ਵਿਗਿਆਨੀਆਂ ਨੇ ਦਿਤੀ ਹੋਰ ਝਟਕੇ ਲੱਗਣ ਦੀ ਚਿਤਾਵਨੀ
ਅਹਿਮਦਾਬਾਦ : ਗੁਜਰਾਤ 'ਚ ਲੰਘੇ 24 ਘੰਟਿਆਂ ਦੌਰਾਨ ਆਏ ਭੂਚਾਲ ਦੇ ਝਟਕਿਆਂ ਕਾਰਨ ਲੋਕਾਂ 'ਚ ਦਹਿਸ਼ਤ ਦਾ ਮਾਹੌਲ ਹੈ। ਪਿਛਲੇ ਕੁੱਝ ਦਿਨਾਂ ਦੌਰਾਨ ਦੇਸ਼ ਦੇ ਵੱਖ ਵੱਖ ਭਾਗਾਂ 'ਚ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਜਾ ਰਹੇ ਹਨ। ਕਰੋਨਾ ਕਾਲ ਦੌਰਾਨ ਲੋਕ ਪਹਿਲਾਂ ਹੀ ਘਰਾਂ ਅੰਦਰ ਰਹਿਣ ਲਈ ਮਜ਼ਦੂਰ ਹਨ, ਹੁਣ ਧਰਤੀ ਹੇਠਲੀ ਹਲਚਲ ਕਾਰਨ ਉਨ੍ਹਾਂ ਨੂੰ ਘਰਾਂ ਅੰਦਰ ਰਹਿਣ ਤੋਂ ਵੀ ਡਰ ਲੱਗਣ ਲੱਗ ਪਿਆ ਹੈ।
Earthquakes
ਖ਼ਬਰਾਂ ਅਨੁਸਾਰ ਗੁਜਰਾਤ ਦੇ ਕੱਛ 'ਚ ਸੋਮਵਾਰ ਸ਼ਾਮ ਨੂੰ ਇਕ ਵਾਰ ਫਿਰ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਹਨ। ਬੀਤੇ 24 ਘੰਟਿਆਂ ਦੌਰਾਨ ਗੁਜਰਾਤ ਅੰਦਰ ਇਹ ਤੀਜਾ ਭੂਚਾਲ ਹੈ। ਇਸ ਤੋਂ ਪਹਿਲਾਂ ਐਤਵਾਰ ਰਾਤ ਸਵਾ ਅੱਠ ਵਜੇ ਤੋਂ ਸੋਮਵਾਰ ਦੁਪਹਿਰ ਤਕ ਭੂਚਾਲ ਦੇ ਲਗਭਗ 13 ਝਟਕੇ ਮਹਿਸੂਸ ਕੀਤੇ ਗਏ। ਇਸ ਤੋਂ ਬਾਅਦ ਸੋਮਵਾਰ ਦੁਪਹਿਰ 12:59 'ਤੇ ਭੂਚਾਲ ਦਾ ਝਟਕਾ ਮਹਿਸੂਸ ਕੀਤਾ ਗਿਆ। ਰਿਕਟਰ ਪੈਮਾਨੇ 'ਤੇ ਇਸ ਦੀ ਤੀਬਰਤਾ 4.6 ਮਾਪੀ ਗਈ ਹੈ।
Earthquakes
ਇੰਡੀਅਨ ਸਿਸਮੌਲਾਜੀਕਲ ਰਿਸਰਚ ਇੰਸਟੀਚਿਊਟ ਮੁਤਾਬਕ ਐਤਵਾਰ ਰਾਤ ਤੋਂ ਸੋਮਵਾਰ ਦੁਪਹਿਰ ਤੱਕ ਲੱਗਣ ਵਾਲੇ ਝਟਕਿਆਂ ਦੀ ਗਿਣਤੀ 13 ਸੀ। ਭੂ-ਗਰਭ ਵਿਗਿਆਨੀਆਂ ਅਨੁਸਾਰ ਇਹ ਝਟਕੇ ਇਹ ਝਟਕੇ ਜ਼ਮੀਨ ਦੇ ਗਰਭ ਅੰਦਰ ਹੋ ਰਹੀ ਹਲਚਲ ਕਾਰਨ ਲੱਗ ਰਹੇ ਹਨ। ਭੂਚਾਲ ਲਈ ਜ਼ਿੰਮੇਵਾਰ ਪਲੇਟਾਂ ਇਕ ਵਾਰ ਫਿਰ ਹਲਚਲ ਕਰ ਰਹੀਆਂ ਹਨ।
Earthquakes
ਵਿਗਿਆਨੀ ਨੇ ਆਉਂਦੇ ਸਮੇਂ 'ਚ ਹੋਰ ਝਟਕੇ ਲੱਗਣ ਦੀ ਚਿਤਾਵਨੀ ਦਿਤੀ ਹੈ। ਸੋਮਵਾਰ ਦੁਪਹਿਰ ਵੇਲੇ ਆਏ ਭੂਚਾਲ ਦਾ ਕੇਂਦਰ ਭਚਾਊ ਤੋਂ 15 ਕਿਲੋਮੀਟਰ ਦੂਰ ਸੀ। ਦੱਸਣਯੋਗ ਹੈ ਕਿ ਸਾਲ 2001 ਦੌਰਾਨ ਗੁਜਰਾਤ ਵਿਚ ਆਏ ਭਿਆਨਕ ਭੂਚਾਲ ਦਾ ਕੇਂਦਰ ਵੀ ਭਚਾਊ ਹੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
