ਦੇਸ਼ ਵਿਚ ਇਸ ਸਮੇਂ ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਨ ਸਿਹਤ ਕਰਮਚਾਰੀਆਂ 'ਤੇ ਕੰਮ ਦਾ ਕਾਫੀ ਬੋਝ ਹੈ।
ਨਵੀਂ ਦਿੱਲੀ: ਦੇਸ਼ ਵਿਚ ਇਸ ਸਮੇਂ ਕੋਰੋਨਾ ਵਾਇਰਸ ਮਹਾਮਾਰੀ ਕਾਰਨ ਸਿਹਤ ਕਰਮਚਾਰੀਆਂ 'ਤੇ ਕੰਮ ਦਾ ਕਾਫੀ ਬੋਝ ਹੈ। ਉਹ ਪੂਰੀ ਲਗਨ ਨਾਲ ਲੋਕਾਂ ਦਾ ਇਲਾਜ ਕਰ ਰਹੇ ਹਨ। ਇਸ ਦੌਰਾਨ ਤੇਲੰਗਾਨਾ ਵਿਚ ਇਕ ਡਾਕਟਰ ਨੇ ਗਰਭਵਤੀ ਔਰਤ ਨੂੰ ਅਪਣੀ ਕਾਰ ਵਿਚ ਕਰੀਬ 70 ਕਿਲੋਮੀਟਰ ਪ੍ਰਾਇਮਰੀ ਸਿਹਤ ਕੇਂਦਰ ਪਹੁੰਚਾਇਆ।
ਦਰਅਸਲ ਔਰਤ ਨੂੰ ਲਿਜਾਉਣ ਲਈ ਐਂਬੂਲੈਂਸ ਦਾ ਕਾਫੀ ਲੰਬਾ ਇੰਤਜ਼ਾਰ ਕਰਨਾ ਪੈ ਰਿਹਾ ਸੀ ਅਤੇ ਇਸ ਦੌਰਾਨ ਉਹ ਬੱਚੇ ਨੂੰ ਜਨਮ ਦੇ ਸਕਦੀ ਸੀ।
ਮੀਡੀਆ ਰਿਪੋਰਟ ਮੁਤਾਬਕ ਮੰਗਲਵਾਰ ਦੇਰ ਸ਼ਾਮ ਮਹਿਮੂਦਾਬਾਦ ਜ਼ਿਲ੍ਹੇ ਦੇ ਕੋਲਾਰਾਮ ਪਿੰਡ ਦੀ ਰਹਿਣ ਵਾਲੀ 28 ਸਾਲਾ ਗਰਭਵਤੀ ਆਦਿਵਾਸੀ ਔਰਤ ਨੂੰ ਦਰਦ ਹੋ ਰਿਹਾ ਸੀ।
ਦਰਦ ਇੰਨਾ ਜ਼ਿਆਦਾ ਸੀ ਕਿ ਉਹ ਕਿਸੇ ਵੀ ਸਮੇਂ ਬੱਚੇ ਨੂੰ ਜਨਮ ਦੇ ਸਕਦੀ ਸੀ। ਉਸ ਨੂੰ ਤੁਰੰਤ ਹਸਪਤਾਲ ਲਿਜਾਉਣ ਦੀ ਲੋੜ ਸੀ ਪਰ ਪਿੰਡ ਦਾ ਨਜ਼ਦੀਕੀ ਸਿਹਤ ਕੇਂਦਰ ਕਰੀਬ 20 ਕਿਲੋਮੀਟਰ ਦੂਰੀ 'ਤੇ ਸੀ। ਇਸ ਦੇ ਨਾਲ ਹੀ ਐਂਬੂਲੈਂਸ ਨਹੀਂ ਸੀ। ਅਜਿਹੇ ਵਿਚ ਡਾਕਟਰ ਮੁਹੰਮਦ ਮੁਕਰਮ ਦੇ ਕੋਲ ਮਦਦ ਲਈ ਫੋਨ ਆਇਆ।
ਇਸ ਤੋਂ ਬਾਅਦ ਉਹ ਮਹਿਲਾ ਨੂੰ ਅਪਣੀ ਗੱਡੀ ਵਿਚ ਲੈ ਕੇ ਹਸਪਤਾਲ ਪਹੁੰਚੇ। ਇਸ ਦੌਰਾਨ ਡਾਕਟਰ ਨੇ ਕਿਹਾ ਕਿ ਉਹ ਅਪਣਾ ਫਰਜ਼ ਨਿਭਾਅ ਰਹੇ ਸੀ। ਡਾਕਟਰ ਮੁਕਰਮ ਨੂੰ 2017 ਅਤੇ 2019 ਵਿਚ ਬੈਸਟ ਮੈਡੀਕਲ ਅਫਸਰ ਦਾ ਅਵਾਰਡ ਮਿਲ ਚੁੱਕਾ ਹੈ।
ਦੱਸ ਦਈਏ ਕਿ ਉਹ ਔਰਤ ਨੇ ਇਕ ਬੱਚੇ ਨੂੰ ਜਨਮ ਦਿੱਤਾ, ਜਿਸ ਦਾ ਭਾਰ 2.8 ਕਿਲੋ ਸੀ। ਇਸ ਘਟਨਾ ਦਾ ਵੀਡੀਓ ਮਹਿਮੂਦਾਬਾਦ ਦੇ ਜ਼ਿਲ੍ਹਾ ਅਧਿਕਾਰੀ ਵੀਪੀ ਗੌਤਮ ਨੇ ਵੀ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਤੇ ਡਾਕਟਰ ਦੀ ਤਾਰੀਫ ਕੀਤੀ।