ਜਡੇਜਾ ਦੀ ਪਤਨੀ ਰਿਬਾਬਾ ਜਾਮਨਗਰ 'ਚ 3 ਮਾਰਚ ਨੂੰ ਭਾਜਪਾ 'ਚ ਸ਼ਾਮਲ ਹੋਈ ਸੀ
ਨਵੀਂ ਦਿੱਲੀ : ਭਾਰਤੀ ਕ੍ਰਿਕਟ ਟੀਮ ਦੇ ਹਰਫ਼ਨਮੌਲਾ ਖਿਡਾਰੀ ਰਵਿੰਦਰ ਜਡੇਜਾ ਦੀ ਪਤਨੀ ਦੇ ਭਾਜਪਾ 'ਚ ਸ਼ਾਮਲ ਹੋਣ ਮਗਰੋਂ ਉਨ੍ਹਾਂ ਦੇ ਪਿਤਾ ਅਤੇ ਭੈਣ ਐਤਵਾਰ ਨੂੰ ਕਾਂਗਰਸ 'ਚ ਸ਼ਾਮਲ ਹੋ ਗਏ। ਜਡੇਜਾ ਦੇ ਪਿਤਾ ਅਨਿਰੁੱਧ ਸਿੰਘ ਅਤੇ ਭੈਣ ਨੈਨਾਬਾ ਜਾਮਨਗਰ ਦੇ ਕਲਵਾਡ ਸ਼ਹਿਰ 'ਚ ਇਕ ਰੈਲੀ ਦੌਰਾਨ ਕਂਗਰਸ ਆਗੂ ਹਾਰਦਿਕ ਪਟੇਲ ਦੀ ਮੌਜੂਦਗੀ 'ਚ ਕਾਂਗਰਸ ਵਿਚ ਸ਼ਾਮਲ ਹੋਏ।
Cricketer Ravindra Jadeja fathers and sister joins Congress
ਜਡੇਜਾ ਜਾਮਨਗਰ ਦੇ ਰਹਿਣ ਵਾਲੇ ਹਨ। ਇਸ ਮੌਕੇ ਜਾਮਨਗਰ ਲੋਕ ਸਭਾ ਸੀਟ ਤੋਂ ਕਾਂਗਰਸ ਉਮੀਦਵਾਰ ਮੁਲੁ ਕੰਡੋਰੀਆ ਵੀ ਹਾਜ਼ਰ ਸਨ। ਨੈਨਾਬਾ ਜਡੇਜਾ ਇਸ ਤੋਂ ਪਹਿਲਾਂ ਨੈਸ਼ਨਲ ਵੂਮੈਨਜ਼ ਪਾਰਟੀ ਨਾਲ ਜੁੜੀ ਹੋਈ ਸੀ। ਇਹ ਪਾਰਟੀ ਮਹਿਲਾ ਅਧਿਕਾਰਾਂ ਨੂੰ ਲੈ ਕੇ ਕਾਫ਼ੀ ਸਰਗਰਮ ਹੈ। ਨੈਸ਼ਲਨ ਵੂਮੈਨਜ਼ ਪਾਰਟੀ ਨੇ ਨੈਨਾਬਾ ਨੂੰ ਮਹਾਰਾਸ਼ਟਰ, ਗੁਜਰਾਤ ਅਤੇ ਰਾਜਸਥਾਨ ਦਾ ਮੁਖੀ ਵੀ ਬਣਾਇਆ ਸੀ। ਨੈਨਾਬਾ ਗੁਜਰਾਤ ਦੇ ਸਰਕਾਰੀ ਗੁਰੂ ਗੋਬਿੰਦ ਸਿੰਘ ਹਸਪਤਾਲ 'ਚ ਬਤੌਰ ਨਰਸ ਵੀ ਕੰਮ ਕਰ ਚੁੱਕੀ ਹੈ।
Reeva Jadeja
ਜ਼ਿਕਰਯੋਗ ਹੈ ਕਿ ਜਡੇਜਾ ਦੀ ਪਤਨੀ ਰਿਬਾਬਾ ਜਾਮਨਗਰ 'ਚ 3 ਮਾਰਚ ਨੂੰ ਭਾਜਪਾ 'ਚ ਸ਼ਾਮਲ ਹੋਈ ਸੀ। ਰਿਬਾਬਾ ਕਰਣੀ ਸੈਨਾ ਦੀ ਮਹਿਲਾ ਵਿਭਾਗ ਦੀ ਪ੍ਰਧਾਨ ਵੀ ਹੈ। ਦੱਸ ਦੇਈਏ ਕਿ ਗੁਜਰਾਤ 'ਚ ਲੋਕ ਸਭਾ ਦੀਆਂ ਕੁਲ 26 ਸੀਟਾਂ ਹਨ ਅਤੇ 23 ਅਪ੍ਰੈਲ ਨੂੰ ਤੀਜੇ ਗੇੜ 'ਚ ਸਾਰੀਆਂ ਸੀਟਾਂ 'ਤੇ ਵੋਟਾਂ ਪੈਣਗੀਆਂ।
