ਡੀਐਸਪੀ ਦੀ ਅਤਿਵਾਦੀਆਂ ਨਾਲ ਸਾਂਝ ਮੁੱਦੇ 'ਤੇ ਸਿਆਸਤ ਗਰਮਾਈ
ਨਵੀਂ ਦਿੱਲੀ: ਡੀਐਸਪੀ ਦਵਿੰਦਰ ਸਿੰਘ ਦੀ ਅਤਿਵਾਦੀਆਂ ਨਾਲ ਸਾਂਝ ਦੇ ਮੁੱਦੇ ਨੇ ਸਿਆਸੀ ਗਲਿਆਰਿਆਂ ਅੰਦਰ ਗਰਮਾਹਟ ਲਿਆ ਦਿਤੀ ਹੈ। ਸਿਆਸੀ ਪਾਰਟੀਆਂ ਨੇ ਇਸ ਮੁੱਦੇ 'ਤੇ ਇਕ-ਦੂਜੇ ਨੂੰ ਘੇਰਨਾ ਸ਼ੁਰੂ ਕਰ ਦਿਤਾ ਹੈ। ਇਸ ਮਾਮਲੇ 'ਤੇ ਅੱਜ ਭਾਜਪਾ ਨੇ ਕਾਂਗਰਸ ਵੱਲ ਵੱਡਾ ਨਿਸ਼ਾਨਾ ਸਾਧਿਆ ਹੈ।
Photo
ਇੱਥੇ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਭਾਜਪਾ ਦੇ ਬੁਲਾਰੇ ਸੰਬਿਤ ਪਾਤਰਾ ਨੇ ਕਾਂਗਰਸ 'ਤੇ ਦੋਸ਼ ਲਾਉਂਦਿਆਂ ਕਿਹਾ ਕਿ ਕਾਂਗਰਸ ਹਮੇਸ਼ਾ ਪਾਕਿਸਤਾਨ ਦੀ ਭਾਸ਼ਾ ਬੋਲਦੀ ਹੈ। ਉਨ੍ਹਾਂ ਕਿਹਾ ਕਿ ਲੋਕ ਸਭਾ 'ਚ ਕਾਂਗਰਸ ਦੇ ਸੀਨੀਅਰ ਆਗੂ ਅਧੀਰ ਰੰਜਨ ਚੌਧਰੀ ਨੇ ਅਤਿਵਾਦ 'ਚ ਧਰਮ ਲੱਭਿਆ ਹੈ।
Photo
ਉਨ੍ਹਾਂ ਕਿਹਾ ਕਿ ਜੰਮੂ-ਕਸ਼ਮੀਰ ਦੇ ਇਕ ਡੀਐਸਪੀ ਨੂੰ ਅਤਿਵਾਦੀ ਗਤੀਵਿਧੀਆਂ 'ਚ ਸ਼ਾਮਲ ਹੋਣ ਕਾਰਨ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਪੂਰੇ ਘਟਨਾਕ੍ਰਮ ਤੋਂ ਬਾਅਦ ਵੀ ਕਾਂਗਰਸ ਦਾ ਸਟੈਂਡ ਵੀ ਉਹੋ ਜਿਹਾ ਹੀ ਹੈ। ਕਾਂਗਰਸ ਦੇ ਸਟੈਂਡ ਤੋਂ ਭਾਰਤ 'ਤੇ ਹਮਲਾ ਅਤੇ ਪਾਕਿਸਤਾਨ ਨੂੰ ਬਚਾਉਣ ਦੀ ਸਾਜ਼ਿਸ਼ ਜਾਹਰ ਹੁੰਦੀ ਹੈ।
Photo
ਉਨ੍ਹਾਂ ਕਿਹਾ ਇਸ ਸਾਰੀ ਪ੍ਰਕਿਰਿਆ 'ਚ ਕਾਂਗਰਸ ਦੇ ਬੇਧਿਆਨੀ ਰੰਜਨ ਨੇ ਕੁਝ ਵੀ ਨਹੀਂ ਵੇਖਿਆ ਅਤੇ ਮਿੰਟਾਂ 'ਚ ਧਰਮ ਲੱਭ ਲਿਆ। ਉਨ੍ਹਾਂ ਕਿਹਾ ਕਿ ਅਤਿਵਾਦ 'ਤੇ ਧਰਮ ਦੀ ਰਾਜਨੀਤੀ ਕਾਂਗਰਸ ਦਾ ਸਭਿਆਚਾਰ ਹੈ।
Photo
ਉਨ੍ਹਾਂ ਕਿਹਾ ਕਿ ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਮੋਦੀ 'ਤੇ ਹਮਲਾ ਕਰਦਿਆਂ ਉਨ੍ਹਾਂ ਨੂੰ ਹਿੰਦੂ ਜਿਨਾਹ ਕਿਹਾ ਸੀ। ਹਿੰਦੂ ਜਿਨਾਹ ਵਰਗੇ ਸ਼ਬਦਾਂ ਦੀ ਵਰਤੋਂ ਕਰਦਿਆਂ ਹਿੰਦੂ ਅਤਿਵਾਦ ਨੂੰ ਕਿਤੇ ਨਾ ਕਿਤੇ ਹਿੰਦੂਆਂ ਨੂੰ ਅਤਿਵਾਦੀ ਸਾਬਤ ਕਰਨਾ ਹੈ। ਰਾਹੁਲ ਗਾਂਧੀ ਨੇ ਇਹ ਵੀ ਕਿਹਾ ਕਿ ਅਸੀਂ ਸਿਮੀ ਜਾਂ ਇਸਲਾਮਿਕ ਅਤਿਵਾਦ ਤੋਂ ਨਹੀਂ ਡਰਦੇ, ਅਸੀਂ ਹਿੰਦੂਆਂ ਤੋਂ ਡਰਦੇ ਹਾਂ।”
