ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਟਿਕ ਟਾਕ ਸਟਾਰ ਸਮੀਰ ਖ਼ਾਨ ਕੋਰੋਨਾ ਪਾਜ਼ਿਟਿਵ ਪਾਇਆ ਗਿਆ।
ਨਵੀਂ ਦਿੱਲੀ: ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ਦਾ ਰਹਿਣ ਵਾਲਾ ਟਿਕ ਟਾਕ ਸਟਾਰ ਸਮੀਰ ਖ਼ਾਨ ਕੋਰੋਨਾ ਪਾਜ਼ਿਟਿਵ ਪਾਇਆ ਗਿਆ। ਇਕ ਜਾਣਕਾਰੀ ਅਨੁਸਾਰ ਉਹ ਮੱਧ ਪ੍ਰਦੇਸ਼ ਦਾ ਪਹਿਲਾ ਕੋਰੋਨਾ ਪਾਜ਼ਿਟਿਵ ਮਰੀਜ਼ ਹੈ।
photo
ਸਮੀਰ ਦੇ ਕੋਰੋਨਾ ਪਾਜ਼ਿਟਿਵ ਪਾਏ ਜਾਣ ਮਗਰੋਂ ਉਸ ਦਾ ਹੀ ਇਕ ਟਿਕ ਟਾਕ ਵੀਡੀਓ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ, ਜਿਸ ਵਿਚ ਉਹ ਫੇਸ ਮਾਸਕ ਪਹਿਨਣ ਦਾ ਵਿਰੋਧ ਕਰਦਾ ਹੋਇਆ ਦਿਖਾਈ ਦੇ ਰਿਹਾ ਹੈ।
photo
ਵੀਡੀਓ ਵਿਚ ਸਮੀਰ ਕਾਫ਼ੀ ਗਰੂਰ ਨਾਲ ਇਹ ਆਖ ਰਿਹਾ ਕਿ ''ਇਸ ਕੱਪੜੇ ਦੇ ਟੁਕੜੇ 'ਤੇ ਕੀ ਭਰੋਸਾ ਕਰਨਾ, ਭਰੋਸਾ ਰੱਖਣਾ ਤਾਂ ਉਪਰ ਵਾਲੇ 'ਤੇ ਰੱਖੋ।'' ਇਸ ਤੋਂ ਬਾਅਦ ਰੌਕਸਟਾਰ ਫਿਲਮ ਦੇ 'ਕੁਨਫਾਇਆ' ਗੀਤ ਦੇ ਕੁੱਝ ਬੋਲ ਸੁਣਾਈ ਦਿੰਦੇ ਨੇ..
photo
ਇਸ ਵੀਡੀਓ ਦੇ ਨਾਲ ਹੀ ਸਮੀਰ ਦਾ ਇਕ ਹੋਰ ਵੀਡੀਓ ਵੀ ਦਿਖਾਇਆ ਜਾ ਰਿਹਾ ਜਿਸ ਵਿਚ ਉਹ ਅਪਣੇ ਪ੍ਰਸ਼ੰਸਕਾਂ ਨੂੰ ਖ਼ੁਦ ਦੇ ਲਈ ਦੁਆ ਕਰਨ ਲਈ ਗਿੜਗਿੜਾਉਂਦਾ ਹੋਇਆ ਨਜ਼ਰ ਆ ਰਿਹਾ।
ਸਮੀਰ ਅਪਣੀ ਇਸ ਵੀਡੀਓ ਵਿਚ ਆਖ ਰਿਹਾ ਕਿ ਹੁਣ ਉਹ ਕੁੱਝ ਦਿਨਾਂ ਲਈ ਵੀਡੀਓ ਨਹੀਂ ਬਣਾ ਸਕੇਗਾ ਕਿਉਂਕਿ ਡਾਕਟਰਾਂ ਨੇ ਉਨ੍ਹਾਂ ਨੂੰ ਕੋਰੋਨਾ ਪਾਜ਼ਿਟਿਵ ਦੱਸਿਆਹੈ। ਅਜਿਹੇ ਵਿਚ ਉਹ ਹਸਪਤਾਲ ਵਿਚ ਰਹਿਣ ਦੌਰਾਨ ਵੀਡੀਓ ਨਹੀਂ ਬਣਾ ਸਕੇਗਾ, ਉਸ ਦੇ ਲਈ ਦੁਆ ਕਰੋ ਤਾਂ ਕਿ ਉਹ ਜਲਦੀ ਠੀਕ ਹੋ ਜਾਵੇ।
ਸਮੀਰ ਪੇਸ਼ੇ ਤੋਂ ਇਕ ਇਲੈਕਟ੍ਰੀਸ਼ਨ ਹੈ ਪਰ ਲੌਕਡਾਊਨ ਦੌਰਾਨ ਉਹ ਕਈ ਲੋਕਾਂ ਲਈ ਮਸੀਹਾ ਬਣ ਕੇ ਸਾਹਮਣੇ ਆਇਆ ਕਿਉਂਕਿ ਉਸ ਨੇ ਬਹੁਤ ਸਾਰੇ ਲੋਕਾਂ ਨੂੰ ਮੁਫ਼ਤ ਸਬਜ਼ੀਆਂ ਵੰਡੀਆਂ। ਕੋਰੋਨਾ ਪਾਜ਼ਿਟਿਵ ਪਾਏ ਜਾਣ ਮਗਰੋਂ ਉਸ ਨੂੰ ਜ਼ਿਲ੍ਹੇ ਦੇ ਬੁਦੇਲਖੰਡ ਮੈਡੀਕਲ ਕਾਲਜ ਵਿਚ ਦਾਖ਼ਲ ਕਰਵਾਇਆ ਗਿਆ।
ਸਿਹਤ ਕਰਮੀਆਂ ਨੂੰ ਸਮਝ ਨਹੀਂ ਆ ਰਹੀ ਕਿ ਉਹ ਕੋਰੋਨਾ ਤੋਂ ਪੀੜਤ ਕਿਵੇਂ ਹੋਇਆ। ਇਸ ਲਈ ਪ੍ਰਸ਼ਾਸਨ ਹੁਣ ਉਨ੍ਹਾਂ ਲੋਕਾਂ ਦੀ ਪਛਾਣ ਕਰ ਰਿਹਾ ਜਿਨ੍ਹਾਂ ਦੇ ਸੰਪਰਕ ਵਿਚ ਉਹ ਆਇਆ ਸੀ।
ਪੁਲਿਸ ਨੂੰ ਸ਼ੱਕ ਹੈ ਕਿ ਉਹ ਜਬਲਪੁਰ ਦੀ ਯਾਤਰਾ ਦੌਰਾਨ ਕਿਸੇ ਕੋਰੋਨਾ ਪੀੜਤ ਵਿਅਕਤੀ ਦੇ ਨਾਲ ਸੰਪਰਕ ਵਿਚ ਆਇਆ ਹੋਵੇਗਾ, ਇੱਥੇ ਉਸ ਦਾ ਪੰਜ ਸਾਲਾ ਬੱਚਾ ਅਤੇ ਪਤਨੀ ਰਹਿੰਦੀ ਹੈ। ਖ਼ੈਰ ਸਿਹਤ ਵਿਭਾਗ ਵੱਲੋਂ ਉਸ ਦੀ ਹਿਸਟਰੀ ਖੰਗਾਲੀ ਜਾ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
