ਪੀਐਮਸੀ ਬੈਂਕ ਘੁਟਾਲੇ ਦੇ ਪੰਜ ਮੁਲਜ਼ਮ ਸਲਾਖਾਂ ਪਿੱਛੇ ਹਨ ਪਰ ਇਸ ਨਾਲ ਖਾਤਾਧਾਰਕਾਂ ਦਾ ਦਰਦ ਘੱਟ ਨਹੀ ਹੋਣ ਵਾਲਾ
ਮੁੰਬਈ: ਪੀਐਮਸੀ ਬੈਂਕ ਘੁਟਾਲੇ ਦੇ ਪੰਜ ਮੁਲਜ਼ਮ ਸਲਾਖਾਂ ਪਿੱਛੇ ਹਨ ਪਰ ਇਸ ਨਾਲ ਖਾਤਾਧਾਰਕਾਂ ਦਾ ਦਰਦ ਘੱਟ ਨਹੀ ਹੋਣ ਵਾਲਾ। ਬੈਂਕ ਖਾਤਾਧਾਰਕਾਂ ਨੂੰ ਆਪਣੀ ਜਮ੍ਹਾਂ ਕੀਤੀ ਕਮਾਈ ਚਾਹੀਦੀ ਹੈ ਪਰ ਉਨ੍ਹਾਂ ਨੂੰ ਪੈਸੇ ਮਿਲ ਨਹੀ ਰਹੇ ਜਿਸ ਕਰਕੇ ਹਰ ਕਿਸੇ ਦੀ ਆਪਣੀ ਦਰਦ ਭਰੀ ਕਹਾਣੀ ਹੈ, ਹਰ ਪਾਸੇ ਖਾਤਾਧਾਰਕ ਬੇਵੱਸ ਹਨ। ਘਾਟਕੋਪਰ ਇਲਾਕੇ ਦੇ ਰਹਿਣ ਵਾਲੇ 34 ਸਾਲ ਦੇ ਰਮੇਸ਼ ਗੁਪਤਾ ਨੂੰ ਪੈਸਿਆਂ ਦੀ ਸਖ਼ਤ ਜ਼ਰੂਰਤ ਹੈ ਕਿਉਂਕਿ ਗੁਪਤਾ ਦੇ ਪਿਤਾ ਨੂੰ ਹਾਰਟ ਅਟੈਕ ਆਇਆ ਹੈ ਅਤੇ ਡਾਕਟਰਾਂ ਨੇ ਸਰਜਰੀ ਕਰਨ ਨੂੰ ਕਿਹਾ ਹੈ ਪਰ ਰਮੇਸ਼ ਕੋਲ ਪੈਸੇ ਨਹੀਂ ਹਨ।
PMC Bank Scam
ਉਸ ਕੋਲ 74 ਹਜ਼ਾਰ ਰੁਪਏ ਬੈਂਕ ਖਾਤੇ ‘ਚ ਅਤੇ 80 ਹਜ਼ਾਰ ਦੀ ਐਫਡੀ ਤਾਂ ਹੈ ਪਰ ਇਸ ਸਮੇਂ ਸਿਰਫ਼ ਇੰਨੇ ਪੈਸਿਆਂ ਨਾਲ ਗੁਜ਼ਾਰਾ ਨਹੀਂ ਹੋ ਰਿਹਾ। ਇੱਕ ਹੋਰ ਖਾਤਾਧਾਰਕ ਅਨਿਲ ਤਿਵਾਰੀ ਦਾ ਵੀ ਕੁਝ ਅਜਿਹਾ ਹੀ ਹਾਲ ਹੈ। ਉਸ ਦੇ ਭਰਾ ਦੀ ਕਿਡਨੀ ਫੇਲ੍ਹ ਹੋ ਚੁੱਕੀ ਹੈ ਅਤੇ ਨਵੰਬਰ ‘ਚ ਕਿਡਨੀ ਟ੍ਰਾਂਸਪਲਾਂਟ ਹੋਣੀ ਹੈ। ਬੇਟਾ ਮੈਡੀਕਲ ਦੀ ਪੜਾਈ ਕਰ ਰਿਹਾ ਹੈ ਜਿਸ ਦੀ ਫੀਸ ਦੇਣੀ ਵੀ ਹੈ ਅਤੇ ਉਹ ਖੁਦ ਡਾਇਬਟੀਜ਼ ਦਾ ਮਰੀਜ਼ ਹੈ। ਉਸ ਦੇ ਪੈਸੇ ਪੀਐਮਸੀ ਬੈਂਕ ‘ਚ ਫੱਸੇ ਹਨ। 54 ਸਾਲਾ ਦੀਪਕ ਦੀ ਬੇਟੀ ਦਾ ਵਿਆਹ 8 ਦਸੰਬਰ ਨੂੰ ਹੈ।
HDIL
ਜਿਸ ਦੇ ਨਾਲ ਉਸ ਨੇ ਸਾਰੀਆਂ ਤਿਆਰੀਆਂ ਕਰ ਲਈਆਂ ਹਨ ਅਤੇ ਬੁਕਿੰਗ ਵੀ ਕੀਤੀ ਹੋਈ ਹੈ ਪਰ ਪੇਮੈਂਟ ਕਰਨ ਲਈ ਪੈਸੇ ਨਹੀ ਹਨ। ਹਾਲ ਹੀ ‘ਚ ਰਿਟਾਇਰ ਦੀਪਕ ਕੋਲ 35 ਲੱਖ ਰੁਪਏ ਬੈਂਕ ‘ਚ ਹਨ ਜੋ ਕਿਸੇ ਕੰਮ ਨਹੀ ਆ ਰਹੇ। ਸਾਹਮਣੇ ਆਈ ਜਾਣਕਾਰੀ ਮੁਤਾਬਕ ਇਹ ਘੁਟਾਲਾ 4355 ਕਰੋੜ ਰੁਪਏ ਦਾ ਹੈ। ਗ੍ਰਿਫ਼ਤਾਰ ਕੀਤੇ ਪਿਓ-ਪੁੱਤ ਦੇ ਦਸਤਖ਼ਤ ਕੀਤੀ ਚਿੱਠੀ ‘ਚ ਕਿਹਾ ਕਿ ਅਸੀਂ ਪਹਿਲਾਂ ਸਾਡੇ ‘ਤੇ ਲੱਗੇ ਇਲਜ਼ਾਮਾਂ ਨੂੰ ਇਨਕਾਰ ਕਰਦੇ ਹਾਂ ਅਤੇ ਆਪਣੀ ਜਾਈਦਾਦ ਨੁੰ ਵੇਚਣ ਅਤੇ ਇਸ ਨਾਲ ਸਬੰਧਿਤ ਕੰਪਨੀਆਂ ਵੱਲੋਂ ਲਏ ਕਰਜ਼ ਦੇ ਤੌਰ ‘ਤੇ ਭੁਗਤਾਨ ਕਰਨ ਦੀ ਅਪੀਲ ਕਰਦੇ ਹਾਂ।
