ਪਹਾੜਾਂ 'ਤੇ ਹਰ ਗਤੀਵਿਧੀ ਜਿਵੇਂ ਪਰਬਤਾਰੋਹ ਅਤੇ ਹਾਈਕਿੰਗ 'ਤੇ ਪਾਬੰਦੀ ਲਗਾਈ ਗਈ ਹੈ
ਇੰਡੋਨੇਸ਼ੀਆ - ਇੰਡੋਨੇਸ਼ੀਆ ਦੇ ਬਾਲੀ ਟਾਪੂ ਦੇ ਪਹਾੜਾਂ 'ਤੇ ਕਦੇ ਵੀ ਸੈਲਾਨੀ ਨਹੀਂ ਚੜ੍ਹ ਸਕਣਗੇ। ਬਾਲੀ ਨੇ ਇਹਨਾਂ 'ਤੇ ਚੜ੍ਹਨ 'ਤੇ ਸਥਾਈ ਪਾਬੰਦੀ ਲਗਾ ਦਿੱਤੀ ਹੈ। ਇਹ ਪਾਬੰਦੀ ਘਰੇਲੂ ਸੈਲਾਨੀਆਂ ਅਤੇ ਸਥਾਨਕ ਲੋਕਾਂ 'ਤੇ ਵੀ ਲਾਗੂ ਹੋਵੇਗੀ। ਪਹਾੜਾਂ 'ਤੇ ਹਰ ਗਤੀਵਿਧੀ ਜਿਵੇਂ ਪਰਬਤਾਰੋਹ ਅਤੇ ਹਾਈਕਿੰਗ 'ਤੇ ਪਾਬੰਦੀ ਲਗਾਈ ਗਈ ਹੈ। ਇੱਥੇ ਲੰਬੇ ਸਮੇਂ ਤੋਂ ਰੁਕੇ ਵੱਡੀ ਗਿਣਤੀ ਸੈਲਾਨੀਆਂ ਦੀਆਂ ਹਰਕਤਾਂ ਕਾਰਨ ਇਹ ਫੈਸਲਾ ਤੁਰੰਤ ਪ੍ਰਭਾਵ ਨਾਲ ਲਿਆ ਗਿਆ ਹੈ।
ਬਾਲੀ ਦੇ ਗਵਰਨਰ ਵੇਨ ਕੋਸਟਰ ਨੇ ਕਿਹਾ - ਸਾਡੇ ਪਹਾੜ ਪਵਿੱਤਰ ਅਤੇ ਪੂਜਣ ਯੋਗ ਹਨ। ਜੇਕਰ ਉਨ੍ਹਾਂ ਦੀ ਪਵਿੱਤਰਤਾ ਨਸ਼ਟ ਹੋ ਜਾਵੇ ਤਾਂ ਬਾਲੀ ਦੀ ਪਵਿੱਤਰਤਾ ਖ਼ਤਮ ਹੋ ਜਾਵੇਗੀ। ਹਾਲਾਂਕਿ ਅਜੇ ਤੱਕ ਇਹ ਤੈਅ ਨਹੀਂ ਕੀਤਾ ਗਿਆ ਹੈ ਕਿ ਇਸ ਪਾਬੰਦੀ ਦੀ ਉਲੰਘਣਾ ਕਰਨ 'ਤੇ ਕੀ ਸਜ਼ਾ ਹੋਵੇਗੀ ਪਰ ਜੇਕਰ ਵਿਦੇਸ਼ੀ ਸੈਲਾਨੀ ਅਜਿਹਾ ਕਰਦੇ ਹਨ ਤਾਂ ਉਨ੍ਹਾਂ ਨੂੰ ਡਿਪੋਰਟ ਕਰ ਦਿੱਤਾ ਜਾਵੇਗਾ ਅਤੇ ਅਗਲੇ 6 ਮਹੀਨਿਆਂ ਤੱਕ ਦੇਸ਼ 'ਚ ਆਉਣ 'ਤੇ ਰੋਕ ਲਗਾ ਦਿੱਤੀ ਜਾਵੇਗੀ। ਹਾਲ ਹੀ ਵਿਚ ਸੈਲਾਨੀਆਂ ਦੀਆਂ ਅਸ਼ਲੀਲ ਹਰਕਤਾਂ ਸਾਹਮਣੇ ਆਈਆਂ ਸਨ ਜਿਸ ਤੋਂ ਬਾਅਦ ਇਹ ਫ਼ੈਸਲਾ ਲਿਆ ਗਿਆ ਹੈ।
