ਜੇਡੀਯੂ ਦੇ ਬੁਲਾਰੇ ਕੇਸੀ ਤਿਆਗੀ ਨੇ ਇਕ ਬਿਆਨ ਵਿਚ ਕਿਹਾ ਕਿ ਜੇਡੀਯੂ ਯੂਨੀਫੋਰਮ ਸਿਵਲ ਕੋਡ ‘ਤੇ ਅਪਣੇ ਪਹਿਲੇ ਰੁੱਖ਼ ਨੂੰ ਦੁਹਰਾਉਂਦਾ ਹੈ।
ਨਵੀਂ ਦਿੱਲੀ: ਭਾਜਪਾ ਦੇ ਸਹਿਯੋਗੀ ਦਲ ਜੇਡੀਯੂ ਨੇ ‘ਤਿੰਨ ਤਲਾਕ ਬਿੱਲ' ਦਾ ਸ਼ੁੱਕਰਵਾਰ ਨੂੰ ਵਿਰੋਧ ਕਰਦੇ ਹੋਏ ਕਿਹਾ ਕਿ ਬਿਨਾਂ ਕਿਸੇ ਸਲਾਹ ਤੋਂ ਮੁਸਲਮਾਨਾਂ ‘ਤੇ ਕੋਈ ਵੀ ਵਿਚਾਰ ਨਹੀਂ ਥੌਪਣਾ ਚਾਹੀਦਾ ਹੈ। ਇਹ ਬਿੱਲ ਸਾਂਸਦ ਦੇ ਆਉਣ ਵਾਲੇ ਸੈਸ਼ਨ ਵਿਚ ਭਾਜਪਾ-ਐਨਡੀਏ ਵੱਲੋਂ ਪੇਸ਼ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਜੇਡੀਯੂ ਦੇ ਬੁਲਾਰੇ ਕੇਸੀ ਤਿਆਗੀ ਨੇ ਇਕ ਬਿਆਨ ਵਿਚ ਕਿਹਾ ਕਿ ਜੇਡੀਯੂ ਯੂਨੀਫੋਰਮ ਸਿਵਲ ਕੋਡ ‘ਤੇ ਅਪਣੇ ਪਹਿਲੇ ਰੁੱਖ਼ ਨੂੰ ਦੁਹਰਾਉਂਦਾ ਹੈ।
K C Tyagi
ਉਹਨਾਂ ਕਿਹਾ ਕਿ ਸਾਡਾ ਦੇਸ਼ ਵੱਖ ਵੱਖ ਧਰਮ ਦੇ ਸਮੂਹਾਂ ਲਈ ਕਾਨੂੰਨ ਅਤੇ ਸ਼ਾਸਨ ਦੇ ਸਿਧਾਂਤਾਂ ਦੇ ਸੰਦਰਭ ਵਿਚ ਇਕ ਬਹੁਤ ਹੀ ਕਮਜ਼ੋਰ ਸੰਤੁਲਨ ‘ਤੇ ਅਧਾਰਿਤ ਹੈ। ਹਾਲਾਂਕਿ ਬਿਆਨ ਵਿਚ ਤਿੰਨ ਤਲਾਕ ਬਿੱਲ ਦਾ ਸਿੱਧੇ ਤੌਰ ‘ਤੇ ਜ਼ਿਕਰ ਨਹੀਂ ਕੀਤਾ ਗਿਆ ਹੈ। ਪਰ ਜੇਡੀਯੂ ਸੂਤਰਾਂ ਨੇ ਦੱਸਿਆ ਕਿ ਇਹ ਬਿੱਲ ਯੂਨੀਫੋਰਮ ਸਿਵਲ ਕੋਡ ‘ਤੇ ਉਹਨਾਂ ਦੇ ਰੁਖ਼ ਦੇ ਕੇਂਦਰ ਵਿਚ ਹੈ ਕਿਉਂਕਿ ਭਾਜਪਾ ਨੇ ਮੁਸਲਮਾਨਾਂ ਦੀ ਤਿੰਨ ਤਲਾਕ ਦੀ ਪ੍ਰਥਾ ਨੂੰ ਅਪਰਾਧ ਦੀ ਸ਼੍ਰੇਣੀ ਵਿਚ ਸ਼ਾਮਿਲ ਕਰਨ ‘ਤੇ ਅਕਸਰ ਜ਼ੋਰ ਦਿੱਤਾ ਹੈ।
Triple Talaq
ਬਿਹਾਰ ਦੇ ਮੁੱਖ ਮੰਤਰੀ ਨਿਤਿਸ਼ ਕੁਮਾਰ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪਹਿਲੇ ਕਾਰਜਕਾਲ ਦੌਰਾਨ ਇਸ ਬਿੱਲ ਦਾ ਵਿਰੋਧ ਕੀਤਾ। ਪਾਰਟੀ ਨੇ ਅਪਣਾ ਰੁਖ਼ ਦੁਹਰਾਉਂਦੇ ਹੋਏ ਸਪੱਸ਼ਟ ਕੀਤਾ ਹੈ ਕਿ ਜੇਡੀਯੂ ਅਪਣੇ ਰੁਖ਼ ‘ਤੇ ਦ੍ਰਿੜ ਹੈ। ਦੱਸ ਦਈਏ ਕਿ ਮੋਦੀ ਸਰਕਾਰ ਦੇ ਪਹਿਲੇ ਕਾਰਜਕਾਲ ਦੌਰਾਨ ਤਿੰਨ ਤਲਾਕ ਬਿੱਲ ਰਾਜ ਸਭਾ ਵਿਚ ਹੀ ਰੁਕ ਗਿਆ ਸੀ ਕਿਉਂਕਿ ਉਸ ਦੇ ਕੋਲ ਲੋੜੀਂਦੀ ਬਹੁਮਤ ਨਹੀਂ ਸੀ। ਉਸ ਨੂੰ ਉਚ ਸਤਰ ਵਿਚ ਪੇਸ਼ ਕਰਨ ਲਈ ਸਰਕਾਰ ਨੂੰ ਗੈਰ ਐਨਡੀਏ ਦਲਾਂ ਦੇ ਸਮਰਥਨ ਦੀ ਵੀ ਲੋੜ ਹੋਵੇਗੀ। ਹਾਲਾਂਕਿ ਜੇਡੀਯੂ ਵਰਗੇ ਸਹਿਯੋਗੀ ਦਲਾਂ ਦੇ ਨਾਲ ਨਾਲ ਵਿਰੋਧੀਆਂ ਵੱਲੋਂ ਵੀ ਰਾਜ ਸਭਾ ਵਿਚ ਇਸ ਦੇ ਸਾਹਮਣੇ ਮੁਸ਼ਕਲਾਂ ਖੜੀਆਂ ਕਰਨ ਦੀ ਸੰਭਾਵਨਾ ਹੈ।
