ਇਸ ਦੌਰਾਨ ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਯੈਸ ਬੈਂਕ ਮਾਮਲੇ ਵਿੱਚ...
ਨਵੀਂ ਦਿੱਲੀ: ਯੈਸ ਬੈਂਕ ਦੇ ਗਾਹਕਾਂ ਲਈ ਇਕ ਵੱਡੀ ਖੁਸ਼ਖਬਰੀ ਆਈ ਹੈ। ਯੈਸ ਬੈਂਕ ਜਲਦੀ ਹੀ ਆਪਣਾ ਕੰਮ ਸ਼ੁਰੂ ਕਰਨ ਜਾ ਰਿਹਾ ਹੈ। ਇਸ ਦਾ ਮਤਲਬ ਹੈ ਕਿ ਹੁਣ ਯੈਸ ਬੈਂਕ ਦੇ ਸਾਰੇ ਗਾਹਕ ਦੁਬਾਰਾ ਬੈਂਕਿੰਗ ਦੀ ਸਹੂਲਤ ਲੈਣ ਦੇ ਯੋਗ ਹੋਣਗੇ। ਉਮੀਦ ਕੀਤੀ ਜਾ ਰਹੀ ਹੈ ਕਿ 50 ਹਜ਼ਾਰ ਰੁਪਏ ਕਢਵਾਉਣ ਦੀ ਸੀਮਾ ਵੀ ਖਤਮ ਹੋ ਜਾਵੇਗੀ।
Yes Bank
ਯੈੱਸ ਬੈਂਕ ਨੇ ਆਪਣੇ ਅਧਿਕਾਰਤ ਟਵੀਟਰ ਤੋਂ ਇਕ ਬਿਆਨ ਜਾਰੀ ਕਰਦਿਆਂ ਕਿਹਾ ਹੈ ਕਿ ਬੈਕਿੰਗ ਦਾ ਕੰਮ ਬੁੱਧਵਾਰ ਤੋਂ ਦੁਬਾਰਾ ਸ਼ੁਰੂ ਹੋਵੇਗਾ। ਬੈਂਕ ਨੇ ਕਿਹਾ ਹੈ ਕਿ 18 ਮਾਰਚ ਨੂੰ ਸ਼ਾਮ 6 ਵਜੇ ਤੋਂ, ਬੈਂਕ ਆਮ ਤੌਰ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦੇਵੇਗਾ। ਗਾਹਕਾਂ ਲਈ ਬੈਂਕਿੰਗ ਸੇਵਾਵਾਂ ਦੇ ਨਾਲ, ਇਹ ਇੰਟਰਨੈਟ ਅਤੇ ਡਿਜੀਟਲ ਸੇਵਾਵਾਂ ਨੂੰ ਵੀ ਬਹਾਲ ਕਰੇਗੀ।
Yes Bank
ਇਸ ਦੌਰਾਨ ਇਨਫੋਰਸਮੈਂਟ ਡਾਇਰੈਕਟੋਰੇਟ ਨੇ ਯੈਸ ਬੈਂਕ ਮਾਮਲੇ ਵਿੱਚ ਰਿਲਾਇੰਸ ਗਰੁੱਪ ਦੇ ਚੇਅਰਮੈਨ ਅਨਿਲ ਅੰਬਾਨੀ ਨੂੰ ਨੋਟਿਸ ਭੇਜਿਆ ਹੈ। ਸੂਤਰ ਦੱਸਦੇ ਹਨ ਕਿ ਇਹ ਨੋਟਿਸ ਅੰਬਾਨੀ ਨੂੰ ਯੈਸ ਬੈਂਕ ਵਿਖੇ ਮਨੀ ਲਾਂਡਰਿੰਗ ਦੇ ਮਾਮਲੇ ਵਿੱਚ ਭੇਜਿਆ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਯੈਸ ਬੈਂਕ ਨੇ ਅਨਿਲ ਅੰਬਾਨੀ ਸਮੂਹ ਨੂੰ ਲੋਨ ਵਜੋਂ ਵੱਡੀ ਰਕਮ ਦਿੱਤੀ ਸੀ। ਰਿਲਾਇੰਸ ਗਰੁੱਪ ਇਸ ਨੂੰ ਵਾਪਸ ਨਹੀਂ ਕਰ ਸਕਿਆ।
Yes bank
ਧਿਆਨ ਯੋਗ ਹੈ ਕਿ 5 ਮਾਰਚ ਨੂੰ ਰਿਜ਼ਰਵ ਬੈਂਕ ਆਫ਼ ਇੰਡੀਆ ਨੇ ਯੈਸ ਬੈਂਕ ਦੇ ਡਾਇਰੈਕਟਰਜ਼ ਬੋਰਡ ਨੂੰ ਭੰਗ ਕਰ ਦਿੱਤਾ ਸੀ। ਬੈਂਕ ਲਈ ਪ੍ਰਬੰਧਕ ਵੀ ਨਿਯੁਕਤ ਕੀਤਾ ਹੈ। ਬੈਂਕ 'ਤੇ ਪਾਬੰਦੀਆਂ ਨੇ ਵੀ ਗਾਹਕਾਂ ਦੇ ਹੱਥ ਬੰਨ੍ਹੇ ਹਨ। ਕੇਂਦਰੀ ਬੈਂਕ ਨੇ ਅਗਲੇ ਹੁਕਮਾਂ ਤੱਕ ਬੈਂਕ ਦੇ ਗਾਹਕਾਂ ਲਈ 50,000 ਰੁਪਏ ਕਢਵਾਉਣ ਦੀ ਸੀਮਾ ਨਿਰਧਾਰਤ ਕੀਤੀ ਹੈ।
Yes Bank
ਪਿਛਲੇ ਦਿਨੀਂ ਖਬਰਾਂ ਚਲ ਰਹੀਆਂ ਸਨ ਕਿ ਖਾਤਾਧਾਰਕਾਂ ਲਈ ਬੈਂਕ ‘ਚੋਂ ਪੈਸੇ ਕਢਵਾਉਣ ਦੀ ਲਿਮਟ ਘਟਾ ਕੇ 50 ਹਜ਼ਾਰ ਕਰ ਦਿੱਤੀ ਗਈ ਹੈ। ਭਾਵ ਇਸ ਬੈਂਕ ਦੇ ਖਾਤਾਧਾਰਕ ਹੁਣ ਆਪਣੇ ਖਾਤੇ ਵਿਚੋਂ ਇਕ ਮਹੀਨੇ ਵਿਚ ਕੇਵਲ 50 ਹਜ਼ਾਰ ਰੁਪਏ ਦੀ ਨਕਦੀ ਹੀ ਕਢਵਾ ਸਕਦੇ ਹਨ।
Yes Bank
ਰਿਜ਼ਰਵ ਬੈਂਕ ਦੀਆਂ ਇਨ੍ਹਾਂ ਪਾਬੰਦੀਆਂ ਦੀ ਖਬਰ ਜਦੋਂ ਦੇਸ਼ ਵਿਚ ਫੈਲੀ ਤਾਂ ਏਟੀਐਮ ਦੇ ਬਾਹਰ ਲੋਕਾਂ ਦੀਆ ਪੈਸ ਕਢਵਾਉਣ ਵਾਸਤੇ ਲਾਈਨਾਂ ਲੱਗ ਗਈਆਂ ਮੀਡੀਆ ਰਿਪੋਰਟਾਂ ਅਨੁਸਾਰ ਕਈ ਏਟੀਐਮ ਮਸ਼ੀਨਾਂ ਬੰਦ ਮਿਲੀਆਂ ਅਤੇ ਕਈਆਂ ਮਸ਼ੀਨਾਂ ਵਿਚ ਪੈਸੇ ਹੀ ਨਹੀਂ ਸਨ ਜਿਸ ਕਰ ਕੇ ਲੋਕਾਂ ਨੂੰ ਕਾਫ਼ੀ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਹੈ।
ਯੈਸ ਬੈਂਕ ਦੇ ਖਾਤਾਧਾਰਕਾਂ ਵਿਚ ਇਹ ਡਰ ਵੀ ਪਾਇਆ ਜਾ ਰਿਹਾ ਹੈ ਕਿ ਕਿਤੇ ਉਨ੍ਹਾਂ ਦੇ ਪੂਰੇ ਪੈਸੇ ਇਸ ਬੈਂਕ ਵਿਚ ਡੁੱਬ ਹੀ ਨਾ ਜਾਣ ਕਿਉਂਕਿ ਜੇ ਇਕ ਖਾਤਾਧਾਰਕ ਦੇ ਬੈਂਕ ਵਿਚ ਦੋ ਜਾਂ ਉਸ ਤੋਂ ਵੱਧ ਖਾਤੇ ਹਨ ਤਾਂ ਵੀ ਉਹ 50 ਹਜ਼ਾਰ ਰੁਪਏ ਤੱਕ ਹੀ ਕਢਵਾ ਸਕਦਾ ਹੈ। ਯੈਸ ਬੈਂਕ ਦੀਆਂ ਸ਼ਾਖਾਵਾਂ ਦੇਸ਼ ਭਰ ਵਿਚ ਫੈਲੀਆਂ ਹੋਈਆਂ ਹਨ। ਖਾਤਾਧਾਰਕਾਂ ਨੂੰ ਆਪਣੇ ਪੈਸੇ ਬੈਂਕ ਵਿਚ ਕਢਵਾਉਣ ਤੋਂ ਇਲਾਵਾ ਆਨਲਾਇਨ ਟਰਾਂਸਫਰ ਕਰਨ ਵਿਚ ਵੀ ਪਰੇਸ਼ਾਨੀ ਹੋ ਰਹੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
