15 ਦਿਨਾਂ ਦੇ ਲਈ ਫਾਸਟੈਗ ਮੁਫਤ ਮਿਲੇਗਾ
ਨਵੀਂ ਦਿੱਲੀ- ਰਾਸ਼ਟਰੀ ਰਾਜਮਾਰਗ ਅਥਾਰਟੀ-ਐੱਨ. ਐੱਚ. ਏ. ਆਈ. ਨੇ ਟੋਲ ਪਲਾਜ਼ਿਆਂ ’ਤੇ ਡਿਜੀਟਲ ਤਕਨੀਕ ਨਾਲ ਟੈਕਸ ਭੁਗਤਾਨ ਲਈ ਫਾਸਟੈਗ ਦੀ ਵੰਡ 15 ਦਿਨ ਲਈ ਫਿਰ ਫ੍ਰੀ ਕਰ ਦਿੱਤੀ ਹੈ। ਐਨਐਚਏਆਈ ਦੇ ਟੋਲ ਪਲਾਜਾ ਤੇ ਡਿਜਿਟਲ ਭੁਗਤਾਨ ਦੇ ਲਈ 15 ਤੋਂ 29 ਫਰਵਰੀ ਯਾਨੀ 15 ਦਿਨਾਂ ਦੇ ਲਈ ਫਾਸਟੈਗ ਮੁਫਤ ਮਿਲੇਗਾ। ਫਾਸਟੈਗ ਦੀ ਇਸਤੇਮਾਲ ਅੱਜ ਹਰ ਕੋਈ ਕਰਨ ਲੱਗਾ ਹੈ।
ਜਿਸ ਨਾਲ ਲੋਕਾਂ ਨੂੰ ਕਾਫੀ ਸਮੇਂ ਤੱਕ ਟੋਲ ਪਲਾਜਾਂ ਦੀ ਲੰਬੀ ਲਾਇਨਾਂ ‘ਚ ਖੜ੍ਹੇ ਰਹਿਣ ਦੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਨਹੀਂ ਪੈਦਾ। ਵਾਹਨ ਚਾਲਕ ਆਰਾਮ ਨਾਲ ਆਪਣਾ ਸਫਰ ਕਰਦੇ ਹਨ। ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਕਿਹਾ ਹੈ ਕਿ National Highways Authority of India (NHAI) ਨੇ ਫਾਸਟੈਗ ਦੀ ਲਾਗਤ 100 ਰੁਪਏ ਨੂੰ 15 ਦਿਨਾਂ ਦੇ ਲਈ ਮੁਆਫ ਕਰ ਦਿੱਤਾ ਹੈ।
NHAI ਨੇ ਕਿਹਾ ਹੈ ਕਿ ਨਵਾਂ ਨਿਯਮ 15 ਫਰਵਰੀ ਤੋਂ 29 ਫਰਵਰੀ ਤੱਕ ਜਾਰੀ ਰਹੇਗਾ। ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਦਾ ਕਹਿਣਾ ਹੈ ਕਿ ਰਾਸ਼ਟਰੀ ਰਾਜਮਾਰਗ ਟੋਲ ਪਲਾਜ਼ਾ ’ਚ ਫਾਸਟੈਗ ਜਰੀਏ ਯੂਜਰ ਫੀਸ ਦੇ ਡਿਜਿਟਲ ਸੰਗ੍ਰਹਿ ਨੂੰ ਹੋਰ ਵੀ ਜਿਆਦਾ ਵਧਾਉਣ ਦੇ ਲਈ ਇਹ ਫੈਸਲਾ ਲਿਆ ਗਿਆ ਹੈ। NHAI ਦੇ ਇਸ ਫੈਸਲੇ ਤੋਂ ਬਾਅਦ 15 ਫਰਵਰੀ ਤੱਕ ਵਾਹਨ ਚਾਲਕਾਂ ਨੂੰ ਕਾਫੀ ਫਾਇਦਾ ਹੋਵੇਗਾ।
ਇਸ ਸਹੁਲਤ ਦਾ ਲਾਭ ਚੁੱਕਣ ਲਈ ਵਾਹਨ ਮਾਲਿਕਾ ਨੂੰ ਕਿਸੇ ਵੀ ਅਧਿਕਾਰਤ ਪੁਆਇੰਟ ਆਫ ਸੇਲ ਸਥਾਨਾਂ ਤੇ ਵਾਹਨ ਦੇ ਵੈਧ ਰਜਿਸਟ੍ਰੇਸ਼ਨ ਸਰਟੀਫਿਕੇਟ (ਆਰਸੀ) ਦੇ ਨਾਲ ਜਾ ਸਕਦੇ ਹਨ ਜਿਸ ਨਾਲ ਫਾਸਟੈਗ ਮੁਫਤ ‘ਚ ਉਪਲੱਬਧ ਹੋ ਸਕੇ। ਐਨਐਚਏਆਈ ਨੇ 15 ਦਸੰਬਰ 2019 ਤੋਂ ਦੇਸ਼ ਦੇ ਸਾਰੇ 527 ਟੋਲ ਪਲਾਜਾ ਤੇ ਇਲੇਕਟ੍ਰਾਨਿਕ ਟੋਲ ਵਸੂਲੀ ਨੂੰ ਜਰੂਰੀ ਕਰ ਦਿੱਤਾ ਗਿਆ ਸੀ।
ਸਰਕਾਰ ਨੇ ਫੈਸਲਾ ਸੁਣਾਉਂਦੇ ਹੋਏ ਘੱਟੋ-ਘੱਟ 75 ਫੀਸਦੀ ਟੋਲ ਲੈਨ ’ਚ ਫਾਸਟੈਗ ਦੇ ਇਸਤੇਮਾਲ ਨੂੰ ਜ਼ਰੂਰੀ ਕਰ ਦਿੱਤਾ ਸੀ। ਹਾਲਾਂਕਿ 25 ਫੀਸਦੀ ਟੋਲ ਲੋਨ ’ਚ ਹੁਣ ਵੀ ਬਿਨ੍ਹਾਂ ਫਾਸਟੈਗ ਦੇ ਟੋਲ ਭੁਗਤਾਨ ਕਰਨ ’ਚ ਛੋਟ ਹੈ। ਦੱਸ ਦਈਏ ਕਿ ਐੱਨ. ਐੱਚ. ਏ. ਆਈ. ਦੇ ਸਾਰੇ ਪਲਾਜ਼ਿਆਂ ਤੋਂ ਇਲਾਵਾ ਆਰ. ਟੀ. ਓ., ਆਮ ਸਹੂਲਤ ਕੇਂਦਰਾਂ, ਟਰਾਂਸਪੋਰਟ ਕੇਂਦਰਾਂ ਅਤੇ ਪੈਟਰੋਲ ਪੰਪਾਂ ਤੋਂ ਵੀ ਫਾਸਟੈਗ ਨੂੰ ਖਰੀਦਿਆ ਜਾ ਸਕਦਾ ਹੈ।