ਪੁਲਿਸ ਦੀ ਵਰਦੀ ਪਾ ਕੇ ਕੁੱਟਮਾਰ ਦਾ ਕੀਤਾ ਨਾਟਕੀ ਰੂਪਾਂਤਰ
ਸੋਸ਼ਲ ਮੀਡੀਆ ਉਤੇ ਪੁਲਿਸ ਦੀ ਵਰਦੀ ਪਾ ਕੇ ਹੰਗਾਮਾ ਕਰਨ ਦੀ ਵਾਇਰਲ ਵੀਡੀਓ ਗ੍ਰੇਟ ਖਲੀ ਦੀ ਅਕੈਡਮੀ ਨੂੰ ਮੁਸ਼ਕਲਾਂ ਵਿਚ ਪਾ ਰਹੀ ਹੈ। ਇਹ ਵੀਡੀਓ ਵੱਡੇ ਪੱਧਰ ਉਤੇ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿਚ ਪੁਲਿਸ ਵਰਦੀ ਵਿਚ ਇਕ ਸ਼ਖਸ, ਨੌਜਵਾਨ ਨਾਲ ਕੁੱਟਮਾਰ ਕਰ ਰਿਹਾ ਹੈ ਜੋ ਕਿ ਇੱਕ ਨਾਟਕੀ ਰੂਪਾਂਤਰ ਹੈ। ਲੋਕਾਂ ਦੇ ਮਨੋਰੰਜਨ ਤੇ ਖਲੀ ਦੀ ਅਕੈਡਮੀ ਨੂੰ ਸੁਰਖੀਆਂ ਵਿਚ ਲਿਆਉਣ ਲਈ ਬਣਾਇਆ ਇਹ ਵੀਡੀਓ ਖਲੀ ਨੂੰ ਵੀ ਮੁਸ਼ਕਲਾਂ ਵਿਚ ਪਾ ਰਿਹਾ ਹੈ।
ਵੀਡੀਓ ਵਿਚ ਡੂਬੇ ਨਾਮ ਦਾ ਇਕ ਸ਼ਖਸ ਖਲੀ ਦੀ ਜਲੰਧਰ ਅਕੈਡਮੀ ਵਿਚ ਹੰਗਾਮਾ ਕਰ ਰਿਹਾ ਹੈ ਤੇ ਨੌਜਵਾਨ ਨਾਲ ਧੱਕਾਮੁੱਕੀ ਕਰ ਰਿਹਾ ਹੈ ਕਿਉਂਕਿ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਵੀ ਹਰਕਤ ਵਿਚ ਆ ਗਈ ਹੈ। ਇਸ ਵੀਡੀਉ ਵਿਚ ਪੁਲਿਸ ਅਧਿਕਾਰੀ ਨੌਜਵਾਨਾਂ ਨੂੰ ਬੇਰਿਹਮੀ ਨਾਲ ਕੁੱਟ ਰਿਹਾ ਹੈ ਤੇ ਉਹਨਾਂ ਨੂੰ ਤੰਗ ਵੀ ਕਰ ਰਿਹਾ ਹੈ। ਇਸ ਦੌਰਾਨ ਉਹ ਸਾਰੀ ਹੀ ਅਕੈਡਮੀ ਵਿਚ ਹੰਗਾਮਾ ਮਚਾ ਰਿਹਾ ਹੈ।
ਉਹ ਇਸ ਬਾਰੇ ਜਦੋਂ ਜਲੰਧਰ ਦਿਹਾਤ ਵਿਚ ਪੈਂਦੇ ਆਦਮਪੁਰ ਖੇਤਰ ਦੇ ਡੀਐਸਪੀ ਅੰਕੁਰ ਗੁਪਤਾ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਦੀ ਜਾਂਚ ਲਈ ਆਦੇਸ਼ ਦੇ ਦਿੱਤੇ ਗਏ ਹਨ ਕਿ ਕਿਸ ਮਕਸਦ ਨਾਲ ਇਹ ਵੀਡੀਓ ਬਣਾਇਆ ਗਿਆ ਹੈ। ਜੇ ਮਨੋਰੰਜਨ ਵਜੋਂ ਵੀ ਇਹ ਵੀਡੀਓ ਬਣਾਇਆ ਗਿਆ ਹੈ ਤਾਂ ਇਸ ਦੀ ਇਜਾਜ਼ਤ ਲੈਣੀ ਲਾਜ਼ਮੀ ਸੀ।
ਇਹ ਵੀ ਜਾਂਚ ਕੀਤੀ ਜਾਵੇਗੀ ਕਿ ਇਹ ਵੀਡੀਓ ਪੁਲਿਸ ਦੀ ਸਾਖ ਖਰਾਬ ਕਰਨ ਲਈ ਤਾਂ ਨਹੀਂ ਬਣਾਈ ਗਈ। ਜੇ ਅਜਿਹਾ ਹੋਇਆ ਤਾਂ ਸਖਤ ਕਾਰਵਾਈ ਕੀਤੀ ਜਾਵੇਗੀ। ਹੁਣ ਪੁਲਿਸ ਦੀ ਜਾਂਚ ਤੋਂ ਬਾਅਦ ਹੀ ਇਸ ਮਾਮਲੇ ਦੀ ਸਚਾਈ ਸਾਹਮਣੇ ਆ ਸਕੇਗੀ। ਜਿਸ ਨੇ ਵਿਸ਼ਵ ਪ੍ਰਸਿੱਧ ਰੈਸਲਰ ਦਲੀਪ ਸਿੰਘ ਉਰਫ ਗ੍ਰੇਟ ਖਲੀ ਨੂੰ ਵਿਵਾਦਾਂ ਵਿਚ ਲਿਆ ਖੜ੍ਹਾਇਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।