ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅੱਜ ਦਿੱਲੀ ਦੇ ਰਾਮਲੀਲਾ ਮੈਦਾਨ ‘ਤੇ 2019 ਦੀਆਂ ਲੋਕ ਸਭਾ ਚੋਣ.......
ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅੱਜ ਦਿੱਲੀ ਦੇ ਰਾਮਲੀਲਾ ਮੈਦਾਨ ‘ਤੇ 2019 ਦੀਆਂ ਲੋਕ ਸਭਾ ਚੋਣ ਨੂੰ ਲੈ ਕੇ ਸਿਰਕਤ ਕਰਨਗੇ। ਬੀਜੇਪੀ ਦੀ ਰਾਸ਼ਟਰੀ ਪ੍ਰੀਸ਼ਦ ਦੀ ਬੈਠਕ ਦਾ ਅੱਜ ਆਖਰੀ ਦਿਨ ਹੈ ਅਤੇ ਪੀਐਮ ਮੋਦੀ ਦੇ ਭਾਸ਼ਣ ਦੇ ਨਾਲ ਹੀ ਇਸ ਦੀ ਸਮਾਪਤੀ ਹੋਵੇਗੀ। ਅਜਿਹੇ ਵਿਚ ਅੱਜ ਪ੍ਰਧਾਨ ਮੰਤਰੀ ਮੋਦੀ ਬੀਜੇਪੀ ਕਰਮਚਾਰੀਆਂ ਨੂੰ ਜਿਥੇ ਜਿੱਤ ਦਾ ਮੰਤਰ ਦੇਣਗੇ ਉਥੇ ਹੀ ਚੋਣ ਕੂਰਕਸ਼ੇਤਰ ਵਿਚ ਵਿਰੋਧੀ ਪੱਖ ਨੂੰ ਹਰਾਉਣ ਦੀ ਚਾਲ ਵੀ ਵਿਛਾ ਦੇਣਗੇ। ਬੈਠਕ ਦੀ ਸਮਾਪਤੀ ਭਾਸ਼ਣ ਤੋਂ ਪ੍ਰਧਾਨ ਮੰਤਰੀ ਮੋਦੀ ਅੱਜ ਦੇਸ਼ ਦੇ ਚੋਣ ਏਜੰਡਾ ਸੈਟ ਕਰ ਸਕਦੇ ਹਨ।
PM Narendra Modi
ਮੋਦੀ ਅੱਜ ਕੀ ਬੋਲਣਗੇ ਇਸ ਦੇ ਤੇਵਰ ਉਹ ਕੁੱਝ ਦਿਨ ਪਹਿਲਾਂ ਦਿਖਾ ਚੁੱਕੇ ਹਨ। ਅੱਜ ਦੁਪਹਿਰ 12 ਵਜੇ ਲਖਨਊ ਵਿਚ ਮਾਇਆਵਤੀ ਅਤੇ ਅਖੀਲੇਸ਼ ਯਾਦਵ ਲੋਕਸਭਾ ਚੋਣਾਂ ਵਿਚ ਮੋਦੀ ਲਹਿਰ ਨਾਲ ਟੱਕਰ ਲੈਣ ਲਈ ਗੰਠ-ਜੋੜ ਦਾ ਐਲਾਨ ਕਰਨਗੇ ਤਾਂ ਉਥੇ ਹੀ ਇਸ ਪ੍ਰੈਸ ਕਾਂਨਫਰੰਸ ਤੋਂ ਥੋੜ੍ਹੀ ਦੇਰ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਅਪਣੇ ਭਾਸ਼ਣ ਵਿਚ ਇਸ ਗੰਠ-ਜੋੜ ਦੀ ਤੋੜ ਕੱਢ ਸਕਦੇ ਹਨ। ਇਸ ਤੋਂ ਪਹਿਲਾਂ ਬੀਜੇਪੀ ਦੀ ਰਾਸ਼ਟਰੀ ਪ੍ਰੀਸ਼ਦ ਦੇ ਪਹਿਲੇ ਹੀ ਦਿਨ ਬੀਜੇਪੀ ਦੇ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਦੇ ਤੇਵਰਾਂ ਨੇ ਸਾਫ਼ ਕਰ ਦਿਤਾ ਹੈ ਕਿ ਬੀਜੇਪੀ ਦੀ ਰਣਨੀਤੀ ਕੀ ਰਹਿਣ ਵਾਲੀ ਹੈ।
PM Modi
ਰਾਸ਼ਟਰੀ ਇਕੱਠ ਨੂੰ ਸੰਬੋਧਿਤ ਕਰਦੇ ਹੋਏ ਪਾਰਟੀ ਪ੍ਰਧਾਨ ਅਮਿਤ ਸ਼ਾਹ ਨੇ ਕਿਹਾ ਸੀ ਕਿ 2019 ਦਾ ਚੋਣ ਬੀਜੇਪੀ ਲਈ ਮਹੱਤਵਪੂਰਨ ਹੈ ਪਰ ਉਸ ਤੋਂ ਵੀ ਜ਼ਿਆਦਾ ਅਹਿਮ ਇਹ ਦੇਸ਼ ਲਈ ਹੈ। 2019 ਦਾ ਚੋਣ ਇਕ ਅਜਿਹੇ ਲੜਾਈ ਦੀ ਤਰ੍ਹਾਂ ਹੈ ਜਿਸ ਨੂੰ ਸਦੀਆਂ ਤੱਕ ਯਾਦ ਰੱਖਿਆ ਜਾਵੇਗਾ।
ਅਮਿਤ ਸ਼ਾਹ ਨੇ ਕਿਹਾ ਕਿ ਇਕ ਪਾਸੇ ਇਕ ਵਿਚਾਰਧਾਰਾ ਹੈ ਜੋ ਰਾਸ਼ਟਰ ਦੇ ਵਿਕਾਸ ਲਈ ਸੰਕਲਪ ਲੈ ਕੇ ਚੱਲ ਰਹੇ ਹਨ ਅਤੇ ਦੂਜੇ ਪਾਸੇ ਜਿਨ੍ਹਾਂ ਦਾ ਨਾ ਕੋਈ ਨੇਤਾ ਹੈ ਅਤੇ ਨਾ ਕੋਈ ਨੀਤੀ ਹੈ। ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਬੀਜੇਪੀ ਸਿਰਫ਼ ਯੂਪੀ ਵਿਚ 73 ਤੋਂ 74 ਸੀਟਾਂ ਜੀਤੇਗੀ। ਬੀਜੇਪੀ ਇਹ ਸਮਝ ਰਹੀ ਹੈ ਕਿ ਵਿਰੋਧੀਆਂ ਦਾ ਗੰਠ-ਜੋੜ ਸਿਰਫ਼ ਮੋਦੀ ਨੂੰ ਟੱਕਰ ਦੇਣ ਲਈ ਬਣ ਰਿਹਾ ਹੈ।
