ਸਮਾਜਵਾਦੀ ਪਾਰਟੀ ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਗਠਜੋੜ ਤੋਂ ਬਾਅਦ ਵੱਖ ਰਹੀ ਕਾਂਗਰਸ ਨੇ ਇਕੱਲੇ ਦਮ....
ਲਖਨਊ : ਸਮਾਜਵਾਦੀ ਪਾਰਟੀ ਅਤੇ ਬਹੁਜਨ ਸਮਾਜ ਪਾਰਟੀ ਦੇ ਗਠਜੋੜ ਤੋਂ ਬਾਅਦ ਵੱਖ ਰਹੀ ਕਾਂਗਰਸ ਨੇ ਇਕੱਲੇ ਦਮ ਉਤੇ ਚੋਣਾਂ ਲੜਨ ਦਾ ਐਲਾਨ ਕੀਤਾ ਹੈ ਅਤੇ ਇਸ ਦੀ ਵੱਡੇ ਪੈਮਾਨੇ ਉਤੇ ਤਿਆਰੀ ਵੀ ਸ਼ੁਰੂ ਕਰ ਦਿਤੀ ਹੈ। ਇਸ ਦੇ ਲਈ ਕਾਂਗਰਸ ਆਗੂਆਂ ਨੇ ਬੈਠਕਾਂ ਦਾ ਦੌਰ ਸ਼ੁਰੂ ਕਰ ਦਿਤਾ ਹੈ। ਰਾਹੁਲ ਗਾਂਧੀ ਉੱਤਰ ਪ੍ਰਦੇਸ਼ ਪ੍ਰਦੇਸ਼ ਵਿਚ ਇਕੱਠੀਆਂ 13 ਰੈਲੀਆਂ ਕਰਨ ਜਾ ਰਹੇ ਹਨ। ਇਸ ਬਾਰੇ ਵਿਚ ਕਾਂਗਰਸ ਦੇ ਪ੍ਰਦੇਸ਼ ਪ੍ਰਭਾਰੀ ਗੁਲਾਮ ਨਬੀ ਅਜਾਦ ਨੇ ਜਾਣਕਾਰੀ ਵੀ ਦਿਤੀ ਹੈ।
Rahul Gandhi
ਇਸ ਤੋਂ ਬਾਅਦ ਰਾਹੁਲ ਗਾਂਧੀ ਦੀਆਂ ਰੈਲੀਆਂ ਦਾ ਖਾਕਾ ਤਿਆਰ ਕੀਤਾ ਜਾ ਰਿਹਾ ਹੈ। ਫਰਵਰੀ ਦੇ ਪਹਿਲੇ ਹਫ਼ਤੇ ਵਿਚ ਰਾਹੁਲ ਦੀ ਰੈਲੀ ਦੀ ਸ਼ੁਰੂਆਤ ਰਾਜਧਾਨੀ ਲਖਨਊ ਤੋਂ ਹੋਵੇਗੀ। ਕਾਂਗਰਸ ਨੇ ਰੈਲੀ ਵਿਚ ਲੋਕਾਂ ਨੂੰ ਜੋੜਨ ਲਈ ਹੋਰ ਰਾਜਾਂ ਦੇ ਵੱਡੇ ਚੇਹਰਿਆਂ ਨੂੰ ਵੀ ਜ਼ਿੰਮੇਦਾਰੀ ਸੌਂਪਣ ਦਾ ਫੈਸਲਾ ਕੀਤਾ ਹੈ। ਰਾਹੁਲ ਦੀ ਰੈਲੀ ਗੋਰਖਪੁਰ ਮੰਡਲ ਦੇ ਕੁਸ਼ੀਨਗਰ ਵਿਚ ਫਰਵਰੀ ਦੇ ਦੂਜੇ ਹਫ਼ਤੇ ਵਿਚ ਹੋਵੇਗੀ। ਰੈਲੀ ਨਾਲ ਕੁੱਝ ਖੇਤਰਾਂ ਵਿਚ ਰਾਹੁਲ ਗਾਂਧੀ ਦਾ ਰੋਡ ਸ਼ੋਅ ਵੀ ਹੋਵੇਗਾ।
Congress
ਇਸ ਤੋਂ ਇਲਾਵਾ ਮੁਰਾਦਾਬਾਦ, ਆਗਰਾ ਅਤੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਣਸੀ ਸਮੇਤ ਕਈ ਹੋਰ ਮੰਡਲਾਂ ਵਿਚ ਵੀ ਰਾਹੁਲ ਦੀ ਰੈਲੀ ਹੋਵੇਗੀ। ਮੁਰਾਦਾਬਾਦ ਕਾਂਗਰਸ ਦੇ ਜਿਲ੍ਹੇ ਪ੍ਰਧਾਨ ਡਾ.ਏਪੀ ਸਿੰਘ ਨੇ ਦੱਸਿਆ ਕਿ ਰਾਹੁਲ ਗਾਂਧੀ ਪ੍ਰਦੇਸ਼ ਵਿਚ ਇਕ ਦਰਜ਼ਨ ਰੈਲੀਆਂ ਕਰਨਗੇ। ਇਨ੍ਹਾਂ ਵਿਚੋਂ ਇਕ ਰੈਲੀ ਛੇ ਜਾਂ ਸੱਤ ਫਰਵਰੀ ਨੂੰ ਮੁਰਾਦਾਬਾਦ ਵਿਚ ਰੱਖੀ ਗਈ ਹੈ। ਜਿਸ ਵਿਚ ਕਰੀਬ ਪੰਜ ਲੱਖ ਲੋਕਾਂ ਦੇ ਪਹੁੰਚਣ ਦੀ ਉਂਮੀਦ ਲਗਾਈ ਗਈ ਹੈ।
