ਹਵਾਈ ਸੇਵਾਵਾਂ ਠੱਪ
Dust Storm: ਮੁੰਬਈ ਇਸ ਸੀਜ਼ਨ ਵਿਚ ਪਹਿਲੀ ਵਾਰ ਬਾਰਸ਼ ਦੇ ਨਾਲ ਭਿਆਨਕ ਧੂੜ ਭਰੇ ਤੂਫਾਨ ਨਾਲ ਪ੍ਰਭਾਵਿਤ ਹੋਇਆ ਹੈ। ਇਸ ਕਾਰਨ ਅਸਮਾਨ 'ਚ ਹਨੇਰਾ ਛਾ ਗਿਆ। ਮੀਂਹ ਕਾਰਨ ਮੁੰਬਈ ਦੇ ਲੋਕਾਂ ਨੂੰ ਰਾਹਤ ਮਿਲੀ ਪਰ ਤੂਫਾਨ ਕਾਰਨ ਕੁੱਝ ਥਾਵਾਂ 'ਤੇ ਤਬਾਹੀ ਦੀਆਂ ਖਬਰਾਂ ਵੀ ਹਨ।
ਤੂਫਾਨ ਦੀ ਤੀਬਰਤਾ ਦਾ ਅੰਦਾਜ਼ਾ ਇਸ ਗੱਲ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਅਚਾਨਕ ਮੌਸਮ ਬਦਲਣ ਕਾਰਨ ਕਈ ਥਾਵਾਂ 'ਤੇ ਸੜਕਾਂ 'ਤੇ ਆਵਾਜਾਈ ਰੁਕ ਗਈ। ਤੂਫਾਨ ਤੋਂ ਬਚਣ ਲਈ ਲੋਕਾਂ ਨੇ ਕਈ ਥਾਵਾਂ 'ਤੇ ਪਨਾਹ ਲਈ। ਮੁੰਬਈ ਦੇ ਘਾਟਕੋਪਰ 'ਚ ਤੂਫਾਨ ਕਾਰਨ 100 ਫੁੱਟ ਉੱਚਾ ਬਿਲਬੋਰਡ ਉਖੜ ਕੇ ਡਿੱਗ ਗਿਆ। ਦਸਿਆ ਜਾ ਰਿਹਾ ਹੈ ਕਿ ਇਸ ਘਟਨਾ 'ਚ ਕਈ ਵਾਹਨ ਅਤੇ ਕਈ ਲੋਕ ਫਸੇ ਹੋਏ ਹਨ। ਹਾਲਾਂਕਿ ਅਜੇ ਤਕ ਇਸ ਘਟਨਾ 'ਚ ਕਿਸੇ ਦੇ ਜਾਨੀ ਨੁਕਸਾਨ ਦੀ ਖਬਰ ਨਹੀਂ ਹੈ ਅਤੇ ਬਚਾਅ ਕਾਰਜ ਜਾਰੀ ਹਨ।
ਮੁੰਬਈ ਦੇ ਘਾਟਕੋਪਰ, ਬਾਂਦਰਾ ਕੁਰਲਾ, ਧਾਰਾਵੀ ਇਲਾਕਿਆਂ 'ਚ ਮੀਂਹ ਦੇ ਨਾਲ ਤੇਜ਼ ਹਵਾਵਾਂ ਚੱਲੀਆਂ। ਇਸ ਦੌਰਾਨ ਮੁੰਬਈ ਹਵਾਈ ਅੱਡੇ 'ਤੇ ਹਵਾਈ ਸੇਵਾਵਾਂ ਦਾ ਸੰਚਾਲਨ ਅਸਥਾਈ ਤੌਰ 'ਤੇ ਮੁਅੱਤਲ ਕਰ ਦਿਤਾ ਗਿਆ ਹੈ। ਹਵਾਈ ਅੱਡਾ ਅਥਾਰਟੀ ਨੇ ਕਿਹਾ ਕਿ ਤੂਫਾਨ ਦੌਰਾਨ 15 ਉਡਾਣਾਂ ਬਦਲੀਆਂ ਗਈਆਂ ਸਨ। ਇਸ ਤੋਂ ਬਾਅਦ ਸ਼ਾਮ 5:03 ਵਜੇ ਹਵਾਈ ਸੇਵਾਵਾਂ ਦਾ ਸੰਚਾਲਨ ਸ਼ੁਰੂ ਹੋ ਗਿਆ। ਦਰਅਸਲ, ਪਿਛਲੇ ਹਫਤੇ ਮੁੰਬਈ ਏਅਰਪੋਰਟ 'ਤੇ ਪ੍ਰੀ-ਮਾਨਸੂਨ ਰਨਵੇਅ ਦੇ ਰੱਖ-ਰਖਾਅ ਦਾ ਕੰਮ ਕੀਤਾ ਗਿਆ ਸੀ।
(For more Punjabi news apart from Massive Dust Storm, Season's First Rain In Mumbai, stay tuned to Rozana Spokesman)
