ਅਦਾਲਤ ਨੇ ਸੀਵੀਸੀ ਨੂੰ ਨਿਰਦੇਸ਼ ਦਿਤਾ ਸੀ ਕਿ ਉਹ ਸੀਬੀਆਈ ਨਿਰਦੇਸ਼ਕ ਆਲੋਕ ਵਰਮਾ ਵਿਰੁਧ ਲੱਗੇ ਦੋਸ਼ਾਂ ਸਬੰਧੀ ਮੁਢਲੀ ਜਾਂਚ ਰੀਪੋਰਟ ਨੂੰ ਦੋ ਹਫਤੇ ਦੇ ਅੰਦਰ ਪੂਰਾ ਕਰੇ।
ਨਵੀਂ ਦਿੱਲੀ , ( ਪੀਟੀਆਈ) : ਸੀਬੀਆਈ ਵਿਵਾਦ ਮਾਮਲੇ ਵਿਚ ਕੇਂਦਰੀ ਵਿਜ਼ੀਲੈਂਸ ਕਮਿਸ਼ਨ (ਸੀਵੀਸੀ) ਨੇ ਅਪਣੀ ਮੁਢਲੀ ਜਾਂਚ ਰੀਪੋਰਟ ਸੁਪਰੀਮ ਕੋਰਟ ਨੂੰ ਸੌਂਪ ਦਿਤੀ। ਮਾਮਲੇ ਦੀ ਅਗਲੀ ਸੁਣਵਾਈ ਸ਼ੁਕਰਵਾਰ ਨੂੰ ਹੋਵੇਗੀ। ਜ਼ਿਕਰਯੋਗ ਹੈ ਕਿ ਅਦਾਲਤ ਨੇ ਸੀਵੀਸੀ ਨੂੰ ਨਿਰਦੇਸ਼ ਦਿਤਾ ਸੀ ਕਿ ਉਹ ਸੀਬੀਆਈ ਨਿਰਦੇਸ਼ਕ ਆਲੋਕ ਵਰਮਾ ਵਿਰੁਧ ਲੱਗੇ ਦੋਸ਼ਾਂ ਸਬੰਧੀ ਅਪਣੀ ਮੁਢਲੀ ਜਾਂਚ ਰੀਪੋਰਟ ਨੂੰ ਦੋ ਹਫਤੇ ਦੇ ਅੰਦਰ ਪੂਰਾ ਕਰੇ। ਕੇਂਦਰ ਸਰਕਾਰ ਨੇ ਵਰਮਾ ਤੋਂ ਸਾਰੇ ਅਧਿਕਾਰ ਵਾਪਸ ਲੈ ਕੇ ਉਨ੍ਹਾਂ ਨੂੰ ਛੁੱਟੀ ਤੇ ਭੇਜ ਦਿਤਾ ਸੀ।
Supreme Court
ਸੁਪਰੀਮ ਕੋਰਟ ਨੇ ਸੀਵੀਸੀ ਰੀਪੋਰਟ ਨੂੰ ਅਪਣੇ ਰਿਕਾਰਡ ਵਿਚ ਲੈ ਲਿਆ ਹੈ। ਸੀਬੀਆਈ ਨਿਰਦੇਸ਼ਕ ਆਲੋਕ ਕੁਮਾਰ ਵਰਮਾ ਅਤੇ ਐਨਜੀਓ ਕਾਮਨ ਕਾਜ ਦੀਆਂ ਪਟੀਸ਼ਨਾਂ ਤੇ ਸੁਣਵਾਈ 16 ਨਵੰਬਰ ਨੂੰ ਨਿਰਧਾਰਤ ਕੀਤੀ ਗਈ। ਸੀਵੀਸੀ ਆਲੋਕ ਵਰਮਾ ਵਿਰੁਧ ਦੋਸ਼ਾਂ ਦੀ ਜਾਂਚ ਕਰ ਰਹੀ ਹੈ। ਸਾਲਿਸਿਟਰ ਜਨਰਲ ਨੇ ਸੁਪਰੀਮ ਕੋਰਟ ਨੂੰ ਦੱਸਿਆ ਕਿ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਏ ਕੇ ਪਟਨਾਇਕ ਨੇ ਸੀਵੀਸੀ ਜਾਂਚ ਦੀ ਨਿਗਰਾਨੀ ਕੀਤੀ ਜੋ ਕਿ 10 ਨਵੰਬਰ ਨੂੰ ਪੂਰੀ ਹੋਈ। ਸੀਬੀਆਈ ਦੇ ਅੰਤਰਿਮ ਨਿਰਦੇਸ਼ਕ
CBI
ਐਮ ਨਾਗੇਸ਼ਵਰ ਰਾਓ ਨੇ ਵੀ ਏਜੰਸੀ ਮੁਖੀ ਦੇ ਤੌਰ ਤੇ 23 ਅਕਤੂਬਰ ਤੋਂ ਬਾਅਦ ਦੇ ਲਏ ਗਏ ਅਪਣੇ ਫੈਸਲਿਆਂ ਤੇ ਰੀਪੋਰਟ ਦਾਖਲ ਕੀਤੀ। ਵਰਮਾ ਅਤੇ ਅਸਥਾਨਾ ਨੇ ਇਕ ਦੂਜੇ ਤੇ ਭ੍ਰਿਸ਼ਟਾਚਾਰ ਦੇ ਦੋਸ਼ ਲਗਾਏ ਹਨ। ਕੇਦਰ ਨੇ ਦੋਨਾਂ ਅਧਿਕਾਰੀਆਂ ਨੂੰ ਜ਼ਬਰਦਸਤੀ ਛੁੱਟੀ ਤੇ ਭੇਜ ਦਿਤਾ ਅਤੇ ਦੋਨਾਂ ਤੋਂ ਸਾਰੇ ਅਧਿਕਾਰ ਵਾਪਸ ਲੈ ਲਏ ਸਨ। ਕੇਂਦਰ ਦੇ ਇਨ੍ਹਾਂ ਫੈਸਲਿਆਂ ਨੂੰ ਵਰਮਾ ਨੇ ਸਿਖਰ ਅਦਾਲਤ ਵਿਚ ਚੁਣੌਤੀ ਦਿਤੀ ਹੈ।
Alok Verma
ਪਿਛਲੀ ਸੁਣਵਾਈ ਵਿਚ ਮੁਖ ਜੱਜ ਰੰਜਨ ਗੋਗੋਈ ਦੀ ਅਗਵਾਈ ਵਾਲੀ ਤਿੰਨ ਮੈਂਬਰੀ ਬੈਂਚ ਨੇ ਵਰਮਾ ਦੀ ਅਰਜ਼ੀ ਤੇ ਸੁਣਵਾਈ ਕੀਤੀ। ਹੁਣ ਇਹ ਮਾਮਲਾ ਗੋਗੋਈ ਅਤੇ ਜਸਟਿਸ ਐਸ.ਕੇ.ਕੌਲ ਦੀ ਦੋ ਮੈਂਬਰੀ ਬੈਂਚ ਦੇ ਸਾਹਮਣੇ ਸੂਚੀਬੱਧ ਹੈ ਜਿਸ ਤੇ ਸੋਮਵਾਰ ਨੂੰ ਸੁਣਵਾਈ ਹੋਣੀ ਹੈ। ਦੋ ਮੈਂਬਰੀ ਬੈਂਚ ਤੋਂ ਇਸ ਮਾਮਲੇ ਦੀ ਸੁਣਵਾਈ ਕਰਨ ਦਾ ਫੈਸਲਾ ਉਸ ਸਮੇਂ ਲਿਆ ਗਿਆ ਜਦ ਮੁਖ ਜੱਜ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਵਿਚ ਕਿਹਾ ਕਿ ਸੋਮਵਾਰ ਅਤੇ ਸ਼ੁਕਰਵਾਰ ਨੂੰ ਸਿਰਫ ਦੋ ਮੈਂਬਰਾਂ ਵਾਲੀ ਬੈਂਚਾਂ ਬੈਠਣਗੀਆਂ।
