ਇਸ ਨੂੰ ਦੇਖਦੇ ਹੋਏ ਚੀਨ ਨੇ ਫਿਰ ਤੋਂ ਇਕ ਨਵਾਂ 13 ਮੰਜ਼ਿਲਾਂ ਹਸਪਤਾਲ...
ਨਵੀਂ ਦਿੱਲੀ: ਕੁੱਝ ਦਿਨ ਪਹਿਲਾਂ ਰਾਹਤ ਦੀ ਖ਼ਬਰ ਆਈ ਸੀ ਜਦੋਂ ਚੀਨ ਨੇ ਐਲਾਨ ਕੀਤਾ ਸੀ ਕਿ ਉਹ ਹੁਬੇਈ ਰਾਜ ਅਤੇ ਵੁਹਾਨ ਸ਼ਹਿਰ ਵਿਚ ਲਗਾਏ ਗਏ ਲਾਕਡਾਊਨ ਨੂੰ ਖੋਲ੍ਹ ਰਿਹਾ ਹੈ। ਅਜਿਹਾ ਲਗਿਆ ਸੀ ਕਿ ਚੀਨ ਨੇ ਕੋਰੋਨਾ ਤੇ ਕਾਬੂ ਪਾ ਲਿਆ ਹੈ ਅਤੇ ਹੁਣ ਲੋਕਾਂ ਦੀ ਜ਼ਿੰਦਗੀ ਚਲ ਰਹੀ ਹੈ। ਪਰ ਚੀਨ ਵਿਚ ਇਕ ਵਾਰ ਫਿਰ ਤੋਂ ਕੋਰੋਨਾ ਦਾ ਸੰਕਟ ਵਧਣ ਦਾ ਖਤਰਾ ਪੈਦਾ ਹੋ ਗਿਆ ਹੈ।
China
ਇਸ ਨੂੰ ਦੇਖਦੇ ਹੋਏ ਚੀਨ ਨੇ ਫਿਰ ਤੋਂ ਇਕ ਨਵਾਂ 13 ਮੰਜ਼ਿਲਾਂ ਹਸਪਤਾਲ ਬਣਾ ਲਿਆ ਹੈ। ਅਸਲ ਵਿਚ ਰੂਸ ਵਿਚ ਵੀ ਹੁਣ ਕੋਰੋਨਾ ਦੇ ਮਾਮਲੇ ਵਧ ਰਹੇ ਹਨ। ਉੱਥੇ ਹੀ ਰੂਸ ਦੇ ਬਾਰਡਰ ਤੇ ਚੀਨ ਨੇ 13 ਮੰਜ਼ਿਲ ਦੀ ਖਾਲੀ ਇਮਾਰਤ ਨੂੰ ਹਸਪਤਾਲ ਵਿਚ ਬਦਲ ਦਿੱਤਾ ਹੈ। ਛੇ ਦਿਨਾਂ ਦੇ ਅੰਦਰ ਹੀ ਹਸਪਤਾਲ ਬਣ ਕੇ ਤਿਆਰ ਵੀ ਹੋ ਗਿਆ ਹੈ। ਚੀਨ ਦੀ ਸਰਕਾਰੀ ਮੀਡੀਆ ਮੁਤਾਬਕ ਦੇਸ਼ ਵਿਚ ਰੂਸ ਤੋਂ ਸਭ ਤੋਂ ਵਧ ਗਿਣਤੀ ਵਿਚ ਕੋਰੋਨਾ ਵਾਇਰਸ ਦੇ ਪੀੜਤ ਆਏ ਹਨ।
China
ਕਾਫੀ ਲੋਕ ਸੂਫੇਨਹੇ ਤੋਂ ਹੀ ਚੀਨ ਵਿਚ ਦਾਖਿਲ ਹੋਏ ਹਨ। ਇਹਨਾਂ ਵਿਚੋਂ ਚੀਨ ਨਾਗਰਿਕ ਵੀ ਸ਼ਾਮਲ ਹਨ ਜੋ ਰੂਸ ਵਿਚ ਬਿਜ਼ਨੈਸ ਕਰਦੇ ਹਨ। ਹੁਣ ਤੱਕ ਸੂਈਫੇਨਹੇ ਵਿਚ ਵਿਦੇਸ਼ਾਂ ਤੋਂ ਘੱਟੋ ਘੱਟ 243 ਕੋਰੋਨਾ ਦੇ ਕੇਸ ਸਾਹਮਣੇ ਆਏ ਹਨ। ਉੱਥੇ ਹੀ ਕੇਸਾਂ ਦੀ ਕੁੱਲ ਗਿਣਤੀ 1000 ਹੋ ਗਈ ਹੈ। ਉਨ੍ਹਾਂ ਵਿਚੋਂ ਬਹੁਤ ਸਾਰੇ ਲੋਕ ਹਨ ਜਿਹਨਾਂ ਵਿਚ ਕੋਰੋਨਾ ਦੇ ਕੋਈ ਲੱਛਣ ਦਿਖਾਈ ਨਹੀਂ ਦਿੰਦੇ।
Corona Virus
ਚੀਨ ਦੇ ਸੁਈਫੇਨਹੇ ਵਿਚ ਨਵੇਂ ਹਸਪਤਾਲ ਵਿਚ 580 ਬੈੱਡ ਹਨ। ਇਸ ਵਿਚੋਂ ਬਿਨਾਂ ਲੱਛਣਾਂ ਵਾਲੇ ਮਰੀਜ਼ਾਂ ਨੂੰ ਆਈਸੋਲੇਟ ਕੀਤਾ ਜਾਵੇਗਾ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ 70 ਹਜ਼ਾਰ ਦੀ ਆਬਾਦੀ ਵਾਲੇ ਸੁਈਫੇਨਹੇ ਸ਼ਹਿਰ ਵਿਚ ਚੀਨ ਨੇ ਪੂਰੀ ਤਰ੍ਹਾਂ ਲਾਕਡਾਊਨ ਦਾ ਐਲਾਨ ਕਰ ਦਿੱਤਾ ਸੀ। ਬੀਜਿੰਗ ਮਾਹਰਾਂ ਨੇ ਰੂਸ ਦੇ ਬਾਰਡਰ 'ਤੇ ਸਥਿਤ ਸੁਈਫੇਨਹੇ ਸ਼ਹਿਰ ਵਿਚ ਇਕ ਅਸਥਾਈ ਲੈਬ ਵੀ ਸਥਾਪਤ ਕੀਤੀ ਹੈ।
Chinas
ਇਸ ਲੈਬ ਵਿਚ ਰੋਜ਼ਾਨਾ 1000 ਟੈਸਟ ਹੋ ਸਕਦੇ ਹਨ। ਦਸ ਦਈਏ ਕਿ ਕੋਰਾਨਾ ਵਾਇਰਸ ਦੇ ਮਰੀਜ਼ ਜਿਹਨਾਂ ਵਿਚ ਕੋਰੋਨਾ ਦੇ ਲੱਛਣ ਵਿਖਾਈ ਨਹੀਂ ਦੇ ਰਹੇ ਉਹਨਾਂ ਵਿੱਚ ਵੀ ਹੋਰ ਲੋਕਾਂ ਵਿੱਚ ਵਾਇਰਸ ਫੈਲਣ ਦਾ ਖਤਰਾ ਹੁੰਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
