ਪਤਨੀ ਵਾਰਿਸ ਨਹੀਂ ਲਿਖਾਈ ਤਾਂ ਵੀ ਮਿਲੇਗੀ ਬੀਮੇ ਦੀ ਰਕਮ, ਅਦਾਲਤ ਦਾ ਫ਼ੈਸਲਾ
Published : Aug 16, 2018, 1:40 pm IST
Updated : Aug 16, 2018, 1:40 pm IST
SHARE ARTICLE
Insurance
Insurance

ਬੀਮਾ ਰਕਮ ਭੁਗਤਾਨ ਨੂੰ ਲੈ ਕੇ ਅਦਾਲਤ ਨੇ ਇਕ ਮਹੱਤਵਪੂਰਨ ਫ਼ੈਸਲਾ ਸੁਣਾਇਆ ਹੈ..............

ਨਵੀਂ ਦਿੱਲੀ : ਬੀਮਾ ਰਕਮ ਭੁਗਤਾਨ ਨੂੰ ਲੈ ਕੇ ਅਦਾਲਤ ਨੇ ਇਕ ਮਹੱਤਵਪੂਰਨ ਫ਼ੈਸਲਾ ਸੁਣਾਇਆ ਹੈ। ਅਦਾਲਤ ਨੇ ਕਿਹਾ ਹੈ ਕਿ ਵਿਆਹੇ ਵਿਅਕਤੀ ਦੀ ਮੌਤ 'ਤੇ ਵਾਰਿਸ ਨਾ ਹੋਣ 'ਤੇ ਵੀ ਪਤਨੀ ਅਤੇ ਬੱਚੇ ਬੀਮਾ ਰਕਮ ਪਾਉਣ ਦੇ ਪਹਿਲੇ ਅਧਿਕਾਰੀ ਹੁੰਦੇ ਹਨ। ਅਦਾਲਤ ਨੇ ਕਿਹਾ ਕਿ ਬੀਮਾ ਰਕਮ ਦਾ ਭੁਗਤਾਨ ਕਰਦੇ ਸਮੇਂ ਬੀਮਾ ਕੰਪਨੀਆਂ ਨੂੰ ਮ੍ਰਿਤਕ ਦੇ ਕਾਨੂੰਨੀ ਉਤਰਾਧਿਕਾਰੀ ਦੀ ਵੀ ਜਾਂਚ ਕਰਨੀ ਚਾਹੀਦੀ ਹੈ। ਅਦਾਲਤ ਨੇ ਬੀਮਾ ਰਕਮ ਵਿਚੋਂ ਮ੍ਰਿਤਕ ਦੇ ਪਿਤਾ ਦੇ ਹਿੱਸੇ ਨੂੰ ਰੱਦ ਕਰ ਦਿਤਾ। ਕੁੱਲ ਬੀਮਾ ਰਕਮ ਦਾ ਅੱਧਾ-ਅੱਧਾ ਹਿੱਸਾ ਮ੍ਰਿਤਕ ਦੀ ਮਾਂ ਅਤੇ ਪਤਨੀ ਨੂੰ ਦੇਣ ਦਾ ਆਦੇਸ਼ ਦਿਤਾ ਹੈ।

Insurance 2Insurance

ਅਦਾਲਤ ਨੇ ਪਿਤਾ ਨੂੰ ਆਦੇਸ਼ ਦਿਤਾ ਕਿ ਉਹ ਕੁੱਲ ਰਕਮ ਦਾ 50 ਫ਼ੀਸਦੀ (ਪੰਜ ਲੱਖ 78 ਹਜ਼ਾਰ 800 ਰੁਪਏ) ਹਿੱਸਾ ਅਪਣੀ ਨੂੰਹ ਗਾਇਤਰੀ ਨੂੰ ਦੇਵੇ। 
ਇਸ ਦੇ ਨਾਲ ਹੀ ਗਾਇਤਰੀ ਵਲੋਂ ਅਰਜ਼ੀ ਦਾਖ਼ਲ ਕਰਨ ਤੋਂ ਲੈ ਕੇ ਰਕਮ ਦੇ ਭੁਗਤਾਨ ਦੇ ਵਿਚਕਾਰ ਦੇ ਸਮੇਂ ਦਾ ਪੰਜ ਫ਼ੀਸਦੀ ਸਧਾਰਨ ਵਿਆਜ ਵੀ ਅਦਾ ਕਰੇ। ਪਟਿਆਲਾ ਹਾਊਸ ਸਥਿਤ ਵਧੀਕ ਜ਼ਿਲ੍ਹਾ ਜੱਜ ਟਵਿੰਕਲ ਵਾਧਵਾ ਦੀ ਅਦਾਲਤ ਨੇ ਸੜਕ ਹਾਦਸੇ ਵਿਚ ਮਾਰੇ ਗਏ ਨੌਜਵਾਨ ਦੀ ਪਤਨੀ ਨੂੰ ਉਸ ਦੀ ਐਲਆਈਸੀ ਪਾਲਿਸੀ ਵਿਚ 50 ਫ਼ੀਸਦੀ ਬੀਮਾ ਰਕਮ ਹਾਸਲ ਕਰਨ ਦਾ ਹੱਕਦਾਰ ਮੰਨਿਆ ਹੈ। 

Insurance 1Insurance

ਦਰਅਸਲ ਮ੍ਰਿਤਕ ਦੀ ਬੀਮਾ ਪਾਲਿਸੀ ਵਿਚ ਉਸ ਦੇ ਮਾਤਾ-ਪਿਤਾ ਵਾਰਿਸ ਸਨ। ਐਲਆਈਸੀ ਨੇ ਇਸੇ ਆਧਾਰ 'ਤੇ ਪਤਨੀ ਨੂੰ ਬੀਮਾ ਰਕਮ ਦੇਣ ਤੋਂ ਇਨਕਾਰ ਕਰ ਦਿਤਾ ਅਤੇ ਮਾਤਾ-ਪਿਤਾ ਨੂੰ 11 ਲੱਖ 57 ਹਜ਼ਾਰ 600 ਰੁਪਏ ਦਾ ਭੁਗਤਾਨ ਕੀਤਾ ਸੀ। ਅਦਾਲਤ ਨੇ ਮਹੱਤਵਪੂਰਨ ਫ਼ੈਸਲੇ ਵਿਚ ਕਿਹਾ ਹੈ ਕਿ ਕਾਨੂੰਨੀ ਤੌਰ 'ਤੇ ਪਤੀ ਜਾਂ ਪਤਨੀ ਦੀ ਮੌਤ 'ਤੇ ਕਿਸੇ ਵੀ ਤਰ੍ਹਾਂ ਦੇ ਲਾਭ ਦੇ ਲਈ ਪਹਿਲਾ ਹੱਕ ਜੀਵਨ ਸਾਥੀ ਦਾ ਹੁੰਦਾ ਹੈ। ਅਦਾਲਤ ਨੇ ਇਹ ਵੀ ਕਿਹਾ ਕਿ ਬੀਮਾ ਕਰਵਾਉਣ ਵਾਲੇ ਵਿਅਕਤੀ ਵਲੋਂ ਬੀਮਾ ਪਾਲਿਸੀ ਵਿਚ ਵਾਰਿਸ ਬਣਾਉਣ ਦਾ ਇਹ ਬਿਲਕੁਲ ਮਤਲਬ ਨਹੀਂ ਹੁੰਦਾ ਕਿ ਉਸ ਨੇ ਸਾਰੀ ਵਸੀਅਤ ਨਾਮਿਨੀ ਦੇ ਨਾਮ ਕਰ ਦਿਤੀ ਹੈ।

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

ਪੈਕਟਾਂ ਵਾਲੇ ਖਾਣੇ ਨੂੰ ਕਿਉਂ ਤਰਜ਼ੀਹ?... ਬਿਮਾਰੀਆਂ ਨੂੰ ਖੁਦ ਸੱਦਾ ਦੇਣਾ ਕਿੰਨਾ ਸਹੀ?...

18 Jul 2025 9:08 PM

Punjab Latest Top News Today | ਦੇਖੋ ਕੀ ਕੁੱਝ ਹੈ ਖ਼ਾਸ | Spokesman TV | LIVE | Date 18/07/2025

18 Jul 2025 9:06 PM

ਭੀਖ ਮੰਗਣ ਵਾਲੇ ਨਿਆਣਿਆਂ ਤੇ ਉਨ੍ਹਾਂ ਦੇ ਮਾਪਿਆਂ ਦਾ ਰੈਸਕਿਊ, ਪੂਰੇ ਪੰਜਾਬ 'ਚ ਭਿਖਾਰੀਆਂ ਦੇ ਕੀਤੇ ਜਾਣਗੇ DNA ਟੈਸਟ

17 Jul 2025 7:49 PM

ਕਿਸਾਨ ਲੈਣਗੇ ਸਿਆਸਤਦਾਨਾਂ ਦੀ ਕਲਾਸ, ਸੱਦ ਲਈ ਸਭ ਤੋਂ ਵੱਡੀ ਬੈਠਕ, ਜ਼ਮੀਨ ਦੀ ਸਰਕਾਰੀ ਖ਼ਰੀਦ ਖ਼ਿਲਾਫ਼ ਲਾਮੰਬਦੀ

17 Jul 2025 7:47 PM

'Punjab 'ਚ ਚਿੱਟਾ ਲਿਆਉਣ ਵਾਲੇ ਹੀ ਅਕਾਲੀ ਨੇ' ਅਕਾਲ ਤਖ਼ਤ ਸਾਹਿਬ 'ਤੇ Sukhbir ਨੇ ਕਿਉਂ ਕਬੂਲੀ ਸੀ ਬੇਅਦਬੀ ਦੀ ਗੱਲ ?

17 Jul 2025 5:24 PM
Advertisement