ਆਸਟ੍ਰੇਲੀਆ ਦੇ ਗ੍ਰਹਿ ਮੰਤਰੀ ਵੀ ਆਏ ਕੋਰੋਨਾ ਵਾਇਰਸ ਦੀ ਲਪੇਟ 'ਚ
ਕੋਰੋਨਾ ਵਾਇਰਸ ਨੇ ਪੂਰੇ ਦੇਸ਼ ਵਿਚ ਤਬਾਹੀ ਮਚਾਈ ਹੋਈ ਹੈ। ਕੋਰੋਨਾ ਵਾਇਰਸ ਦੇ ਮਾਮਲੇ ਲਗਾਤਾਰ ਵੱਧਦੇ ਜਾ ਰਹੇ ਹਨ। ਕਰਨਾਟਕ ਵਿਚ ਕੋਰੋਨਾ ਨਾਲ ਪਹਿਲੀ ਮੌਤ ਹੋ ਚੁੱਕੀ ਹੈ। ਉੱਥੇ ਹੀ ਪਿਛਲੇ 24 ਘੰਟਿਆਂ ਵਿਚ ਕੋਰੋਨਾ ਦੇ 15 ਮਰੀਜ਼ ਸਾਹਮਣੇ ਆਏ ਹਨ। ਮਰੀਜ਼ਾਂ ਦਾ ਅੰਕੜਾ 25 ਤੱਕ ਪਹੁੰਚ ਗਿਆ ਹੈ। ਪੂਰੀ ਦੁਨੀਆ ਵਿੱਚ 1,34,679 ਲੋਕ ਸੰਕਰਮਿਤ ਹਨ। ਅਤੇ 4900 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। WHO ਦੇ ਅਨੁਸਾਰ ਵੀਰਵਾਰ ਨੂੰ 24 ਘੰਟਿਆਂ ਵਿੱਚ ਵਿਸ਼ਵ ਭਰ ਵਿੱਚ 321 ਲੋਕਾਂ ਦੀ ਮੌਤ ਹੋ ਗਈ।
File
ਦੱਸ ਦਈਏ ਕਿ ਵਿਦੇਸ਼ਾ ਦੇ ਵਿਚ ਕਈ ਮੰਤਰੀਆੰ ਨੂੰ ਵੀ ਕੋਰੋਨਾ ਵਾਇਰਸ ਹੋ ਗਿਆ ਹੈ। ਆਸਟਰੇਲੀਆ ਦਾ ਗ੍ਰਹਿ ਮੰਤਰੀ ਨੂੰ ਵੀ ਕੋਰੋਨਾ ਵਾਇਰਸ ਹੋ ਗਿਆ ਹੈ। ਆਸਟਰੇਲੀਆ ਦੇ ਗ੍ਰਹਿ ਮੰਤਰੀ ਦਾ ਟੈਸਟ ਪਾਜ਼ੀਟਿਵ ਪਾਇਆ ਗਿਆ ਹੈ। ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪਤਨੀ ਦਾ ਟੈਸਟ ਵੀ ਪਾਜ਼ੀਟਿਵ ਪਾਇਆ ਗਿਆ ਹੈ। ਇਸ ਤੋਂ ਪਹਿਲਾ US ਦੇ ਦੋ ਸੰਸਦ ਮੈਂਬਰਾਂ ਨੇ ਆਪਣੇ ਆਪ ਨੂੰ ਘਰ ਵਿਚ ਬੰਦ ਕਰ ਲਿਆ ਸੀ। ਇਸ ਤੋਂ ਪਹਿਲਾ ਈਰਾਨ ਦੀ ਵੀ ਇਕ ਮੰਤਰੀ ਦਾ ਟੈਸਟ ਪਾਜ਼ੀਟਿਵ ਪਾਇਆ ਗਿਆ ਸੀ।
— Peter Dutton (@PeterDutton_MP) March 13, 2020
ਦੱਸ ਦਈਏ ਕਿ ਇਸ ਵਿਸ਼ਾਣੂ ਦੇ ਕਾਰਨ, ਦੁਨੀਆਂ ਭਰ ਦੇ 115 ਤੋਂ ਵੱਧ ਦੇਸ਼ਾਂ ਅਤੇ ਖੇਤਰਾਂ ਵਿੱਚ 4,600 ਤੋਂ ਵੱਧ ਵਿਅਕਤੀਆਂ ਦੀ ਮੌਤ ਹੋ ਚੁੱਕੀ ਹੈ ਅਤੇ 1,25,293 ਤੋਂ ਵੱਧ ਲੋਕ ਇਸ ਨਾਲ ਸੰਕਰਮਿਤ ਹੋਏ ਹਨ। ਚੀਨ ਵਿਚ ਇਹ ਅੰਕੜਾ ਬੁੱਧਵਾਰ ਨੂੰ ਲਾਗ ਕਾਰਨ 11 ਮੌਤਾਂ ਨਾਲ 3,169 ‘ਤੇ ਪਹੁੰਚ ਗਿਆ। ਚੀਨ ਤੋਂ ਬਾਅਦ ਕੋਰੋਨਾ ਵਾਇਰਸ ਦਾ ਸਭ ਤੋਂ ਵੱਧ ਪ੍ਰਭਾਵ ਇਟਲੀ (12,462 ਕੇਸ, 827 ਮੌਤਾਂ), ਈਰਾਨ (10,000 ਕੇਸ, 429 ਮੌਤਾਂ), ਦੱਖਣੀ ਕੋਰੀਆ (7,869 ਕੇਸ, 66 ਮੌਤਾਂ) ਅਤੇ ਫਰਾਂਸ (2,281 ਕੇਸ, 48 ਮੌਤਾਂ) ‘ਤੇ ਪਿਆ ਹੈ।
File
ਕਿਊਬਾ ਅਤੇ ਜਮੈਕਾ ਵਿੱਚ ਵੀ ਕੋਰੋਨਾ ਵਾਇਰਸ ਦੀ ਲਾਗ ਦਾ ਪਹਿਲੇ ਕੇਸ ਸਾਹਮਣੇ ਆਇਆ ਹੈ। ਇਸ ਵਾਇਰਸ ਕਾਰਨ ਹੋਈ ਮੌਤ ਦਾ ਪਹਿਲਾ ਕੇਸ ਅਲਜੀਰੀਆ ਵਿੱਚ ਸਾਹਮਣੇ ਆਇਆ ਹੈ ਅਤੇ ਦੇਸ਼ ਵਿੱਚ ਇਸ ਲਾਗ ਦੇ 24 ਮਾਮਲੇ ਸਾਹਮਣੇ ਆਏ ਹਨ। ਪੋਲੈਂਡ ਵਿਚ ਵੀ ਪਹਿਲੀ ਮੌਤ ਕੋਰੋਨਾ ਵਾਇਰਸ ਕਾਰਨ ਹੋਈ ਸੀ। ਦੇਸ਼ ਵਿੱਚ ਹੁਣ ਤੱਕ ਸੰਕਰਮਣ ਦੇ 46 ਹੋਰ ਮਾਮਲੇ ਸਾਹਮਣੇ ਆ ਚੁੱਕੇ ਹਨ।
File
ਵਾਇਰਸ ਦੇ ਏਸ਼ੀਆ ਵਿੱਚ 90,765 (3,253 ਮੌਤਾਂ), ਯੂਰਪ ਵਿੱਚ 22,969 ਮਾਮਲੇ (947 ਮੌਤਾਂ), ਪੱਛਮੀ ਏਸ਼ੀਆ ਵਿੱਚ 9,880 ਕੇਸ (364 ਮੌਤਾਂ), ਅਮਰੀਕਾ ਅਤੇ ਕੈਨੇਡਾ ਵਿੱਚ 1300 ਤੋਂ ਵੱਧ (38 ਮੌਤਾਂ), ਲਾਤੀਨੀ ਅਮਰੀਕਾ ਅਤੇ ਕੈਰੇਬੀਅਨ ਵਿੱਚ 197 ਕੇਸ (ਦੋ ਮੌਤਾਂ) ਹਨ। ਓਸ਼ਿਨਿਯਾ ਵਿੱਚ 155 ਕੇਸ (ਤਿੰਨ ਮੌਤਾਂ) ਅਤੇ ਅਫਰੀਕਾ ਵਿਚ 130 ਕੇਸ (ਦੋ ਮੌਤਾਂ) ਦਰਜ ਕੀਤੇ ਗਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
