ਉਹਨਾਂ ਕਿਹਾ ਕਿ ਉਹ ਸਿਟੀਜਨ ਅਮੈਂਡਮੈਂਟ ਐਕਟ...
ਨਵੀਂ ਦਿੱਲੀ: ਦ ਗ੍ਰੇਟ ਖਲੀ ਨਾਮ ਨਾਲ ਮਸ਼ਹੂਰ ਦਿਲੀਪ ਸਿੰਘ ਰਾਣਾ ਨੇ ਨਾਗਰਿਕਤਾ ਸੋਧ ਐਕਟ ਦਾ ਸਮਰਥਨ ਕੀਤਾ ਹੈ। ਰੇਸਲਿੰਗ ਸਟਾਰ ਨੇ ਹਿਮਾਚਲ ਪ੍ਰਦੇਸ਼ ਦੇ ਕਾਂਗੜਾ ਜ਼ਿਲ੍ਹੇ ਦੇ ਦੇਹਰਾ ਤਹਿਸੀਲ ਪਹੁੰਚਣ ਤੇ ਇਹ ਗੱਲ ਕਹੀ। ਉਹਨਾਂ ਕਿਹਾ ਕਿ ਉਹ ਸਿਟੀਜਨ ਅਮੈਂਡਮੈਂਟ ਐਕਟ ਦਾ ਸਮਰਥਨ ਕਰਦੇ ਹਨ। ਉਹਨਾਂ ਕਿਹਾ ਕਿ ਵਿਦੇਸ਼ੀਆਂ ਨਾਲ ਘੁਸਪੈਠ ਕਰ ਕੇ ਕਈ ਲੋਕ ਭਾਰਤ ਵਿਚ ਗੈਰ ਕਾਨੂੰਨੀ ਰੂਪ ਤੋਂ ਦਾਖਲ ਹੋ ਕੇ ਰਹਿ ਰਹੇ ਹਨ।
Photo
ਸਾਡੇ ਦੇਸ਼ ਵਿਚ ਪਹਿਲਾਂ ਤੋਂ ਹੀ ਭੁੱਖਮਰੀ ਅਤੇ ਬੇਰੁਜ਼ਗਾਰੀ ਹੈ ਅਜਿਹੇ ਵਿਚ ਜੇ ਘੁਸਪੈਠੀ ਦੇਸ਼ ਵਿਚ ਆਉਣਗੇ ਤਾਂ ਕ੍ਰਾਈਮ ਹੋਰ ਵਧੇਗਾ। ਦ ਗ੍ਰੇਟ ਖਲੀ ਨੇ ਕਿਹਾ ਕਿ ਹਿੰਦੂਸਤਾਨ ਇੱਥੋਂ ਦੇ ਨਾਗਰਿਕਾਂ ਲਈ ਹੈ ਨਾ ਕਿ ਅਤਿਵਾਦੀਆਂ ਲਈ। ਉਹਨਾਂ ਕਿਹਾ ਕਿ ਜੋ ਮਾਈਨਾਰਿਟੀ ਦੂਜੇ ਦੇਸ਼ਾਂ ਵਿਚ ਪਰੇਸ਼ਾਨ ਕੀਤੇ ਜਾਂਦੇ ਹਨ ਉਹਨਾਂ ਲਈ ਇਹ ਕਾਨੂੰਨ ਬਣਿਆ ਹੈ। ਉਹਨਾਂ ਕਿਹਾ ਕਿ ਪੂਰੀ ਦੁਨੀਆ ਨੂੰ ਪਤਾ ਹੈ ਕਿ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਵਰਗੇ ਦੇਸ਼ਾਂ ਵਿਚ ਮਾਈਨਾਰਿਟੀ ਦਾ ਕੀ ਹਾਲ ਹੋ ਰਿਹਾ ਹੈ।
Photo
ਅਜਿਹੇ ਵਿਚ ਲੋਕਾਂ ਨੂੰ ਜੇ ਹਿੰਦੂਸਤਾਨ ਨਾਗਰਿਕਤਾ ਦਿੰਦਾ ਹੈ ਤਾਂ ਬਹੁਤ ਵਧੀਆ ਗੱਲ ਹੈ। ਖਲੀ ਨੇ ਕਿਹਾ ਕਿ ਪਾਕਿਸਤਾਨ ਅਤੇ ਬੰਗਲਾਦੇਸ਼ ਤੋਂ ਕੋਈ ਆ ਕੇ ਅਤਿਵਾਦ ਫੈਲਾਵੇ ਅਤੇ 15-15 ਬੱਚੇ ਪੈਦਾ ਕਰੇ ਤਾਂ ਉਹ ਹਿੰਦੂਸਤਾਨ ਲਈ ਠੀਕ ਨਹੀਂ ਹੈ। ਖਲੀ ਨੇ ਅੱਗੇ ਕਿਹਾ ਕਿ ਉਹ ਅਪਣੇ ਹਿਮਾਚਲ ਵਿਚ ਆਇਆ ਹੈ ਇਸ ਲਈ ਬਹੁਤ ਵਧੀਆ ਲ ਰਿਹਾ ਹੈ। ਉਹਨਾਂ ਕਿਹਾ ਕਿ ਦੇਹਰਾ ਵਿਚ ਬਹੁਤ ਜਲਦ ਹੀ ਉਹ ਇਕ ਰੇਸਲਿੰਗ ਸ਼ੋਅ ਆਯੋਜਿਤ ਕਰਨਗੇ।
Photo
ਉਹਨਾਂ ਕਿਹਾ ਕਿ ਉਹ ਹਰ ਥਾਂ ਸ਼ੋਅ ਕਰਵਾਉਂਦੇ ਹਨ। ਉਹਨਾਂ ਨੇ ਉਤਰਾਖੰਡ, ਰਾਜਸਥਾਨ, ਪੰਜਾਬ ਅਤੇ ਹਰਿਆਣਾ ਵਿਚ ਸ਼ੋਅ ਕੀਤੇ ਹਨ। ਖਲੀ ਨੇ ਜਵਾਨਾਂ ਨੂੰ ਨਸ਼ਾ ਛੱਡ ਖੇਡਾਂ ਵਿਚ ਅੱਗੇ ਆਉਣ ਦੀ ਅਪੀਲ ਕੀਤੀ। ਉਹਨਾਂ ਕਿਹਾ ਕਿ ਨਸ਼ਾ ਪੰਜਾਬ ਵਿਚ ਪਹਿਲਾਂ ਹੀ ਬਹੁਤ ਜ਼ਿਆਦਾ ਸੀ ਪਰ ਹੁਣ ਇਹ ਹੌਲੀ-ਹੌਲੀ ਹਿਮਾਚਲ ਵਲ ਵੀ ਵਧਦੇ ਹੋਏ ਪੂਰੇ ਹਿੰਦੂਸਤਾਨ ਵਿਚ ਅਪਣੇ ਪੈਰ ਪਸਾਰ ਰਿਹਾ ਹੈ।
Photo
ਖਲੀ ਨੇ ਲੋਕਾਂ ਨੂੰ ਸਾਵਧਾਨ ਕਰਦੇ ਹੋਏ ਕਿਹਾ ਕਿ ਬੱਚਿਆਂ ਨੂੰ ਕਿਸੇ ਵੀ ਖੇਡ ਵੱਲ ਲਗਾਉਣਾ ਚਾਹੀਦਾ ਹੈ ਤਾਂ ਕਿ ਬੱਚੇ ਨਸ਼ੇ ਤੋਂ ਦੂਰ ਰਹਿਣ। ਉੱਥੇ ਹੀ ਠਾਕੁਰ ਗਰੁਪ ਆਫ ਇੰਸੀਚਿਊਟਸ ਦੇ ਐਮਡੀ ਡਾ. ਰਾਜੇਸ਼ ਠਾਕੁਰ ਨੇ ਕਿਹਾ ਕਿ ਜਲਦ ਹੀ ਜੂਨ ਮਹੀਨੇ ਤੋਂ ਪਹਿਲਾਂ ਦੇਹਰਾ ਵਿਚ ਅੰਤਰਰਾਸ਼ਟਰੀ ਪੱਧਰ ਦਾ ਰੇਸਲਿੰਗ ਸ਼ੋਅ ਆਯੋਜਿਤ ਕੀਤਾ ਜਾਵੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰ
