Advertisement

ਇੱਕ ਹੋਰ ਮੁਸ਼ਕਿਲ ਵਿਚ ਘਿਰੇ ਕੇਜਰੀਵਾਲ

ROZANA SPOKESMAN
Published May 16, 2018, 6:30 pm IST
Updated May 16, 2018, 6:30 pm IST
ਮੁੱਖ ਸਕੱਤਰ ਅੰਸ਼ੂ ਪ੍ਰਕਾਸ਼ ਦੀ ਪਿਟਾਈ ਦੇ ਮਾਮਲੇ ਵਿਚ ਦਿਲੀ ਪੁਲੀਸ 18 ਮਈ (ਸ਼ੁੱਕਰਵਾਰ) ਨੂੰ ਅਰਵਿੰਦ ਕੇਜਰੀਵਾਲ ਤੋਂ ਪੁੱਛਗਿੱਛ ਕਰੇਗੀ
arvind kejriwal
 arvind kejriwal

ਨਵੀਂ ਦਿੱਲੀ : ਸੀਸੀਟੀਵੀ ਘੋਟਾਲੇ ਨੂੰ ਲੈ ਕੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਇਕ ਹੋਰ ਮੁਸ਼ਕਿਲ ਵਿਚ ਘਿਰਦੇ ਦਿਸ ਰਹੇ ਹਨ| ਮੁੱਖ ਸਕੱਤਰ ਅੰਸ਼ੂ ਪ੍ਰਕਾਸ਼ ਦੀ ਪਿਟਾਈ ਦੇ ਮਾਮਲੇ ਵਿਚ ਦਿਲੀ ਪੁਲੀਸ 18 ਮਈ (ਸ਼ੁੱਕਰਵਾਰ) ਨੂੰ ਅਰਵਿੰਦ ਕੇਜਰੀਵਾਲ ਤੋਂ ਪੁੱਛਗਿੱਛ ਕਰੇਗੀ| ਆਰੋਪ ਹੈ ਕਿ ਅੰਸ਼ੂ ਪ੍ਰਕਾਸ਼ ਦੇ ਪਿਟਾਈ ਦਾ ਮਾਮਲਾ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਸਰਕਾਰੀ ਨਿਵਾਸ ਵਿਚ ਹੋਇਆ ਸੀ| ਅਜਿਹੀ ਹਾਲਤ ਵਿਚ ਉਨ੍ਹਾਂ ਤੋਂ ਪੁੱਛਗਿੱਛ ਕਰਨ ਤਹਿ ਸੀ| ਦੂਜੇ ਪਾਸੇ ਮਾਹਰਾਂ ਦਾ ਕਹਿਣਾ ਹੈ ਕਿ ਪੁਲੀਸ ਇਸ ਮਾਮਲੇ ਵਿਚ ਵੱਡੇ ਦੋਸ਼ਾਂ ਦੇ ਨਾਲ ਕਈ ਸਹਿ-ਸਹਾਇਕ ਕਰ ਸਕਦੀ ਹੈ|

kejriwalkejriwal


ਦੱਸ ਦੇਈਏ ਕਿ ਅਰਵਿੰਦਰ ਕੇਜਰੀਵਾਲ ਦੇ ਸਲਾਹਕਾਰ ਵੀਕੇ ਜੈਨ ਦੀ ਕੋਰਟ ਵਿਚ ਗਵਾਹੀ ਤੋਂ ਬਾਅਦ ਹੀ ਇਹ ਹੋਇਆ ਹੈ ਕਿ ਇਹ ਫੈਸਲਾ ਰਾਜ ਦੇ ਮੁੱਖ ਮੰਤਰੀ ਕੋਲ ਪਹੁੰਚਿਆ ਹੈ| ਹੁਣ ਪੁਲੀਸ ਕੇਜਰੀਵਾਲ ਦੇ ਸਲਾਹਕਾਰ ਵੀਕੇ ਜੈਨ ਦੇ ਬਿਆਨ ਦੇ ਆਧਾਰ ਤੇ ਉਨ੍ਹਾਂ ਤੋਂ ਸਵਾਲ-ਜਵਾਬ ਕਰੇਗੀ| ਪੁਲੀਸ ਸੂਤਰਾਂ ਦੇ ਮੁਤਾਬਿਕ ਜੇ ਇਹ ਘਟਨਾ ਦੀ ਯੋਜਨਾ ਪਹਿਲਾਂ ਨਹੀਂ ਬਣਾਈ ਗਈ ਸੀ ਤਾਂ ਰਾਤ ਨੂੰ ਮੁੱਖ ਮੰਤਰੀ ਦੇ ਘਰ ਵਿਚ ਮੁੱਖ ਸਕੱਤਰ ਨੂੰੰ ਬੁਲਾਉਣ ਦਾ ਕੀ ਭਾਵ ਹੈ| ਕੇਜਰੀਵਾਲ ਤੋਂ ਪੁੱਛਗਿੱਛ ਦਾ ਇਹ ਆਧਾਰ  ਵੱਡਾ ਅਤੇ ਮਹੱਤਵਪੂਰਣ ਹੈ|

kejriwalkejriwal


ਪੁਲੀਸ ਨੇ ਅਰਵਿੰਦ ਕੇਜਰੀਵਾਲ ਦੇ ਸਲਾਹਕਾਰ ਨੂੰ ਬਣਾਇਆ ਗਵਾਹ| ਦਿਲੀ ਪੁਲੀਸ ਨੇ ਮੁੱਖ ਮੰਤਰੀ ਦੇ ਸਲਾਹਕਾਰ ਵੀਕੇ ਜੈਨ ਨੂੰ ਸਰਕਾਰੀ ਗਵਾਹ ਬਣਾਇਆ| ਦਰਅਸਲ, ਮੁੱਖ ਸਕੱਤਰ ਅੰਸ਼ੂ ਪ੍ਰਕਾਸ਼ ਉਨ੍ਹਾਂ ਦੇ ਫੋਨ ਕਰਨ ਤੇ ਮੁੱਖ ਮੰਤਰੀ ਦੇ ਘਰ ਪਹੁੰਚੇ ਸਨ| ਘਟਨਾ ਦੇ ਸਮੇਂ ਉਹ ਵੀ ਮੌਜੂਦ ਸਨ|

kejriwalkejriwal


ਆਰੋਪ ਹੈ ਕਿ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਦੇ ਸਰਕਾਰੀ ਨਿਵਾਸ ਵਿਚ ਲੱਗੇ ਸਾਰੇ 14 ਸੀਸੀਟੀਵੀ ਕੈਮਰਿਆਂ ਨੂੰ ਸਮੇਂ ਤੋਂ 40 ਮਿੰਟ 42 ਸੇਕੈਂਡ ਪਿੱਛੇ ਕਰ ਦਿਤਾ ਗਿਆ ਸੀ| ਵਧੀਕ ਡੀਸੀਪੀ ਉੱਤਰੀ ਜਿਲ੍ਹਾ ਹਰਿੰਦਰ ਕੁਮਾਰ ਦਾ ਕਹਿਣਾ ਹੈ ਕਿ ਉਸ ਨੂੰ ਸ਼ੱਕ ਹੈ ਕਿ ਕੈਮਰੇ ਦੇ ਡੀਵੀਆਰ ਨਾਲ ਛੇੜਛਾੜ ਕੀਤੀ ਗਈ ਹੈ|
ਜਾਂਚ ਵਿਚ ਇਸਦੀ ਪੁਸ਼ਟੀ ਕਰਨ ਤੇ ਕੇਸ ਵਿਚ ਸਬੂਤ ਮਿਟਾਉਣ ਦੀ ਧਾਰਾ 201 ਵੀ ਜੋੜ ਦਿਤੀ ਜਾਵੇਗੀ| ਕੇਜਰੀਵਾਲ ਦੇ ਨਿਵਾਸ ਵਿਚ 21 ਸੀਸੀਟੀਵ ਕੈਮਰੇ ਲੱਗੇ ਹਨ| ਜਿਸ ਵਿਚ ਮਹੱਤਵਪੂਰਣ ਸਥਾਨਾਂ ਤੇ ਲੱਗੇ 7 ਕੈਮਰੇ ਬੰਦ ਪਾਏ ਗਏ| ਉਸੀ ਸਮੇਂ ਮੁੱਖ ਮੰਤਰੀ ਦੇ ਘਰ ਦੇ ਗੇਟ ਤੇ ਲੱਗੇ ਮੂਵਿੰਗ ਕੈਮਰੇ ਦੇ ਖਰਾਬ ਪਾਏ ਜਾਣ ਦੇ ਮਾਮਲੇ ਨੇ ਪੁਲੀਸ ਨੂੰ ਹੋਰ ਹੈਰਾਨ ਕਰ ਦਿੱਤਾ ਹੈ| ਪੁਲੀਸ ਨੂੰ ਸ਼ੱਕ ਹੈ ਕਿ ਪਹਿਲਾਂ ਮੁੱਖ ਮੰਤਰੀ ਦੇ ਘਰ ਵਿਚ ਯੋਜਨਾ ਬਣਾਈ ਗਈ ਅਤੇ ਫਿਰ ਕੈਮਰੇ ਦੇ ਨਾਲ ਛੇੜਛਾੜ ਕਰਨ ਦੇ ਬਾਅਦ ਮੁੱਖ ਸਕੱਤਰ ਨੂੰ ਅੱਧੀ ਰਾਤ ਨੂੰ ਬੁਲਾਇਆ ਗਿਆ ਤੇ ਉਨ੍ਹਾਂ ਤੇ ਹਮਲਾ ਕੀਤਾ ਗਿਆ|

kejriwalkejriwal

ਇਹ ਧਿਆਨ ਦੇਣਯੋਗ ਹੈ ਕਿ ਦਿੱਲੀ ਦੇ ਮੁੱਖ ਸਕੱਤਰ ਅੰਸ਼ੂ ਪ੍ਰਕਾਸ਼ ਨੇ ਆਰੋਪ ਲਗਾਇਆ ਸੀ ਕਿ 19 ਫਰਵਰੀ ਦੀ ਰਾਤ ਨੂੰ 11 ਵਜੇ ਦੇ ਆਸਪਾਸ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਘਰ ਵਿਚ ਇਕ ਬੈਠਕ ਦੇ ਦੌਰਾਨ ਆਪ ਵਿਧਾਇਕ ਅਮਾਨਤੁਲਾ ਖਾਨ ਅਤੇ ਹੋਰ ਵਰਕਰਾਂ ਨੇ ਹਮਲਾ ਕੀਤਾ ਅਤੇ ਮਾਰਕੁੱਟ ਕੀਤੀ ਸੀ| ਐਫਆਈਆਰ ਦੇ ਮੁਤਾਬਿਕ ਮੁੱਖ ਮੰਤਰੀ ਦੇ ਸਲਾਹਕਾਰ ਵੀਕੇ ਜੈਨ ਨੇ ਮੁੱਖ ਸਕੱਤਰ ਨੂੰ ਰਾਤ ਪੌਣੇ ਨੌ ਵਜੇ ਫੌਨ ਤੇ ਕਿਹਾ ਸੀ ਕਿ ਸਰਕਾਰ ਨੇ ਤਿੰਨ ਸਾਲ ਪੂਰੇ ਹੋਣ ਤੇ ਕੁੱਝ ਟੀਵੀ ਵਿਗਿਆਪਨਾਂ ਦੇ ਪ੍ਰਸਾਰਣ ਵਿਚ ਹੋ ਰਹੀ ਦੇਰੀ ਤੇ ਗੱਲਬਾਤ ਹੋਵੇਗੀ| ਇਸਦੇ ਲਈ ਰਾਤ 12 ਵਜੇ ਮੁੱਖ ਮੰਤਰੀ ਦੇ ਨਿਵਾਸ ਪਹੁੰਚਣਾ ਹੈ| 

Location: India, Delhi
Advertisement

ਖ਼ਾਸ ਖ਼ਬਰਾਂ

Latest Gallery