ਟਰੈਫਿਕ ਦੇ ਵੱਧਦੇ ਬੋਝ ਦੇ ਮੱਦੇਨਜਰ ਸੰਸਦ ਕਿਰਨ ਖੇਰ ਨੇ ਦਿੱਲੀ ਵਿੱਚ ਲੋਕਸਭਾ ਦੀ ਕਾਰਵਾਈ...
ਨਵੀਂ ਦਿੱਲੀ: ਟਰੈਫਿਕ ਦੇ ਵੱਧਦੇ ਬੋਝ ਦੇ ਮੱਦੇਨਜਰ ਸੰਸਦ ਕਿਰਨ ਖੇਰ ਨੇ ਦਿੱਲੀ ਵਿੱਚ ਲੋਕਸਭਾ ਦੀ ਕਾਰਵਾਈ ਦੌਰਾਨ ਚੰਡੀਗੜ ਦੇ ਨਜ਼ਦਿਕ ਰਿੰਗ ਰੋਡ ਬਣਾਏ ਜਾਣ ਦਾ ਮੁੱਦਾ ਚੁੱਕਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਸ਼ਹਿਰ ਵਿੱਚ ਵੱਡੀ ਤਾਦਾਦ ‘ਚ ਬਾਹਰੀ ਵਾਹਨ ਆਉਂਦੇ ਹਨ ਜੋ ਟਰੈਫਿਕ ਵਿੱਚ ਵੀ ਵਿਘਨ ਪਾਉਂਦੇ ਹਨ ਅਤੇ ਇਨ੍ਹਾਂ ਨਾਲ ਜਾਮ ਲੱਗਦਾ ਹੈ। ਲਿਹਾਜਾ ਰਿੰਗ ਰੋਡ ਦਾ ਪ੍ਰੋਜੈਕਟ ਸ਼ਹਿਰ ਦੀਆਂ ਸੜਕਾਂ ਨੂੰ ਸਾਹ ਦੁਆ ਸਕਦਾ ਹੈ। ਕਿਰਨ ਖੇਰ ਨੇ ਸੰਸਦ ‘ਚ ਸੜਕ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰਾਲੇ ਲਈ ਅਨੁਦਾਨ ਦੀ ਮੰਗ ‘ਤੇ ਵਿਚਾਰ ਕਰਦੇ ਹੋਏ ਕਿਹਾ ਕਿ ਚੰਡੀਗੜ ਦੇ ਨਿਵਾਸੀਆਂ ਦੀ ਲੰਬੇ ਸਮੇਂ ਤੋਂ ਮੰਗ ਹੈ ਕਿ ਇੱਕ ਰਿੰਗ ਰੋਡ ਦੀ ਉਸਾਰੀ ਕੀਤੀ ਜਾਵੇ।
Kiran Kher
ਹਰਿਆਣਾ ਅਤੇ ਪੰਜਾਬ ਆਉਣ ਅਤੇ ਜਾਣ ਵਾਲੀ ਟਰੈਫਿਕ ਨੂੰ ਇਸ ਰਿੰਗ ਰੋਡ ਤੋਂ ਡਾਇਵਰਟ ਕੀਤਾ ਜਾ ਸਕਦਾ ਹੈ। ਅਤੇ ਸ਼ਹਿਰ ਦੀਆਂ ਸੜਕਾਂ ‘ਤੇ ਟਰੈਫਿਕ ਦਬਾਅ ਕਾਫ਼ੀ ਹੱਦ ਤੱਕ ਘੱਟ ਕੀਤਾ ਜਾ ਸਕਦਾ ਹੈ। ਕਿਰਨ ਖੇਰ ਨੇ ਕਿਹਾ ਕਿ ਪਿਛਲੇ ਸਾਲ ਰੋਡ ਟ੍ਰਾਂਸਪੋਰਟ ਅਤੇ ਰਾਜ ਮਾਰਗ ਮੰਤਰਾਲਾ ਨੇ ਇਸ ਮੰਗ ਨੂੰ ਮੰਜ਼ੂਰ ਕੀਤਾ ਸੀ ਅਤੇ ਭਾਰਤ ਮਾਲਾ ਫੇਜ-1 ਦੇ ਅਧੀਨ ਇਸਦੀ ਉਸਾਰੀ ਕਰਨ ਲਈ ਮੰਤਰਾਲੇ ਨੇ ਮੰਜ਼ੂਰੀ ਦੇ ਦਿੱਤੀ ਸੀ ਲੇਕਿਨ ਇਹ ਪ੍ਰੋਜੈਕਟ ਹੁਣ ਅੱਗੇ ਨਹੀਂ ਵੱਧ ਰਿਹਾ ਹੈ। ਰਿੰਗ ਰੋਡ ਬਣਨ ਖਰੜ ਤੋਂ ਮੋਹਾਲੀ ਅਤੇ ਫਿਰ ਪੰਜਾਬ ਦੇ ਦੂਜੇ ਸ਼ਹਿਰਾਂ ਵੱਲ ਸੌਖ ਨਾਲ ਕੱਢਿਆ ਜਾ ਸਕੇਗਾ।
Kiran Kher
ਇਸਦੇ ਲਈ ਚੰਡੀਗੜ ਆਉਣ ਦੀ ਜ਼ਰੂਰਤ ਨਹੀਂ ਪਵੇਗੀ। ਹੁਣ ਦਿੱਲੀ ਤੋਂ ਪੰਜਾਬ ਵੱਲ ਜਾਣ ਵਾਲੀ ਟਰੈਫਿਕ ਚੰਡੀਗੜ੍ਹ ਹੋ ਕੇ ਗੁਜਰਦੀ ਹੈ। ਰਿੰਗ ਰੋਡ ਬਨਣ ਤੋਂ ਬਾਅਦ ਦਿੱਲੀ ਜਾਣ ਵਾਲੇ ਵਾਹਨਾਂ ਦਾ ਦਬਾਅ ਸਿਟੀ ਵਿੱਚ ਘੱਟ ਹੋ ਜਾਵੇਗਾ। ਰਿੰਗ ਰੋਡ ਬਨਣ ਤੋਂ ਬਾਅਦ ਜਲੰਧਰ ਤੋਂ ਆਉਣ ਵਾਲੀ ਟਰੈਫਿਕ ਮੁੱਲਾਂਪੁਰ-ਬੱਦੀ-ਨਾਲਾਗੜ ਹੋ ਕੇ ਹਿਮਾਚਲ ਨਿਕਲ ਜਾਵੇਗੀ।
