ਭਾਰਤੀ ਜਨਤਾ ਪਾਰਟੀ ਦੇ ਮੋਹਨ ਲਾਲ ਗੰਜ ਸੀਟ ਤੋਂ ਸਾਂਸਦ ਕੌਸ਼ਲ ਕਿਸ਼ੋਰ...
ਨਵੀਂ ਦਿੱਲੀ: ਭਾਰਤੀ ਜਨਤਾ ਪਾਰਟੀ ਦੇ ਮੋਹਨ ਲਾਲ ਗੰਜ ਸੀਟ ਤੋਂ ਸਾਂਸਦ ਕੌਸ਼ਲ ਕਿਸ਼ੋਰ ਦੀ ਨੂੰਹ ਅੰਕਿਤਾ ਨੇ ਐਤਵਾਰ ਦੀ ਰਾਤ ਨੂੰ ਆਪਣੇ ਗੁੱਟ ਦੀ ਨਸ ਕੱਟਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕੀਤੀ। ਅੰਕਿਤਾ ਨੂੰ ਲਖਨਊ ਦੇ ਸਿਵਲ ਹਸਪਤਾਲ ਵਿਚ ਭਰਤੀ ਕਰਾਇਆ ਗਿਆ ਹੈ ਜਿੱਥੇ ਅੰਕਿਤਾ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਜਾਣਕਾਰੀ ਮੁਤਾਬਿਕ ਮਰਨ ਦੀ ਕੋਸ਼ਿਸ਼ ਕਰਨ ਤੋਂ ਪਹਿਲਾਂ ਅੰਕਿਤਾ ਨੇ ਸੋਸ਼ਲ ਮੀਡੀਆ ਉਤੇ 2 ਵੀਡੀਓਜ਼ ਵੀ ਪੋਸਟ ਕੀਤੀਆਂ ਸਨ।
Bjp Mp
ਜਿਸ ਵਿਚ ਉਨ੍ਹਾਂ ਨੇ ਕਿਹਾ ਕਿ ਉਹ ਅਪਣੀ ਜਿੰਦਗੀ ਨੂੰ ਖਤਮ ਕਰਨ ਜਾ ਰਹੀ ਹੈ। ਵੀਡੀਓ ਵਿਚ ਅੰਕਿਤਾ ਆਪਣੇ ਪਤੀ ਆਯੁਸ਼, ਸਹੁਰਾ ਸਾਂਸਦ ਕੌਸ਼ਲ ਕਿਸ਼ੋਰ, ਸੱਸ ਵਿਧਾਇਕ ਜੈ ਦੇਵੀ ਅਤੇ ਆਯੁਸ਼ ਦੇ ਭਰਾ ਨੂੰ ਅਪਣੀ ਮੌਤ ਲਈ ਜਿੰਮੇਵਾਰ ਦੱਸ ਰਹੀ ਹੈ। ਅੰਕਿਤਾ ਵੀਡੀਓ ਵਿਚ ਰੋਂਦੇ ਹੋਏ ਸੰਸਦ ਦੇ ਬੇਟੇ, ਅਪਣੇ ਪਤੀ ਆਯੁਸ਼ ਉਤੇ ਗੰਭੀਰ ਇਲਜ਼ਾਮ ਲਗਾਉਂਦੀ ਹੋਈ ਦਿਖ ਰਹੀ ਹੈ। ਉਹ ਇਸ ਤਰ੍ਹਾਂ ਵੀ ਕਹਿ ਰਹੀ ਹੈ ਕਿ ਆਯੁਸ਼ ਨੇ ਉਸਨੂੰ ਧੋਖਾ ਦਿੱਤਾ ਹੈ।
Ankita
ਉਸਨੂੰ ਉਮੀਦ ਸੀ ਕਿ ਉਸਦਾ ਪਤੀ ਉਸਦੇ ਕੋਲ ਮੁੜ ਵਾਪਸ ਆਵੇਗਾ, ਉਹ ਨਹੀਂ ਆਇਆ। ਸੂਤਰਾਂ ਨੇ ਦੱਸਿਆ ਕਿ ਐਤਵਾਰ ਰਾਤ ਨੂੰ ਅੰਕਿਤਾ ਨੇ ਬੀਜੇਪੀ ਸਾਂਸਦ ਨੂੰ ਘਰ ਵਿਚ ਅਪਣੇ ਗੁੱਟ ਲਈ ਜਿਸਤੋਂ ਬਾਅਦ ਉਸਨੂੰ ਤੁਰੰਤ ਸਿਵਲ ਹਸਪਤਾਲ ਪਹੁੰਚਿਆ ਗਿਆ। ਹਸਪਤਾਲ ਵਿਚ ਉਸਦੀ ਸੁਰੱਖਿਆ ਅਤੇ ਨਿਗਰਾਨੀ ਦੇ ਲਈ ਮਹਿਲਾ ਪੁਲਿਸ ਕਰਮਚਾਰੀਆਂ ਨੂੰ ਤੈਨਾਤ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਆਯੁਸ਼ ਨੇ ਪਿਛਲੇ ਸਾਲ ਅੰਕਿਤਾ ਦੇ ਨਾਲ ਲਵ ਮੈਰਿਜ ਕਰਵਾਈ ਸੀ। ਪਰਵਾਰ ਦੇ ਮੈਂਬਰ ਉਸਦੇ ਵਿਆਹ ਤੋਂ ਖੁਸ਼ ਨਹੀਂ ਸਨ।
Ankita
ਲਿਹਾਜਾ ਆਯੁਸ਼ ਅਪਣੀ ਪਤਨੀ ਦੇ ਨਾਲ ਲਖਨਊ ਦੇ ਮੰਡਿਆ ਮੁਹੱਲੇ ਵਿਚ ਕਰਾਏ ਦੇ ਮਕਾਨ ਵਿਚ ਰਹਿ ਰਿਹਾ ਸੀ. 3 ਮਾਰਚ ਨੂੰ ਆਯੁਸ਼ ਨੂੰ ਕਿਸੇ ਨੇ ਗੋਲੀ ਮਾਰੀ ਸੀ, ਬਾਅਦ ਵਿਚ ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਗੋਲੀ ਮਾਰਨ ਦਾ ਇਹ ਨਾਟਕ ਰੱਚਿਆ ਗਿਆ ਸੀ। ਉਸਤੋਂ ਬਾਅਦ ਆਯੁਸ਼ ਹਸਪਤਾਲ ਵਿਚ ਲਾਪਤਾ ਹੋ ਗਿਆ ਸੀ। ਅਤੇ ਫਿਰ ਐਤਵਾਰ ਨੂੰ ਆਪਣੇ ਬਿਆਨ ਦਰਜ ਕਰਾਉਣ ਦੇ ਲਈ ਮੰਡਿਆ ਪੁਲਿਸ ਦੇ ਸਾਹਮਣੇ ਪੇਸ਼ ਹੋਇਆ।
