ਚਾ ਅਤੇ ਬੱਚਾ ਦੋਵੇਂ ਹਨ ਤੰਦਰੁਸਤ

ਜੰਮੂ: ਜੰਮੂ-ਕਸ਼ਮੀਰ 'ਚ ਬਰਫਬਾਰੀ 'ਚ ਫਸੀ ਇਕ ਔਰਤ ਨੂੰ ਡਾਕਟਰਾਂ ਨੇ ਵਟਸਐਪ ਵੀਡੀਓ ਕਾਲ ਰਾਹੀਂ ਡਿਲੀਵਰੀ ਕਰਵਾਈ। ਦਰਅਸਲ, ਔਰਤ ਨੂੰ ਜਣੇਪੇ ਦੇ ਦਰਦ ਤੋਂ ਬਾਅਦ ਸੀਐਚਸੀ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮੈਡੀਕਲ ਕਾਲਜ ਲਿਜਾਣ ਦੀ ਸਲਾਹ ਦਿੱਤੀ ਪਰ ਮੈਡੀਕਲ ਕਾਲਜ ਨੂੰ ਜਾਣ ਵਾਲੇ ਸਾਰੇ ਰਸਤੇ ਬੰਦ ਕਰ ਦਿੱਤੇ ਗਏ। ਬਾਅਦ 'ਚ ਮਾਹਿਰਾਂ ਦੀਆਂ ਹਦਾਇਤਾਂ 'ਤੇ ਸੀਐਚਸੀ 'ਚ ਹੀ ਵੀਡੀਓ ਕਾਲ ਰਾਹੀਂ ਔਰਤ ਦੀ ਡਿਲੀਵਰੀ ਕਰਵਾਈ ਗਈ |

 ਇਹ ਵੀ ਪੜ੍ਹੋ:ਲੁਧਿਆਣਾ 'ਚ ਮੇਕਅੱਪ ਆਰਟਿਸਟ ਨੂੰ ਠੋਕਿਆ ਜੁਰਮਾਨਾ, ਬੁਕਿੰਗ ਤੋਂ ਬਾਅਦ ਵੀ ਤਿਆਰ ਨਹੀਂ ਕੀਤੀ ਲਾੜੀ

ਦਰਅਸਲ, ਜੰਮੂ-ਕਸ਼ਮੀਰ ਦੇ ਕੁਪਵਾੜਾ ਜ਼ਿਲ੍ਹੇ ਦੇ ਕੇਰਨ ਇਲਾਕੇ ਵਿੱਚ 10 ਅਤੇ 11 ਫਰਵਰੀ ਨੂੰ ਭਾਰੀ ਬਰਫ਼ਬਾਰੀ ਹੋਈ ਸੀ। ਇਸ ਕਾਰਨ ਜ਼ਿਆਦਾਤਰ ਸੜਕਾਂ ਬੰਦ ਹਨ। ਹਾਲਾਂਕਿ ਸੜਕਾਂ ਤੋਂ ਬਰਫ ਹਟਾਉਣ ਦਾ ਕੰਮ ਜਾਰੀ ਹੈ। ਇਸੇ ਦੌਰਾਨ ਕੇਰਨ ਇਲਾਕੇ ਦੀ ਇੱਕ ਗਰਭਵਤੀ ਔਰਤ ਨੂੰ ਸ਼ਨੀਵਾਰ ਨੂੰ ਜਣੇਪੇ ਦਾ ਦਰਦ ਹੋਇਆ। ਇਸ ’ਤੇ ਪਰਿਵਾਰਕ ਮੈਂਬਰਾਂ ਨੇ ਔਰਤ ਨੂੰ ਪੀ.ਐਚ.ਸੀ.'ਚ ਭਰਤੀ ਕਰਵਾਇਆ। 

 ਇਹ ਵੀ ਪੜ੍ਹੋ:ਐਮਸੀ ਸਟੈਨ ਬਣੇ ਬਿੱਗ ਬੌਸ 16 ਦੇ ਵਿਜੇਤਾ, ਸ਼ਿਵ ਠਾਕਰੇ ਨੂੰ ਹਰਾ ਕੇ ਜਿੱਤੀ ਟਰਾਫੀ  

ਇੱਥੇ ਡਾਕਟਰਾਂ ਨੇ ਔਰਤ ਨੂੰ ਮੈਡੀਕਲ ਕਾਲਜ ਲਿਜਾਣ ਦੀ ਸਲਾਹ ਦਿੱਤੀ ਪਰ ਮੈਡੀਕਲ ਕਾਲਜ ਤੱਕ ਪਹੁੰਚਣ ਦੇ ਸਾਰੇ ਰਸਤੇ ਬੰਦ ਸਨ। ਜਾਣਕਾਰੀ ਮੁਤਾਬਕ ਬਰਫਬਾਰੀ ਕਾਰਨ ਮਹਿਲਾ ਦੇ ਏਅਰਲਿਫਟ ਹੋਣ ਦੀ ਸੰਭਾਵਨਾ ਵੀ ਖਤਮ ਹੋ ਗਈ ਹੈ। ਇਸ ਤੋਂ ਬਾਅਦ ਸੀਐਚਸੀ ਦੇ ਡਾਕਟਰਾਂ ਨੇ ਕਰਾਲਪੁਰਾ ਉਪ ਜ਼ਿਲ੍ਹਾ ਹਸਪਤਾਲ ਵਿੱਚ ਤਾਇਨਾਤ ਪ੍ਰਸੂਤੀ ਮਾਹਿਰ ਡਾਕਟਰ ਪਰਵੇਜ਼ ਨਾਲ ਸੰਪਰਕ ਕੀਤਾ। ਉਸਨੇ ਕੇਰਨ ਪੀਐਚਸੀ ਸਟਾਫ ਨੂੰ ਵਟਸਐਪ ਵੀਡੀਓ ਕਾਲ 'ਤੇ ਡਿਲੀਵਰੀ ਦੀ ਪ੍ਰਕਿਰਿਆ ਬਾਰੇ ਦੱਸਿਆ। ਪੀਐਚਸੀ ਦੇ ਡਾਕਟਰਾਂ ਨੇ ਦੱਸਿਆ ਕਿ ਇਸ ਤਰ੍ਹਾਂ 6 ਘੰਟੇ ਬਾਅਦ ਔਰਤ ਨੇ ਸਿਹਤਮੰਦ ਬੱਚੇ ਨੂੰ ਜਨਮ ਦਿੱਤਾ। ਜੱਚਾ ਅਤੇ ਬੱਚਾ ਦੋਵੇਂ ਤੰਦਰੁਸਤ ਹਨ, ਉਨ੍ਹਾਂ ਨੂੰ ਡਾਕਟਰਾਂ ਦੀ ਨਿਗਰਾਨੀ ਹੇਠ ਰੱਖਿਆ ਗਿਆ ਹੈ।

 ਇਹ ਵੀ ਪੜ੍ਹੋ:ਥਾਈਲੈਂਡ ਵਿਚ ਦੋ ਗੋਲਡ ਮੈਡਲ ਜਿੱਤ ਕੇ ਹਰਭਜਨ ਸਿੰਘ ਨੇ ਚਮਕਾਇਆ ਪੰਜਾਬ ਦਾ ਨਾਂ