਕਾਰਡਿਓਪਲਮੋਨਰੀ ਡਾਇਗਨੋਸਿਸ ਵਰਗੀ ਸਹੂਲਤ ਵੀ ਦਿਤੀ ਜਾਵੇਗੀ।
