ਨਵੀਂ ਦਿੱਲੀ: ਪੰਜਾਬ ਮਹਾਰਾਸ਼ਟਰ ਕੋਆਪ੍ਰੇਟਿਵ ਬੈਂਕ ਯਾਨੀ ਪੀਐਮਸੀ ਨੇ ਦੀਵਾਲੀ ਤੋਂ ਪਹਿਲਾਂਹੀ ਖ਼ਾਤਾਧਾਰਕਾਂ ਦਾ ਦੀਵਾਲਾ ਕੱਢ ਕੇ ਰੱਖ ਦਿੱਤਾ ਹੈ। ਇਸ ਸਮੇਂ ਪੀਐਮਸੀ ਦੇ ਖ਼ਾਤਾਧਾਰਕਾਂ ਲਈ ਨੋਟਬੰਦੀ ਵਰਗੇ ਹਾਲਾਤ ਬਣੇ ਹੋਏ ਹਨ। ਮੁੰਬਈ ਵਿਚ ਆਰਬੀਆਈ ਦੇ ਸਾਹਮਣੇ ਭੜਕੇ ਲੋਕਾਂ ਨੇ ਪੀਐਮਸੀ ਦੇ ਵਿਰੁੱਧ ਜਮ ਕੇ ਰੋਸ ਪ੍ਰਦਰਸ਼ਨ ਕੀਤਾ ਅਤੇ ਮੋਦੀ ਸਰਕਾਰ ਨੂੰ ਉਨ੍ਹਾਂ ਦੇ ਪੈਸੇ ਵਾਪਸ ਕਰਨ ਦੀ ਅਪੀਲ ਕੀਤੀ। ਵਿਰੋਧ ਵਿਚ ਇਕੱਠੇ ਹੋਏ ਸੈਂਕੜੇ ਲੋਕਾਂ ਨੇ ਕਰੀਬ ਅੱਠ ਘੰਟੇ ਤਕ ਰਸਤਾ ਰੋਕੋ ਅੰਦੋਲਨ ਕੀਤਾ ਅਤੇ ਜਮ ਕੇ ਨਾਅਰੇਬਾਜ਼ੀ ਕੀਤੀ।
PMC Bank
ਬੈਂਕ ਵਿਚੋਂ ਪੈਸੇ ਕਢਵਾਉਣ ਜਾ ਰਹੇ ਖ਼ਾਤਾਧਾਰਕਾਂ ਨੂੰ ਖ਼ਾਲੀ ਹੱਥ ਪਰਤਣਾ ਪੈ ਰਿਹਾ ਹੈ। ਬੈਂਕ ਵਿਚੋਂ ਪੈਸੇ ਕਢਵਾਉਣ ਦੀ ਇਕ ਲਿਮਟ ਤੈਅ ਕੀਤੀ ਗਈ ਹੈ। ਹਾਲਾਤ ਇਹ ਬਣ ਗਏ ਨੇ ਕਿ ਜਿੱਥੇ ਕਿਸੇ ਕੋਲ ਇਲਾਜ ਲਈ ਪੈਸੇ ਨਹੀਂ ਬਚੇ। ਉਥੇ ਹੀ ਪੈਸਿਆਂ ਦੀ ਕਮੀ ਕਾਰਨ ਕਿਸੇ ਦੀ ਬੇਟੀ ਦਾ ਵਿਆਹ ਰੁਕ ਗਿਆ ਹੈ। ਕਈਆਂ ਦੇ ਵਪਾਰ ’ਤੇ ਬੰਦ ਹੋਣ ਦੀ ਤਲਵਾਰ ਲਟਕ ਗਈ ਹੈ। ਇਹੀ ਵਜ੍ਹਾ ਹੈ ਕਿ ਲੋਕਾਂ ਦਾ ਗੁੱਸਾ ਲਗਾਤਾਰ ਵਧਦਾ ਹੀ ਜਾ ਰਿਹਾ ਹੈ।
PMC Bankਪੀਐਮਸੀ ਬੈਂਕ ਦੀ ਸ਼ੁਰੂਆਤ ਸਾਇਨ ਜੀਟੀਬੀ ਨਗਰ ਦੇ ਇਕ ਛੋਟੇ ਜਿਹੇ ਕਮਰੇ ਤੋਂ ਹੋਈ ਸੀ। ਇਸ ਇਲਾਕੇ ਵਿਚ ਵੱਡੀ ਗਿਣਤੀ ਵਿਚ ਸਿੱਖ ਸਮਾਜ ਦੇ ਲੋਕ ਵੀ ਰਹਿੰਦੇ ਹਨ ਜੋ ਪੀਐਮਸੀ ਬੈਂਕ ਨੂੰ ਅਪਣੇ ਸਮਾਜ ਦਾ ਬੈਂਕ ਮੰਨਦੇ ਹਨ। ਇਸ ਇਲਾਕੇ ਵਿਚ ਦੀਆਂ ਦੋ ਬ੍ਰਾਂਚਾਂ ਵਿਚ 50 ਹਜ਼ਾਰ ਤੋਂ ਜ਼ਿਆਦਾ ਪੀਐਮਸੀ ਦੇ ਖ਼ਾਤਾਧਾਰਕ ਨੇ ਮੰਗਲਵਾਰ ਨੂੰ ਜਿਵੇਂ ਹੀ ਪੀਐਮਸੀ ਬੈਂਕ ਨੂੰ ਲੈ ਕੇ ਆਰਬੀਆਈ ਦੇ ਨਿਰਦੇਸ਼ਾਂ ਦੀ ਸੂਚਨਾ ਮਿਲੀ ਤਾਂ ਵੱਡੀ ਗਿਣਤੀ ਵਿਚ ਖ਼ਾਤਾਧਾਰਕ ਇਕੱਠੇ ਹੋ ਕੇ ਨਾਅਰੇਬਾਜ਼ੀ ਕਰਨ ਲੱਗੇ, ਜਿਨ੍ਹਾਂ ਨੂੰ ਕਾਬੂ ਕਰਨ ਲਈ ਪੁਲਿਸ ਦੀ ਤਾਇਨਾਤੀ ਕਰਨੀ ਪਈ।
PMC
ਉਧਰ ਮਹਾਰਾਸ਼ਟਰ ਰਾਜ ਕਾਂਗਰਸ ਸੂਬਾ ਕਮੇਟੀ ਦੇ ਕਾਰਜਕਾਰੀ ਪ੍ਰਧਾਨ ਮੁਜ਼ੱਫ਼ਰ ਹੁਸੈਨ ਨੇ ਪੀੜਤਾਂ ਦੀ ਮਦਦ ਕਰਨ ਦੀ ਗੱਲ ਆਖੀ ਹੈ। ਅਪਣੇ ਇਕ ਬਿਆਨ ਵਿਚ ਉਨ੍ਹਾਂ ਆਖਿਆ ਕਿ ਕਾਂਗਰਸ ਪੀੜਤਾਂ ਨੂੰ ਇਨਸਾਫ਼ ਦਿਵਾਏਗੀ। ਇਸ ਦੇ ਲਈ ਪਾਰਟੀ ਇਕ ਵੈਬਸਾਈਟ ਬਣਾ ਰਹੀ ਹੈ, ਜਿੱਥੇ ਪੀੜਤ ਅਪਣੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹਨ। ਇਸ ਤੋਂ ਇਲਾਵਾ ਪਾਰਟੀ ਨੇ ਇਕ ਹੈਲਪਲਾਈਨ ਨੰਬਰ ਵੀ ਜਾਰੀ ਕੀਤਾ ਹੈ। ਦੱਸ ਦਈਏ ਕਿ ਪੀਐਮਸੀ ਬੈਂਕ ਦੇਸ਼ ਦੇ 6 ਸੂਬਿਆਂ ਵਿਚ ਹੈ ਅਤੇ ਇਸ ਦੀਆਂ ਸਭ ਤੋਂ ਜ਼ਿਆਦਾ ਬ੍ਰਾਂਚਾਂ ਮਹਾਰਾਸ਼ਟਰ ਵਿਚ ਹਨ। ਖ਼ੈਰ ਪੀਐਮਸੀ ਬੈਂਕ ਘੋਟਾਲੇ ਨੇ ਲੋਕਾਂ ਦੀ ਦਿਵਾਲੀ ਨੂੰ ਦੀਵਾਲੇ ਵਿਚ ਬਦਲ ਦਿੱਤਾ ਹੈ ਪਰ ਦੇਖਣਾ ਹੋਵੇਗਾ ਕਿ ਮੋਦੀ ਸਰਕਾਰ ਇਨ੍ਹਾਂ ਪੀੜਤਾਂ ਲਈ ਕੀ ਕਦਮ ਉਠਾਉਂਦੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
