ਸੋਨਾ 8-9 ਫ਼ੀ ਸਦੀ ਡਿੱਗ ਕੇ 4800 ਰੁਪਏ ਸਸਤਾ ਹੋਇਆ
ਨਵੀਂ ਦਿੱਲੀ : ਕਰੋਨਾ ਕਾਲ ਦੌਰਾਨ ਸੋਨੇ ਦੀਆਂ ਕੀਮਤਾਂ ਇਕ ਵਾਰ ਸਿਖਰ ਛੂਹਣ ਤੋਂ ਬਾਅਦ ਗਿਰਾਵਟ ਵੱਲ ਜਾ ਰਹੀਆਂ ਹਨ। ਪਿਛਲੇ ਤਕਰੀਬਨ ਇਕ ਮਹੀਨੇ ਦੌਰਾਨ ਸੋਨੇ ਦੀਆਂ ਕੀਮਤਾਂ 'ਚ 4 ਅੰਕਾਂ ਤਕ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
GOLD
ਮਹੀਨਾ ਪਹਿਲਾਂ 56 ਹਜ਼ਾਰ ਤੋਂ ਉਪਰ ਵਿੱਕਣ ਵਾਲਾ ਸੋਨਾ ਹੁਣ 51,445 ਰੁਪਏ ਪ੍ਰਤੀ ਗਰਾਮ ਤਕ ਪਹੁੰਚ ਗਿਆ ਹੈ। ਬੀਤੇ ਸ਼ੁੱਕਰਵਾਰ ਸ਼ੁਕਰਵਾਰ ਨੂੰ ਸਰਾਫ਼ਾ ਬਾਜ਼ਾਰ ਵਿਚ ਸੋਨਾ 51,445 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ 'ਤੇ ਬੰਦ ਹੋਇਆ, ਜਦੋਂਕਿ ਪਿਛਲੇ ਮਹੀਨੇ ਸੋਨਾ 56,191 ਦੇ ਅਪਣੇ ਆਲ ਟਾਈਮ ਹਾਈ ਦੇ ਪੱਧਰ 'ਤੇ ਚਲਾ ਗਿਆ ਸੀ।
Gold Price
ਅਜਿਹੇ ਵਿਚ ਡਿਗਦੀ ਮੰਗ ਦੇ ਚਲਦੇ ਸੋਨੇ ਦੇ ਡੀਲਰ 30 ਡਾਲਰ ਪ੍ਰਤੀ ਔਂਸ ਯਾਨੀ ਕਰੀਬ 2200 ਰੁਪਏ ਪ੍ਰਤੀ ਔਂਸ ਤਕ ਦੀ ਰਿਆਇਤ ਦੇ ਰਹੇ ਹਨ। ਇਸ ਤਰ੍ਹਾਂ ਵੇਖਿਆ ਜਾਵੇ ਤਾਂ ਪ੍ਰਤੀ 10 ਗ੍ਰਾਮ 'ਤੇ ਕਰੀਬ 780 ਰੁਪਏ ਤਕ ਦੀ ਰਿਆਇਤ ਦਿਤੀ ਜਾ ਰਿਹਾ ਹੈ।
Gold
ਪਿਛਲੇ ਹਫ਼ਤੇ ਤਾਂ ਸੋਨੇ 'ਤੇ 40 ਡਾਲਰ ਪ੍ਰਤੀ ਔਂਸ ਤਕ ਰਿਆਇਤ ਦਿਤੀ ਜਾ ਰਿਹਾ ਸੀ। ਪਿਛਲੇ ਮਹੀਨੇ 7 ਅਗੱਸਤ ਨੂੰ ਸੋਨੇ ਨੇ ਵਾਅਦਾ ਬਾਜ਼ਾਰ ਵਿਚ ਅਪਣਾ ਉੱਚਤਮ ਪੱਧਰ ਛੂਹਿਆ ਸੀ ਅਤੇ ਪ੍ਰਤੀ 10 ਗ੍ਰਾਮ ਦੀ ਕੀਮਤ 56,200 ਰੁਪਏ ਹੋ ਗਈ ਸੀ। ਉਦੋਂ ਤੋਂ ਲੈ ਕੇ ਹੁਣ ਤਕ ਸੋਨੇ ਦੀਆਂ ਕੀਮਤਾਂ ਵਿਚ ਕਰੀਬ 4800 ਰੁਪਏ ਦੀ ਗਿਰਾਵਟ ਆਈ ਹੈ। ਯਾਨੀ ਕਿ ਇਨ੍ਹਾਂ ਦਿਨਾਂ ਵਿਚ ਸੋਨਾ ਕਰੀਬ 8-9 ਫ਼ੀ ਸਦੀ ਡਿਗ ਗਿਆ ਹੈ।
Gold Price
ਬਾਜ਼ਾਰ 'ਤੇ ਨਜ਼ਰ ਰੱਖਣ ਵਾਲੇ ਮਾਹਿਰਾਂ ਮੁਤਾਬਕ ਸੋਨੇ ਦੀਆਂ ਕੀਮਤਾਂ 'ਚ ਅਜੇ ਹੋਰ ਗਿਰਾਵਟ ਆਉਣ ਦੇ ਅਸਾਰ ਹਨ। ਮਾਹਿਰਾਂ ਮੁਤਾਬਕ ਕਰੋਨਾ ਮਹਾਮਾਰੀ ਦਾ ਅਸਰ ਆਉਂਦੇ ਵਿਆਹਾਂ ਅਤੇ ਤਿਉਹਾਰਾਂ ਦੇ ਸੀਜ਼ਨ 'ਤੇ ਵੀ ਪੈਣ ਦੇ ਅਸਾਰ ਹਨ। ਅਜਿਹੇ 'ਚ ਆਉਂਦੇ ਸਮੇਂ ਦੌਰਾਨ ਸੋਨੇ ਦੀ ਕੀਮਤ 'ਚ ਤੇਜ਼ੀ ਦੇ ਮੁੜ ਉਭਰਨ ਦੀਆਂ ਸੰਭਾਵਨਾਵਾਂ ਨਾ ਦੇ ਬਰਾਬਰ ਹਨ।
