ਰਾਨਾਘਾਟ ਸਟੇਸ਼ਨ 'ਤੇ ਇੱਕ ਯਾਤਰੀ ਨੇ ਦੋ ਮਿੰਟ 38 ਸੈਕਿੰਡ ਦਾ ਇੱਕ ਗੀਤ ਵਾਲਾ ਵੀਡੀਓ ਰਿਕਾਰਡ ਕੀਤਾ। ਇਸ ਵੀਡੀਓ 'ਚ 59 ਸਾਲਾ ਮਹਿਲਾ ਗੀਤ ਗਾ
ਰਾਨਾਘਾਟ : ਰਾਨਾਘਾਟ ਸਟੇਸ਼ਨ 'ਤੇ ਇੱਕ ਯਾਤਰੀ ਨੇ ਦੋ ਮਿੰਟ 38 ਸੈਕਿੰਡ ਦਾ ਇੱਕ ਗੀਤ ਵਾਲਾ ਵੀਡੀਓ ਰਿਕਾਰਡ ਕੀਤਾ। ਇਸ ਵੀਡੀਓ 'ਚ 59 ਸਾਲਾ ਮਹਿਲਾ ਗੀਤ ਗਾ ਰਹੀ ਸੀ 'ਏਕ ਪਿਆਰ ਕਾ ਨਗਮਾ ਹੈ' ਇਹ ਗੀਤ ਦੇਖਦੇ ਹੀ ਦੇਖਦੇ ਸੋਸ਼ਲ ਮੀਡਿਆ ਤੇ ਵਾਇਰਲ ਹੋ ਗਿਆ ਅਤੇ ਮਾਨਸਿਕ ਤੋਂ ਪ੍ਰੇਸ਼ਾਨ ਮਹਿਲਾ ਰਾਨੂ ਮਾਰੀਆ ਮੰਡਲ ਨਾਲ ਪ੍ਰੋਡਕਸ਼ਨ ਹਾਊਸ, ਸਥਾਨਕ ਕਲਬਾਂ ਸਹਿਤ ਕਈ ਲੋਕਾਂ ਨੇ ਸੰਪਰਕ ਕੀਤਾ। ਇੱਥੋ ਤੱਕ ਕਿ ਜਿਸ ਧੀ ਨੇ ਆਪਣੀ ਮਾਂ ਨਾਲ ਦਸ ਸਾਲਾਂ ਤੋਂ ਸੰਪਰਕ ਨਹੀਂ ਕੀਤਾ ਉਹ ਵੀ ਮਾਂ ਨੂੰ ਮਿਲਣ ਆਈ।
Two Minutes video Ranu Mandal became Singing Star
ਰਾਨੂ ਨਿਊਰੋਲਾਜ਼ੀਕਲ ਡਿਸਆਰਡਰ 'ਤੇ ਪੈਨਿਕ ਅਟੈਕ ਨਾਲ ਪੀੜਿਤ ਹੈ। ਕੋਲਕਾਤਾ ਤੋਂ ਲੱਗਭੱਗ 80 ਕਿਮੀ ਦੂਰ ਰਾਨਾਘਾਟ ਦੇ ਬੇਗੋਪਾਰਾ ਵਿੱਚ ਦੋ ਬੈਡਰੂਮ ਵਾਲੇ ਇੱਕ ਟੁੱਟੇ ਘਰ 'ਚ ਰਹਿਣ ਵਾਲੀ ਰਾਨੂ ਇੱਕ ਜੁਲਾਈ ਦੀ ਸ਼ਾਮ ਘਰ ਤੋਂ ਬਾਹਰ ਘੁੰਮਣ ਨਿਕਲੀ ਅਤੇ ਆਪਣੇ ਘਰ ਤੋਂ ਲੱਗਭੱਗ 4 ਕਿਮੀ ਦੂਰ ਰਾਨਾਘਾਟ ਸਟੇਸ਼ਨ 'ਤੇ ਪਹੁੰਚ ਗਈ ਅਤੇ ਉੱਥੇ ਇੱਕ ਬੈਂਚ 'ਤੇ ਬੈਠਕੇ 'ਸ਼ੋਰ' ਫਿਲਮ ਦਾ ਗੀਤ 'ਏਕ ਪਿਆਰ ਕਾ ਨਗਮਾ ਗੀਤ' ਗਾਉਣ ਲੱਗੀ।
Two Minutes video Ranu Mandal became Singing Star
ਦੱਸ ਦਈਏ ਕਿ ਰਾਨਾਘਾਟ ਨਿਵਾਸੀ ਅਤਿੰਦਰ ਚੱਕਰਵਰਤੀ ਨੇ ਰਾਨੂ ਦੇ ਗੀਤ ਦੀ ਆਪਣੇ ਮੋਬਾਇਲ 'ਚ ਰਿਕਾਰਡਿੰਗ ਕਰ ਲਈ ਅਤੇ ਵੀਡੀਓ ਫੇਸਬੁਕ 'ਤੇ ਅਪਲੋਡ ਕੀਤਾ। 21 ਜੁਲਾਈ ਨੂੰ ਜਦੋਂ ਵੀਡੀਓ ਅਪਲੋਡ ਕੀਤਾ ਗਿਆ ਉਦੋਂ ਤੋਂ ਇਸ ਨੂੰ ਲੱਖਾਂ ਲਾਇਕਸ ਮਿਲ ਚੁੱਕੇ ਹਨ। ਲੱਗਭੱਗ 20,000 ਲੋਕਾਂ ਨੇ ਇਸਨੂੰ ਸ਼ੇਅਰ ਕੀਤਾ। ਸ਼ੰਕਰ ਮਹਾਦੇਵਨ ਨੇ ਵੀ ਇਸ ਗੀਤ ਨੂੰ ਟਵੀਟ ਕੀਤਾ।
Two Minutes video Ranu Mandal became Singing Star
ਅਤਿੰਦਰ ਨੇ ਦੱਸਿਆ ਕਿ ਰਾਨੂ ਦਾ ਗੀਤ ਸੁਣਨ ਤੋਂ ਬਾਅਦ ਉਨ੍ਹਾਂ ਨੇ ਉਸਦੀ ਰਿਕਾਰਡਿੰਗ ਕਰਨੀ ਚਾਹੀ ਪਰ ਉਦੋਂ ਤੱਕ ਉਹ ਗੀਤ ਬੰਦ ਕਰ ਚੁੱਕੀ ਸੀ। ਉਨ੍ਹਾਂ ਨੇ ਉਸਨੂੰ ਫਿਰ ਤੋਂ ਗਾਉਣ ਲਈ ਪਹਿਲਾਂ ਉਸਨੂੰ ਇੱਕ ਕੱਪ ਚਾਹ ਪਿਲਾਈ ਤੇ ਬਰੈਡ, ਬਿਸਕੁਟ ਦਿੱਤੇ ਫਿਰ ਉਸਨੇ ਗੀਤ ਗਾਇਆ। ਅਤਿੰਦਰ ਨੇ ਦੱਸਿਆ ਕਿ ਇੱਕ ਬੰਗਾਲੀ ਬੈਂਡ ਨੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਅਤੇ ਰਾਨੂ ਤੱਕ ਪਹੁੰਚੇ।
Two Minutes video Ranu Mandal became Singing Star
ਇੱਕ ਰਿਐਲਿਟੀ ਸ਼ੋਅ ਨਿਰਮਾਤਾ ਨੇ ਵੀ ਉਨ੍ਹਾਂ ਨਾਲ ਫੋਨ 'ਤੇ ਸੰਪਰਕ ਕੀਤਾ ਅਤੇ ਰਾਨੂ ਦਾ ਫਲਾਇਟ ਟਿਕਟ ਭੇਜਣਾ ਚਾਹਿਆ ਪਰ ਉਹ ਇਸ ਲਈ ਨਹੀਂ ਜਾ ਪਾਈ ਕਿਉਂਕਿ ਉਸਦੇ ਕੋਲ ਪਹਿਚਾਣ ਪੱਤਰ ਨਹੀਂ ਸੀ। ਗੀਤ ਅਪਲੋਡ ਹੋਣ ਤੋਂ ਬਾਅਦ ਰਾਨੂ ਦੇਖਦੇ ਹੀ ਦੇਖਦੇ ਸਟਾਰ ਬਣ ਗਈ। ਉਸਦੇ ਘਰ 'ਚ ਲੋਕਾਂ ਦੀ ਲਾਈਨ ਲੱਗ ਗਈ। ਇੱਕ ਸਥਾਨਕ ਸਲੂਨ ਨੇ ਰਾਨੂ ਦਾ ਮੇਕਓਵਰ ਕਰਕੇ ਉਸਦੀ ਸੂਰਤ ਹੀ ਬਦਲ ਦਿੱਤੀ। ਜਿਹੜੀ ਧੀ ਦਸ ਸਾਲ ਪਹਿਲਾਂ ਮਾਂ ਤੋਂ ਵਿਛੜ ਚੁੱਕੀ ਸੀ ਉਹ ਵੀ ਵਾਪਸ ਆ ਗਈ।
