ਦੇਸ਼ ਵਿਚ ਕਰੀਬ 20 ਲੱਖ ਟੀਨਐਜਰਸ ਡਰਾਇਵਿੰਗ ਲਾਇਸੇਂਸ.....
ਨਵੀਂ ਦਿੱਲੀ (ਭਾਸ਼ਾ): ਦੇਸ਼ ਵਿਚ ਕਰੀਬ 20 ਲੱਖ ਟੀਨਐਜਰਸ ਡਰਾਇਵਿੰਗ ਲਾਇਸੈਂਸ ਲੈਣ ਤੋਂ ਬਾਅਦ ਵੀ ਗ਼ੈਰਕਾਨੂੰਨੀ ਰੂਪ ਨਾਲ ਗੱਡੀ ਚਲਾ ਰਹੇ ਹਨ। ਟ੍ਰਾਂਸਪੋਰਟ ਵਿਭਾਗ ਵਲੋਂ ਇਨ੍ਹਾਂ ਨੂੰ ਜੋ ਲਾਇਸੈਂਸ ਦਿਤਾ ਜਾ ਰਿਹਾ ਹੈ, ਉਹ ਬਾਜ਼ਾਰ ਵਿਚ ਮੌਜੂਦ ਬਿਨਾਂ ਗੇਅਰ ਵਾਲੇ ਵਾਹਨ ਚਲਾਉਣ ਲਈ ਪ੍ਰਮਾਣਕ ਨਹੀਂ ਹੈ। ਇਹ ਲਾਇਸੇਂਸ 50 ਸੀ.ਸੀ ਤੋਂ ਘੱਟ ਸਮਰੱਥਾ ਵਾਲੇ ਵਾਹਨਾਂ ਲਈ ਹੈ, ਪਰ ਸਾਰੇ ਬਿਨਾਂ ਗੇਅਰ ਵਾਲੇ ਵਾਹਨ ਕਰੀਬ ਦੁੱਗਣੀ ਜਾਂ ਇਸ ਤੋਂ ਜਿਆਦਾ ਸਮਰੱਥਾ ਦੇ ਹਨ। ਇਸ ਤਰ੍ਹਾਂ ਲਾਇਸੈਂਸ ਲੈਣ ਦੇ ਬਾਵਜੂਦ ਬਿਨਾਂ ਗੇਅਰ ਵਾਲੇ ਵਾਹਨ ਚਲਾਉਣ ਉਤੇ ਚਲਾਨ ਕੀਤਾ ਜਾ ਸਕਦਾ ਹੈ।
ਇਸ ਪ੍ਰੇਸ਼ਾਨੀ ਨੂੰ ਦੇਖਦੇ ਹੋਏ ਹੁਣ ਸੜਕ ਟ੍ਰਾਂਸਪੋਰਟ ਮੰਤਰਾਲਾ 50 ਸੀਸੀ ਸਮਰੱਥਾ ਵਾਲੀ ਇਲੈਕਟ੍ਰਿਕ ਵਾਹਨਾਂ ਨੂੰ ਬਾਜ਼ਾਰ ਵਿਚ ਲਿਆਉਣ ਦੀ ਤਿਆਰੀ ਕਰ ਰਿਹਾ ਹੈ। ਸੜਕ ਟ੍ਰਾਂਸਪੋਰਟ ਮੰਤਰੀ ਵੀ ਮੰਨ ਚੁੱਕੇ ਹਨ, ਦੇਸ਼ ਵਿਚ ਕੋਈ ਵੀ ਬਿਨਾਂ ਗੇਅਰ ਵਾਲਾ ਵਾਹਨ 50 ਸੀਸੀ ਸਮਰੱਥਾ ਦਾ ਨਹੀਂ ਹੈ, ਇਸ ਲਈ ਇਸ ਵਿਚ ਸੋਧ ਕੀਤਾ ਜਾਵੇਗਾ। ਲਾਇਸੈਂਸ ਲੈਣ ਦੀ ਹੇਠਲੀ ਉਮਰ 18 ਸਾਲ ਹੈ ਪਰ ਬਿਨਾਂ ਗੇਅਰ ਵਾਲੇ ਵਾਹਨ ਚਲਾਉਣ ਲਈ 16 ਤੋਂ 18 ਸਾਲ ਦੇ ਟੀਨਐਜਰਾਂ ਨੂੰ ਲਾਇਸੈਂਸ ਦਿਤਾ ਜਾਂਦਾ ਹੈ। ਇਹ ਲਾਇਸੈਂਸ 5 ਸਾਲ ਤੱਕ ਪ੍ਰਮਾਣਕ ਹੁੰਦਾ ਹੈ।
ਇਹ ਲਾਇਸੈਂਸ ਪਹਿਲਾਂ ਮੁੱਖ ਰੂਪ ਤੋਂ ਮੋਪੇਡ ਲਈ ਦਿਤਾ ਜਾਂਦਾ ਸੀ, ਜੋ 50 ਸੀਸੀ ਸਮਰੱਥਾ ਦੀ ਹੁੰਦੀ ਸੀ ਪਰ ਹੁਣ ਇਹ ਵਾਹਨ ਬੰਦ ਹੋ ਚੁੱਕੇ ਹਨ। ਪਰ ਲਾਇਸੈਂਸ ਪੁਰਾਣੇ ਨਿਯਮਾਂ ਦੇ ਅਨੁਸਾਰ ਹੀ ਦਿਤਾ ਜਾ ਰਿਹਾ ਹੈ। ਕਿਸ਼ੋਰਾਂ ਨੂੰ ਦਿਤੇ ਗਏ 20 ਲੱਖ ਲਾਇਸੈਂਸ ਸ਼ਹਿਰੀ ਖੇਤਰਾਂ ਵਿਚ ਹੀ ਲਏ ਗਏ ਹਨ। ਕਿਉਂਕਿ ਟੀਨਐਜਰਸ ਖਾਸ ਕਰਕੇ 11ਵੀਆਂ ਅਤੇ 12ਵੀਆਂ ਦੇ ਵਿਦਿਆਰਥੀਆਂ ਦੀ ਕੋਚਿੰਗ ਘਰ ਤੋਂ ਦੂਰ ਹੁੰਦੀ ਹੈ, ਇਸ ਲਈ ਨਿਯਮਾਂ ਤੋਂ ਅਨਜਾਣ ਲਾਇਸੈਂਸ ਦੇ ਕੇ ਬਿਨਾਂ ਗੇਅਰ ਵਾਲੇ ਵਾਹਨ ਉਨ੍ਹਾਂ ਨੂੰ ਦੇ ਦਿਤੇ ਹਨ।