ਖਨਨ ਕਾਰੋਬਾਰੀ ਅਤੇ ਸਾਬਕਾ ਭਾਜਪਾ ਮੰਤਰੀ ਜਨਾਰਦਨ ਰੈਡੀ ( 49) ਨੂੰ ਪੋਂਜੀ ਯੋਜਨਾ ਅਧੀਨ 600 ਕਰੋੜ ਰੁਪਏ ਦੇ ਘਪਲੇ ਦੇ ਮਾਮਲੇ ਵਿਚ ਗਿਰਫਤਾਰ ਕੀਤਾ ਗਿਆ ਹੈ।
ਕਰਨਾਟਕ, ( ਪੀਟੀਆਈ ) : ਬੇਲਾਰੀ ਦੇ ਖਨਨ ਕਾਰੋਬਾਰੀ ਅਤੇ ਸਾਬਕਾ ਭਾਜਪਾ ਮੰਤਰੀ ਜਨਾਰਦਨ ਰੈਡੀ ( 49) ਨੂੰ ਪੋਂਜੀ ਯੋਜਨਾ ਅਧੀਨ 600 ਕਰੋੜ ਰੁਪਏ ਦੇ ਘਪਲੇ ਦੇ ਮਾਮਲੇ ਵਿਚ ਗਿਰਫਤਾਰ ਕੀਤਾ ਗਿਆ ਹੈ। ਰੈਡੀ ਨੂੰ 24 ਨਵੰਬਰ ਤੱਕ ਜੁਡੀਸ਼ੀਅਲ ਹਿਰਾਸਤ ਵਿਚ ਭੇਜਿਆ ਗਿਆ ਹੈ। ਉਥੇ ਹੀ ਉਨ੍ਹਾਂ ਦੇ ਸਾਥੀ ਅਲੀ ਖਾਨ ਨੂੰ ਵੀ ਫੜ੍ਹ ਲਿਆ ਗਿਆ ਹੈ। ਕ੍ਰਾਈਮ ਬ੍ਰਾਂਚ ਨੇ ਰੈਡੀ ਨੂੰ 11 ਨਵੰਬਰ ਤੱਕ ਪੇਸ਼ ਹੋਣ ਦਾ ਨੋਟਿਸ ਦਿਤਾ ਸੀ। ਇਸ ਤੋਂ ਬਾਅਦ ਰੈਡੀ ਸ਼ਨੀਵਾਰ ਸ਼ਾਮ ਨੂੰ ਪੁਛਗਿਛ ਲਈ ਕ੍ਰਾਈਮ ਬ੍ਰਾਂਚ ਪਹੁੰਚੇ ਸਨ।
CBI
ਜਨਾਰਦਨ ਰੈਡੀ ਇਕ ਪੋਂਜੀ ਯੋਜਨਾ ਵਿਚ ਕਥਿਤ ਤੌਰ ਤੇ ਕਰੋੜਾਂ ਦੇ ਲੈਣ ਦੇਣ ਵਿਚ ਵੀ ਲੋੜੀਂਦੇ ਹਨ। ਸਾਬਕਾ ਭਾਜਪਾ ਮੰਤਰੀ ਵਿਰੁਧ ਨੋਟਿਸ ਜਾਰੀ ਕਰਨ ਤੋਂ ਇਕ ਦਿਨ ਪਹਿਲਾਂ ਕ੍ਰਾਈਮ ਬ੍ਰਾਂਚ ਨੇ ਉਨ੍ਹਾਂ ਦੇ ਬੇਲਾਰੀ ਸਥਿਤ ਘਰ ਤੇ ਛਾਪਾ ਮਾਰਿਆ ਸੀ। ਰੈਡੀ ਦੇ ਸਹਿਯੋਗੀ ਅਲੀ ਖਾਨ ਨੇ ਏਬਿਡੇਂਟ ਮਾਰਕੇਟਿੰਗ ਪ੍ਰਾਈਵੇਟ ਲਿਮਿਟੇਡ ਦੇ ਸਈਦ ਅਹਿਮਦ ਫਰੀਦ ਨੂੰ ਈਡੀ ਦੀ ਜਾਂਚ ਤੋਂ ਬਚਾਉਣ ਲਈ ਕਥਿਤ ਤੌਰ ਤੇ 20 ਕਰੋੜ ਰੁਪਏ ਦਾ ਸੌਦਾ ਕੀਤਾ ਸੀ। ਇਸ ਕੰਪਨੀ ਤੇ ਵੀ ਪੋਂਜੀ ਯੋਜਨਾ ਵਿਚ ਸ਼ਾਮਲ ਹੋਣ ਦਾ ਦੋਸ਼ ਹੈ।
Karnataka High Court
ਕ੍ਰਾਈਮ ਬ੍ਰਾਂਚ ਦੇ ਸਾਹਮਣੇ ਪੇਸ਼ ਹੋਣ ਤੋਂ ਪਹਿਲਾਂ ਰੈਡੀ ਨੇ ਇਸ ਪੁਛਗਿਛ ਤੋਂ ਬਚਣ ਦੀ ਬਹੁਤ ਕੋਸ਼ਿਸ਼ ਕੀਤੀ। ਰੈਡੀ ਦੇ ਵਕੀਲ ਸੀਐਚ ਹਨੂਮੰਥਰਿਆ ਨੇ ਅੰਤਿਮ ਜਮਾਨਤ ਪਟੀਸ਼ਨ ਦਾਖਲ ਕੀਤੀ। ਹਾਲਾਂਕਿ ਕੋਰਟ ਨੇ ਬਚਾਅ ਪੱਖ ਨੂੰ ਸੋਮਵਾਰ ਤੱਕ ਇਤਰਾਜ਼ ਦਰਜ਼ ਕਰਵਾਉਣ ਦਾ ਹੁਕਮ ਦਿਤਾ ਸੀ ਜਿਸ ਤੋਂ ਬਾਅਦ ਪਟੀਸ਼ਨ ਵਾਪਸ ਲੈ ਲਈ ਗਈ। ਰੈਡੀ ਨੇ ਕਰਨਾਟਕ ਹਾਈ ਕੋਰਟ ਵਿਖੇ ਦੋ ਪਟੀਸ਼ਨਾਂ ਦਾਖਲ ਕੀਤੀਆਂ ਹਨ।
ਪਹਿਲੀ ਪਟੀਸ਼ਨ ਰੈਡੀ ਤੇ ਦਰਜ਼ ਐਫਆਈਆਰ ਨੂੰ ਖਤਮ ਕਰਨ ਦੀ ਹੈ। ਇਸ ਵਿਚ ਕਿਹਾ ਗਿਆ ਹੈ ਕਿ ਰੈਡੀ ਤੇ ਲਗੇ ਦੋਸ਼ ਬੇਬੁਨਿਆਦ ਹਨ ਅਤੇ ਦੂਜੀ ਪਟੀਸ਼ਨ ਵਿਚ ਮਾਮਲੇ ਦੀ ਜਾਂਚ ਤੋਂ ਦੋ ਪੁਲਿਸ ਅਧਿਕਾਰੀਆਂ ਨੂੰ ਹਟਾਉਣ ਦੇ ਜ਼ਿਕਰ ਬਾਰੇ ਹੈ।
