ਬਦਰੂਦੀਨ ਨੇ ਦਾਅਵਾ ਕੀਤਾ ਕਿ ਭਾਰਤ ਵਿੱਚ ਕੋਈ ਵੀ ਹੋਰ ਪਾਰਟੀ ਉਸ ਦੀ ਪਾਰਟੀ ਨਾਲੋਂ ਧਰਮ ਨਿਰਪੱਖ ਨਹੀਂ ਹੈ।
ਨਵੀਂ ਦਿੱਲੀ: ਆਲ ਇੰਡੀਆ ਯੂਨਾਈਟਿਡ ਡੈਮੋਕਰੇਟਿਕ ਫਰੰਟ (ਏਆਈਯੂਡੀਐਫ) ਦੇ ਮੁਖੀ ਬਦਰੂਦੀਨ ਅਜਮਲ ਨੇ ਐਤਵਾਰ ਨੂੰ ਦਾਅਵਾ ਕੀਤਾ ਕਿ ਅਸਾਮ ਵਿਧਾਨ ਸਭਾ ਚੋਣਾਂ ਵਿੱਚ ਇਸ ਵਾਰ ਕੋਈ ‘ਮੋਦੀ ਲਹਿਰ’ ਨਹੀਂ ਹੈ। ਕਾਂਗਰਸ ਦੇ ਗੱਠਜੋੜ ਦਾ ਹਿੱਸਾ ਰਹੇ ਅਜਮਲ ਨੇ ਕਿਹਾ ਕਿ ਭਾਜਪਾ ਮੁਗਲਾਂ ਦਾ ਹਵਾਲਾ ਦਿੰਦਿਆਂ ਅਤੇ ਮੁਸਲਮਾਨਾਂ ਨੂੰ ਦੁਸ਼ਮਣ ਦੱਸਦਿਆਂ ਆਪਣਾ ਚਿਹਰਾ ਅੱਗੇ ਪਾ ਕੇ, ਹਿੰਦੂਆਂ ਦਾ ਧਰੁਵੀਕਰਨ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ, ਪਰ ਉਹ ਇਸ ਵਿਚ ਸਫਲ ਨਹੀਂ ਹੋਣਗੇ।
ਏਆਈਯੂਡੀਐਫ ਖ਼ਿਲਾਫ਼ ਭਾਜਪਾ ਦੇ ਫਿਰਕਾਪ੍ਰਸਤੀ ਦੇ ਦੋਸ਼ਾਂ ਨੂੰ ਨਕਾਰਦਿਆਂ, ਬਦਰੂਦੀਨ ਨੇ ਦਾਅਵਾ ਕੀਤਾ ਕਿ ਭਾਰਤ ਵਿੱਚ ਕੋਈ ਵੀ ਹੋਰ ਪਾਰਟੀ ਉਸ ਦੀ ਪਾਰਟੀ ਨਾਲੋਂ ਧਰਮ ਨਿਰਪੱਖ ਨਹੀਂ ਹੈ। ਭਾਜਪਾ ਖ਼ੁਦ ਫ਼ਿਰਕੂ ਹੈ, ਇਸ ਲਈ ਉਹ ਸਭ ਨੂੰ ਇਕੋ ਨਜ਼ਰ ਨਾਲ ਵੇਖਦੀ ਹੈ। ਉਨ੍ਹਾਂ ਇਸ ਲਈ ਪਾਰਟੀ ਵਿੱਚ ਗੈਰ-ਮੁਸਲਮਾਨਾਂ ਦੀ ਪ੍ਰਤੀਨਿਧਤਾ ਦਾ ਹਵਾਲਾ ਵੀ ਦਿੱਤਾ।
ਬਦਰੂਦੀਨ ਨੇ ਦਾਅਵਾ ਕੀਤਾ ਕਿ ਅਸਾਮ ਦੀ ਚੋਣ ਦੇਸ਼ ਲਈ ਫੈਸਲਾਕੁੰਨ ਹੋਵੇਗੀ, ਕਿਉਂਕਿ ਇਹ ਭਾਜਪਾ ਦੀ ਹਾਰ ਦੀ ਸ਼ੁਰੂਆਤ ਹੋਵੇਗੀ। ਕਾਂਗਰਸ ਦੀ ਅਗਵਾਈ ਹੇਠ ਵਿਸ਼ਾਲ ਗਠਜੋੜ, ਭਾਜਪਾ ਨੂੰ ਹਰਾਉਣ ਲਈ ਸਾਰੇ ਯਤਨ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਭਾਜਪਾ ਅਸਾਮ ਦੇ ਨਾਲ-ਨਾਲ ਬੰਗਾਲ, ਤਾਮਿਲਨਾਡੂ, ਕੇਰਲਾ ਅਤੇ ਪੁਡੂਚੇਰੀ ਵਿਚ ਚੋਣਾਂ ਹਾਰ ਜਾਵੇਗੀ। ਇਹ ਸਾਰੇ ਦੇਸ਼ ਨੂੰ ਸੰਦੇਸ਼ ਦੇਵੇਗਾ। ਏਆਈਯੂਡੀਐਫ ਨੇ ਧਰਮ ਨਿਰਪੱਖ ਪਾਰਟੀਆਂ ਦੀ ਜਿੱਤ ‘ਤੇ ਭਰੋਸਾ ਜਤਾਇਆ।