ਬਿਹਾਰ ਦੀ ਸਾਬਕਾ ਸਮਾਜ ਭਲਾਈ ਮੰਤਰੀ ਮੰਜੂ ਵਰਮਾ ਨੂੰ ਜਨਤਾ ਦਲ ਯੂਨਾਈਟੇਡ ( ਜੇਡੀਯੂ ) ਤੋਂ ਮੁਅੱਤਲ ਕਰ ਦਿਤਾ ਗਿਆ ਹੈ।
ਮੁਜ਼ਫੱਰਪੁਰ, ( ਪੀਟੀਆਈ ) : ਬਿਹਾਰ ਦੀ ਸਾਬਕਾ ਸਮਾਜ ਭਲਾਈ ਮੰਤਰੀ ਮੰਜੂ ਵਰਮਾ ਨੂੰ ਜਨਤਾ ਦਲ ਯੂਨਾਈਟੇਡ ( ਜੇਡੀਯੂ) ਤੋਂ ਮੁਅੱਤਲ ਕਰ ਦਿਤਾ ਗਿਆ ਹੈ। ਉਹ ਮੁਜ਼ਫੱਰਪੁਰ ਬਾਲਿਕਾ ਆਸਰਾ ਘਰ ਕਾਂਡ ਵਿਚ ਦੋਸ਼ੀ ਹੈ ਅਤੇ ਬਹੁਤ ਦਿਨਾਂ ਤੋਂ ਫਰਾਰ ਚਲ ਰਹੀ ਹੈ। ਪਿਛਲੇ ਦਿਨੀ ਉਨ੍ਹਾਂ ਦੀ ਗ੍ਰਿਫਤਾਰੀ ਨਾ ਹੋਣ ਤੇ ਸੁਪਰੀਮ ਕੋਰਟ ਨੇ ਸਖ਼ਤ ਨਾਰਾਜ਼ਗੀ ਪ੍ਰਗਟ ਕੀਤੀ ਸੀ ਅਤੇ ਨਾਲ ਹੀ ਡੀਜੀਪੀ ਨੂੰ ਤਲਬ ਕੀਤਾ ਸੀ।
Nitish Kuma
ਮੰਜੂ ਵਰਮਾ ਦੀ ਗ੍ਰਿਫਤਾਰੀ ਲਈ ਬਿਹਾਰ ਪੁਲਿਸ ਦੀ ਟੀਮ ਬਿਹਾਰ ਅਤੇ ਝਾਰਖੰਡ ਦੇ ਕਈ ਠਿਕਾਣਿਆਂ ਤੇ ਲਗਾਤਾਰ ਜਾਂਚ ਕਰ ਰਹੀ ਹੈ ਪਰ ਹੁਣ ਤੱਕ ਉਸ ਦੀ ਗ੍ਰਿਫਤਾਰੀ ਨਹੀਂ ਹੋ ਸਕੀ ਹੈ ਦੱਸ ਦਈਏ ਕਿ ਬੀਤੇ ਦਿਨੀ ਇਸ ਮਾਮਲੇ ਵਿਚ ਜਾਂਚ ਲਈ ਸੀਬੀਆਈ ਨੂੰ ਛਾਪੇਮਾਰੀ ਦੌਰਾਨ ਮੰਜੂ ਵਰਮਾ ਦੇ ਚੇਰਿਆ ਬਰਿਆਰਪੁਰ ਸਥਿਤ ਘਰ ਤੋਂ ਹਥਿਆਰ ਮਿਲੇ ਸਨ। ਜਨਤਾ ਦਲ ਯੂਨਾਈਟੇਡ ਦੇ ਮੁਖੀ ਨਿਤੀਸ਼ ਕੁਮਾਰ ਹਨ।
shelter home
ਮੁਜ਼ਫੱਰਪੁਰ ਬਾਲਿਕਾ ਆਸਰਾ ਘਰ ਕੁਕਰਮਕਾਂਡ ਦੌਰਾਨ 34 ਬੱਚੀਆਂ ਦੇ ਨਾਲ ਕੁਕਰਮ ਦੀ ਪੁਸ਼ਟੀ ਹੋਈ ਸੀ। ਇਸ ਮਾਮਲੇ ਵਿਚ ਮੁਖ ਦੋਸ਼ੀ ਅਤੇ ਆਸਰਾ ਘਰ ਦੇ ਸੰਚਾਲਕ ਬ੍ਰਿਜੇਸ਼ ਕੁਮਾਰ ਦੇ ਨਾਲ ਮੰਜੂ ਵਰਮਾ ਦੇ ਪਤੀ ਚੰਦਰਸ਼ੇਖਰ ਵਰਮਾ ਦੇ ਗੂੜੇ ਸੰਬਧਾਂ ਦਾ ਪਤਾ ਲਗਿਆ ਸੀ। ਬ੍ਰਿਜੇਸ਼ ਕੁਮਾਰ ਦੇ ਫੋਨ ਦੇ ਵੇਰਵਿਆਂ ਵਿਚ ਮੰਤਰੀ ਪਤੀ ਦੇ ਸੰਪਰਕ ਵਿਚ ਹੋਣ ਦੀ ਗੱਲ ਸਾਬਤ ਹੋਈ ਸੀ।
Manju verma with Husband
ਉਸ ਵੇਲੇ ਮੰਜੂ ਵਰਮਾ ਨੂੰ ਅਸਤੀਫਾ ਦੇਣਾ ਪਿਆ ਸੀ। ਮੰਜੂ ਦਾ ਪਤੀ ਚੰਦਰਸ਼ੇਖਰ ਵਰਮਾ ਪਹਿਲਾਂ ਹੀ ਕੋਰਟ ਵਿਚ ਸਪੁਰਦਗੀ ਕਰ ਚੁੱਕਾ ਹੈ। ਹੁਣ ਮੰਨਿਆ ਜਾ ਰਿਹਾ ਹੈ ਕਿ ਮੰਜੂ ਵਰਮਾ ਵੀ ਸਪੁਰਦਗੀ ਕਰ ਦੇਵੇਗੀ ਕਿਉਂਕਿ ਪਾਰਟੀ ਅਤੇ ਪ੍ਰਸ਼ਾਸਨ ਦੋਹਾਂ ਪਾਸੇ ਤੋਂ ਦਬਾਅ ਵੱਧ ਗਿਆ ਹੈ।
