ਭਾਰਤ 'ਚ ਜ਼ਿਆਦਾ ਅਸਰ ਦੀ ਸ਼ੰਕਾ
ਨਵੀਂ ਦਿੱਲੀ : ਫਿਚ ਸਲਿਊਸ਼ਨ ਨੇ ਚੀਨ 'ਚ ਕੋਰੋਨਾ ਵਾਇਰਸ ਦੇ ਫੈਲੇ ਇੰਫੈਕਸ਼ਨ ਕਾਰਨ 2020 'ਚ ਘਰੇਲੂ ਵਾਹਨ ਨਿਰਮਾਣ 8.3 ਫੀਸਦੀ ਸਿਕੁੜ ਜਾਣ ਦਾ ਬੁੱਧਵਾਰ ਨੂੰ ਅਨੁਮਾਨ ਪ੍ਰਗਟ ਕੀਤਾ ਹੈ। ਚੀਨ 'ਚ ਇਸ ਵਾਇਰਸ ਦਾ ਇੰਫੈਕਸ਼ਨ ਫੈਲਣ ਦੇ ਕਾਰਨ ਵਾਹਨਾਂ ਦੇ ਕਲਪੁਰਜੇ ਬਣਾਉਣ ਵਾਲੀਆਂ ਕੰਪਨੀਆਂ ਨੇ ਉਤਪਾਦਨ ਰੋਕ ਦਿਤਾ ਹੈ।
file photo
ਫਿਚ ਨੇ ਕਿਹਾ ਕਿ ਜੇਕਰ ਭਾਰਤ 'ਚ ਵੀ ਵਾਇਰਸ ਦਾ ਇੰਫੈਕਸ਼ਨ ਫੈਲਿਆ ਤਾਂ ਇਥੇ ਵੀ ਇਸ ਤਰ੍ਹਾਂ ਦੀਆਂ ਨੀਤੀਆਂ ਅਪਣਾਈਆਂ ਜਾ ਸਕਦੀਆਂ ਹਨ। ਉਸ ਨੇ ਕਿਹਾ ਕਿ ਭਾਰਤ ਦੀ ਸਿਹਤਮੰਦ ਅਤੇ ਮੈਡੀਕਲ ਪ੍ਰਣਾਲੀ ਦੀ ਸਥਿਤੀ ਨੂੰ ਦੇਖਦੇ ਹੋਏ ਇਹ ਕਿਹਾ ਜਾ ਸਕਦਾ ਹੈ ਕਿ ਭਾਰਤ 'ਚ ਵਾਇਰਸ ਦਾ ਇੰਫੈਕਸ਼ਨ ਫੈਲਣ ਦੀ ਰਫਤਾਰ ਚੀਨ ਦੀ ਤੁਲਨਾ 'ਚ ਜ਼ਿਆਦਾ ਹੋਵੇਗੀ ਅਤੇ ਘਰੇਲੂ ਵਾਹਨ ਉਦਯੋਗ 'ਤੇ ਜ਼ਿਆਦਾ ਵਿਆਪਕ ਅਸਰ ਦੇਖਣ ਨੂੰ ਮਿਲੇਗਾ।
file photo
ਫਿਚ ਨੇ ਕਿਹਾ ਕਿ ਚੀਨ ਭਾਰਤੀ ਵਾਹਨ ਉਦਯੋਗ ਦੇ ਲਈ ਕਲਪੁਰਜ਼ਿਆਂ ਦਾ ਸਭ ਤੋਂ ਵੱਡਾ ਸਪਲਾਈਕਰਤਾ ਹੈ। ਅਜਿਹੇ 'ਚ ਚੀਨ 'ਚ ਤਿਆਰ ਕਲਪੁਰਜ਼ਿਆਂ ਦੀ ਕਮੀ ਹੋਣ ਨਾਲ ਭਾਰਤੀ ਵਾਹਨ ਉਦਯੋਗ ਨੂੰ ਉਤਪਾਦਨ ਦੀ ਗਤੀ ਘੱਟ ਕਰਨ ਜਾਂ ਬੰਦ ਕਰਨ ਨੂੰ ਮਜ਼ਬੂਰ ਹੋਣਾ ਪੈ ਸਕਦਾ ਹੈ।
file photo
ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਕਾਰਨਾਂ ਨਾਲ ਅਸੀਂ 2020 'ਚ ਘਰੇਲੂ ਵਾਹਨ ਵਿਨਿਰਮਾਣ 'ਚ 8.3 ਫ਼ੀ ਸਦੀ ਦੀ ਗਿਰਾਵਟ ਆਉਣ ਦਾ ਅਨੁਮਾਨ ਕਰਦੇ ਹਾਂ। ਸਾਲ 2019 'ਚ ਇਸ 'ਚੋਂ 13.2 ਫੀਸਦੀ ਦੀ ਗਿਰਾਵਟ ਰਹੀ ਸੀ। ਫਿਚ ਨੇ ਕਿਹਾ ਕਿ ਚੀਨ ਭਾਰਤ ਦੇ ਵਾਹਨ ਕਲਪੁਰਜੇ ਲੋੜ ਦੀ 10 ਤੋਂ 30 ਫ਼ੀ ਸਦੀ ਦੀ ਪੂਰਤੀ ਕਰਦਾ ਹੈ।
