ਸ਼ਹਿਰੀ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਸਰਕਾਰੀ ਖੇਤਰ ਦੀ ਏਅਰਲਾਈਨ ਏਅਰ ਇੰਡੀਆ ਦੇ ਫਲਾਈਟ ਓਪਰੇਟਿੰਗ ਡਾਇਰੈਕਟਰ ਅਰਵਿੰਦ...
ਨਵੀਂ ਦਿੱਲੀ (ਭਾਸ਼ਾ) : ਸ਼ਹਿਰੀ ਹਵਾਬਾਜ਼ੀ ਡਾਇਰੈਕਟੋਰੇਟ ਜਨਰਲ (ਡੀਜੀਸੀਏ) ਨੇ ਸਰਕਾਰੀ ਖੇਤਰ ਦੀ ਏਅਰਲਾਈਨ ਏਅਰ ਇੰਡੀਆ ਦੇ ਫਲਾਈਟ ਓਪਰੇਟਿੰਗ ਡਾਇਰੈਕਟਰ ਅਰਵਿੰਦ ਕਠਪਾਲਿਆ ਦਾ ਲਾਇਸੈਂਸ ਤਿੰਨ ਸਾਲ ਲਈ ਮੁਅੱਤਲ ਕਰ ਦਿਤਾ ਹੈ। ਕਠਪਾਲਿਆ ਨੇ ਐਤਵਾਰ ਨੂੰ ਫਲਾਈਟ ਡਿਊਟੀ ਤੋਂ ਪਹਿਲਾਂ ਸ਼ਰਾਬ ਦਾ ਸੇਵਨ ਕੀਤਾ ਸੀ। ਏਅਰ ਇੰਡੀਆ ਨੇ ਕਠਪਾਲਿਆ ਨੂੰ ਉਸ ਦਿਨ ਫਲਾਈਟ ਡਿਊਟੀ ਤੋਂ ਹਟਾ ਦਿਤਾ ਸੀ। ਇਕ ਅਧਿਕਾਰੀ ਨੇ ਦੱਸਿਆ ਕਿ ਜਾਂਚ ਦੇ ਦੌਰਾਨ ਸਾਹ ਵਿਚ ਸ਼ਰਾਬ ਸੇਵਨ ਦੇ ਲੱਛਣ ਪਾਏ ਜਾਣ 'ਤੇ ਉਨ੍ਹਾਂ ਦਾ ਲਾਇਸੈਂਸ ਤਿੰਨ ਸਾਲ ਲਈ ਮੁਅੱਤਲ ਕੀਤਾ ਗਿਆ ਹੈ।
Air India
ਡੀਜੀਸੀਏ ਦੇ ਨਿਯਮ 24 ਦੇ ਤਹਿਤ ਕ੍ਰੂ ਦਾ ਕੋਈ ਮੈਂਬਰ ਉਡਾਨ ਦੇ 12 ਘੰਟੇ ਪਹਿਲਾਂ ਤੱਕ ਸ਼ਰਾਬ ਦਾ ਸੇਵਨ ਨਹੀਂ ਕਰ ਸਕਦਾ। ਉਡਾਨ ਤੋਂ ਪਹਿਲਾਂ ਉਨ੍ਹਾਂ ਦੀ ਸ਼ਰਾਬ ਪੀਣਾ ਨਿਰੋਧਕ ਜਾਂਚ ਜ਼ਰੂਰੀ ਹੈ। ਪਹਿਲੀ ਵਾਰ ਫੜੇ ਜਾਣ 'ਤੇ ਜਹਾਜ਼ ਚਲਾਉਣ ਦਾ ਲਾਇਸੈਂਸ ਤਿੰਨ ਮਹੀਨੇ ਲਈ ਮੁਅੱਤੀਲ ਕੀਤਾ ਜਾ ਸਕਦਾ ਹੈ। ਦੂਜੀ ਵਾਰ ਮੁਅੱਤੀਲ ਤਿੰਨ ਸਾਲ ਲਈ ਕਰਨ ਦਾ ਪ੍ਰਬੰਧ ਹੈ। ਤੀਜੀ ਵਾਰ ਫੜੇ ਜਾਣ 'ਤੇ ਲਾਇਸੈਂਸ ਹਮੇਸ਼ਾ ਲਈ ਰੱਦ ਹੋ ਸਕਦਾ ਹੈ।
Air India
ਡੀਜੀਸੀਏ ਨੇ ਕਠਪਾਲਿਆ ਦਾ ਲਾਇਸੈਂਸ ਇਸ ਤੋਂ ਪਹਿਲਾਂ 2017 ਵਿਚ ਤਿੰਨ ਮਹੀਨੇ ਲਈ ਮੁਅੱਤਲ ਕੀਤਾ ਸੀ। ਉਸ ਸਮੇਂ ਉਹ ਇਕ ਉਡਾਨ ਤੋਂ ਪਹਿਲਾਂ ਸ਼ਰਾਬ ਪੀਣਾ ਜਾਂਚ ਯੰਤਰ ਵਿਚ ਸਾਹ ਛੱਡਣ ਤੋਂ ਬੱਚ ਕੇ ਨਿਕਲ ਗਏ ਸੀ। ਉਸ ਸਮੇਂ ਉਨ੍ਹਾਂ ਨੂੰ ਕਾਰਜਕਾਰੀ ਡਾਇਰੈਕਟਰ (ਓਪਰੇਸ਼ਨ) ਦੇ ਅਹੁਦੇ ਤੋਂ ਹਟਾ ਦਿਤਾ ਗਿਆ ਸੀ।
