ਭੋਜਨ ਹਾਲ ਵਿਖੇ ਸ਼ਾਕਾਹਾਰੀ ਅਤੇ ਮਾਸਾਹਾਰੀ ਵਿਦਿਆਰਥੀਆਂ ਲਈ ਹਾਲ ਅੰਦਰ ਆਉਣ ਲਈ ਵੱਖ-ਵੱਖ ਦਰਵਾਜੇ, ਵਾਸ਼ ਬੇਸਿਨ, ਭਾਂਡੇ ਅਤੇ ਮੇਜ-ਕੁਰਸੀ ਦਾ ਪ੍ਰਬੰਧ ਕੀਤਾ ਗਿਆ ਹੈ।

ਤਾਮਿਲਨਾਡੂ , ( ਭਾਸ਼ਾ) : ਇੰਡੀਅਨ ਇੰਸਟੀਚਿਊਟ ਮਦਰਾਸ ਵਿਖੇ ਇਕ ਨਵੇਂ ਤਰ੍ਹਾਂ ਦੇ ਛੂਆਛੂਤ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਥੇ ਦੇ ਹੋਸਟਲਾਂ ਦੇ ਭੋਜਨ ਹਾਲ ਵਿਖੇ ਸ਼ਾਕਾਹਾਰੀ ਅਤੇ ਮਾਸਾਹਾਰੀ ਵਿਦਿਆਰਥੀਆਂ ਲਈ ਹਾਲ ਅੰਦਰ ਆਉਣ ਲਈ ਵੱਖ-ਵੱਖ ਦਰਵਾਜੇ, ਵਾਸ਼ ਬੇਸਿਨ, ਭਾਂਡੇ ਅਤੇ ਮੇਜ-ਕੁਰਸੀ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਇਸ ਨਾਲ ਵਿਦਿਆਰਥੀਆਂ ਵਿਚ ਗੁੱਸਾ ਹੈ। ਇਥੇ ਦੇ ਹਿਮਾਲਿਆ ਹੋਸਟਲ ਦੇ ਭੋਜਨ ਹਾਲ ਦੇ ਦਰਵਾਜੇ 'ਤੇ ਇਸ ਵਿਵਸਥਾ ਨਾਲ ਸਬੰਧਤ ਨੋਟਿਸ ਲਗਾਇਆ ਗਿਆ ਸੀ।

Separate entrance

ਇਸ ਨਾਲ ਨਾਰਾਜ਼ ਵਿਦਿਆਰਥੀਆਂ ਨੇ ਵਿਰੋਧ ਪ੍ਰਦਰਸ਼ਨ ਕਰਨਾ ਸ਼ੁਰੂ ਕਰ ਦਿਤਾ ਹੈ ਅਤੇ ਇਸ ਨੂੰ ਵਖਰੇ ਤਰੀਕੇ ਦੀ ਛੂਆਛੂਤ ਕਰਾਰ ਦਿਤਾ ਹੈ। ਭੋਜਨ ਹਾਲ 'ਤੇ ਚਿਪਕਾਏ ਗਏ ਪੋਸਟਰ ਮੁਤਾਬਕ ਸ਼ਾਕਾਹਾਰੀ ਅਤੇ ਮਾਸਾਹਾਰੀ ਵਿਦਿਆਰਥੀਆਂ ਦੇ ਦਾਖਲੇ ਲਈ ਵੱਖ-ਵੱਖ ਦਰਵਾਜੇ ਦਰਸਾਏ ਗਏ ਹਨ। ਨੇਟਿਸ ਮੁਤਾਬਕ ਜੋ ਮਾਂਸਾਹਾਰੀ ਹਨ ਉਹਨਾਂ ਨੂੰ ਸ਼ਾਕਾਹਾਰੀ ਵਿਦਿਆਰਥੀਆਂ ਦੇ ਮੇਜ 'ਤੇ ਨਾ ਬੈਠਣ ਦੀ ਸਲਾਹ ਦਿਤੀ ਗਈ ਹੈ। ਹਾਲਾਂਕਿ ਦੋਹਾਂ ਸ਼੍ਰੇਣੀਆਂ ਨੂੰ ਇਕ ਹੀ ਭੋਜਨ ਹਾਲ ਵਿਚ ਰੋਟੀ ਵਰਤਾਈ ਜਾਵੇਗੀ।

Mess of hostel

ਅੰਬੇਦਕਰ ਪੇਰਿਆਰ ਸਟੱਡੀ ਸਰਕਲ ਦੇ ਕੁਆਰਡੀਨੇਟਰ ਸ਼ਸ਼ੀਭੂਸ਼ਣ ਨੇ ਦੱਸਿਆ ਕਿ ਆਈਆਈਟੀ ਪ੍ਰਸ਼ਾਸਨ ਵੱਲੋਂ ਵਿਦਿਆਰਥੀਆਂ ਵਿਚਕਾਰ ਵੰਡ ਪਾਉਣ ਵਾਲੀ ਇਸ ਵਿਵਸਥਾ ਦਾ ਵਿਦਿਆਰਥੀਆਂ ਵੱਲੋਂ ਵਿਰੋਧ ਕੀਤਾ ਜਾਵੇਗਾ। ਦੂਜੇ ਪਾਸੇ ਹੋਸਟਲ ਸਟਾਫ ਦਾ ਕਹਿਣਾ ਹੈ ਕਿ ਨਵੀਂ ਵਿਵਸਥਾ ਹੋਸਟ ਦੀ ਨਿਗਰਾਨ ਕਮੇਟੀ ਦੇ ਦਿਸ਼ਾ ਨਿਰਦੇਸ਼ਾਂ 'ਤੇ ਕੀਤੀ ਗਈ ਹੈ। ਅਜੇ ਸਰਦ ਰੁੱਤ ਦੀਆਂ ਛੱਟੀਆਂ ਚਲ ਰਹੀਆਂ ਹਨ। ਇਸ ਲਈ ਸੰਸਥਾ ਦੇ ਅੰਦਰ ਸਿਰਫ ਦੋ ਭੋਜਨ ਹਾਲ ਵਿਚ ਹੀ ਕੰਮ ਕੀਤਾ ਜਾ ਰਿਹਾ ਹੈ। ਭੋਜਨ ਹਾਲ ਵਿਚ ਜੋ ਪੋਸਟਰ ਚਿਪਕਾਏ ਗਏ ਹਨ,

separate wash basins

ਉਹਨਾਂ ਵਿਚ ਸਾਫ ਤੌਰ 'ਤੇ ਲਿਖਿਆ ਹੈ ਕਿ ਇਹ ਵਾਸ਼ ਬੇਸਿਨ ਸ਼ਾਕਾਹਾਰੀਆਂ ਲਈ ਹਨ ਅਤੇ ਇਹ ਦਰਵਾਜਾ ਮਾਸਾਹਾਰੀ ਵਿਦਿਆਰਥੀਆਂ ਦੇ ਅੰਦਰ ਆਉਣ ਜਾਂ ਬਾਹਰ ਜਾਣ ਲਈ ਹੈ। ਇਸ ਸਬੰਧੀ ਸਟੱਡੀ ਸਰਕਲ ਨੇ ਅਪਣੇ ਫੇਸਬੁਕ ਪੋਸਟ ਵਿਚ ਲਿਖਿਆ ਹੈ ਕਿ ਭਾਰਤ ਵਿਚ ਪੁਰਾਣੇ ਸਮੇਂ ਵਿਚ ਉੱਚ ਜਾਤੀ ਦੇ ਲੋਕਾਂ ਦੇ ਘਰਾਂ ਵਿਚ ਆਮ ਤੌਰ 'ਤੇ ਦੋ ਦਰਵਾਜੇ ਹੁੰਦੇ ਸਨ।

IIT Madras

ਸਾਹਮਣੇ ਦੇ ਦਰਵਾਜੇ ਤੋਂ ਉੱਚ ਜਾਤੀ ਦੇ ਲੋਕ ਆਉਂਦੇ ਅਤੇ ਜਾਂਦੇ ਸਨ ਜਦਕਿ ਪਿਛਲੇ ਦਰਵਾਜੇ ਤੋਂ ਹੇਠਲੀ ਜਾਤੀ ਦੇ ਲੋਕ ਆਇਆ-ਜਾਇਆ ਕਰਦੇ ਸਨ। ਪੋਸਟ ਮੁਤਾਬਕ ਆਈਆਈਟੀ ਮਦਰਾਸ ਵਿਖੇ ਵੀ ਉਹੀ ਵਿਵਸਥਾ ਲਾਗੂ ਕੀਤੀ ਜਾ ਰਹੀ ਹੈ।