ਖੇਤੀਬਾੜੀ ਕਾਨੂੰਨਾਂ ਦੇ ਖਿਲਾਫ ਅੱਜ ਕਿਸਾਨ ਰੇਲ ਰੋਕੋ ਅੰਦੋਲਨ ਕਰ ਰਹੇ ਹਨ...
ਨਵੀਂ ਦਿੱਲੀ: ਖੇਤੀਬਾੜੀ ਕਾਨੂੰਨਾਂ ਦੇ ਖਿਲਾਫ ਅੱਜ ਕਿਸਾਨ ਰੇਲ ਰੋਕੋ ਅੰਦੋਲਨ ਕਰ ਰਹੇ ਹਨ। ਚਾਰ ਘੰਟੇ ਲੰਬੇ ਅੰਦੋਲਨ ਵਿੱਚ ਹਰਿਆਣੇ ਦੇ ਸੋਨੀਪਤ, ਅੰਬਾਲਾ ਅਤੇ ਜੀਂਦ ਵਿੱਚ ਕਿਸਾਨ ਪਟੜੀਆਂ ਉੱਤੇ ਬੈਠ ਗਏ ਹਨ। ਇਸ ‘ਚ ਔਰਤਾਂ ਵੀ ਸ਼ਾਮਿਲ ਹਨ। ਕੁਰਕਸ਼ੇਤਰ ਵਿੱਚ ਗੀਤਾ ਜੈਯੰਤੀ ਐਕਸਪ੍ਰੈਸ ਰੇਲ ਨੂੰ ਵੀ ਰੋਕਿਆ ਗਿਆ ਹੈ। ਉਥੇ ਹੀ ਹਰਿਆਣੇ ਦੇ ਚਰਖੀ ਦਾਦਰੀ ‘ਚ ਕਿਸਾਨਾਂ ਲਈ ਖਾਣ-ਪੀਣ ਦਾ ਪ੍ਰਬੰਧ ਵੀ ਕੀਤਾ ਗਿਆ।
Rail Roko Andolan
ਪਿੰਡ ਵਿੱਚ ਲੋਕਾਂ ਨੇ ਕਿਸਾਨਾਂ ਲਈ ਚਾਹ-ਪਕੌੜਿਆਂ ਦਾ ਲੰਗਰ ਵੀ ਲਗਾਇਆ। ਉਥੇ ਹੀ ਧਰਨਾ ਪ੍ਰਦਰਸ਼ਨ ਸਥਾਨ ਉੱਤੇ ਤੈਨਾਤ ਪੁਲਸਕਰਮੀਆਂ ਅਤੇ ਅਧਿਕਾਰੀਆਂ ਨੂੰ ਵੀ ਲੰਗਰ ਖੁਆਇਆ ਗਿਆ ਹੈ। ਅੰਦੋਲਨ ਨੂੰ ਦੇਖਦਿਆਂ ਪੂਰੇ ਦੇਸ਼ ਵਿੱਚ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਰੇਲਵੇ ਨੇ ਪੰਜਾਬ, ਹਰਿਆਣਾ, ਯੂਪੀ, ਪੱਛਮ ਬੰਗਾਲ ‘ਤੇ ਧਿਆਨ ਕੇਂਦਰਿਤ ਕਰਨ ਦੇ ਨਾਲ ਹੀ ਰੇਲਵੇ ਸੁਰੱਖਿਆ ਬਲਾਂ ਦੀਆਂ 20 ਹੋਰ ਕੰਪਨੀਆਂ ਤੈਨਾਤ ਕਰ ਦਿੱਤੀਆਂ ਹਨ।
Rail Roko Andolan
ਇੱਕ ਪਾਸੇ ਭਾਰਤੀ ਕਿਸਾਨ ਯੂਨੀਅਨ ਨੇ ਜਿੱਥੇ ਅਪੀਲ ਕੀਤੀ ਹੈ ਕਿ ਅੰਦੋਲਨ ਨੂੰ ਸ਼ਾਂਤੀਪੂਰਨ ਰੱਖਿਆ ਜਾਵੇ, ਉਥੇ ਹੀ ਦੇਸ਼ ਦੇ ਕਈਂ ਰਾਜਾਂ ਵਿੱਚ ਪੁਲਿਸ ਅਲਰਟ ‘ਤੇ ਹੈ। ਕਈਂ ਸੰਵੇਦਨਸ਼ੀਲ ਜ਼ਿਲ੍ਹਿਆਂ ਵਿੱਚ ਸਟੇਸ਼ਨਾਂ ਤੋਂ ਬਾਹਰ ਪੁਲਸਕਰਮੀਆਂ ਦੀ ਵੱਡੀ ਗਿਣਤੀ ਵਿੱਚ ਨਿਯੁਕਤੀ ਕੀਤੀ ਗਈ ਹੈ।
ਰੇਲ ਰੋਕੋ ਅੰਦੋਲਨ ਨਾਲ ਪਿਆ ਇਹ ਪ੍ਰਭਾਵ
Rail Roko Andolan
ਕਿਸਾਨਾਂ ਦੇ ਰੇਲ ਰੋਕੋ ਅੰਦੋਲਨ ਦੀ ਵਜ੍ਹਾ ਨਾਲ ਲਗਪਗ 20 ਰੇਲਾਂ ਪ੍ਰਭਾਵਿਤ ਹੋਈਆਂ ਹਨ।
ਉੱਤਰੀ ਰੇਲਵੇ ਜ਼ੋਨ ਵਿੱਚ 5-6 ਰਾਜ ਆਉਂਦੇ ਹਨ, ਉਤਰੀ ਰੇਲਵੇ ਜ਼ੋਨ ਵਿੱਚ ਇੱਕ ਵੀ ਰੇਲ ਰੱਦ ਨਹੀਂ ਕੀਤੀ ਗਈ।
ਕਿਤੇ ਵੀ ਹਿੰਸਾ ਜਾਂ ਭੰਨਤੋੜ ਦੀ ਘਟਨਾ ਨਹੀਂ ਹੋਈ ਹੈ। ਜਿੱਥੇ ਵੀ ਚੱਲ ਰਿਹਾ ਹੈ ਸ਼ਾਂਤੀਪੂਰਨ ਹੈ।
ਉੱਤਰ ਪ੍ਰਦੇਸ਼ ਵਿੱਚ ਅੰਦੋਲਨ ਦਾ ਅਸਰ ਬਹੁਤ ਘੱਟ ਹੈ। ਹਰਿਆਣਾ-ਪੰਜਾਬ ਦੇ ਕੁਝ ਹਿੱਸਿਆਂ ਤੋਂ ਜਾਣਕਾਰੀ ਮਿਲ ਰਹੀ ਹੈ, ਪਰ ਬਹੁਤ ਘੱਟ ਹੈ।
ਕੁਝ ਸਥਾਨਾਂ ਵਿੱਚ ਰੇਲਵੇ ਸਟੇਸ਼ਨਾਂ ਅਤੇ ਪਟੜੀਆਂ ਉੱਤੇ ਕਿਸਾਨ ਆਏ ਸਨ ਅਤੇ ਉਨ੍ਹਾਂ ਵਿਚੋਂ ਕਈਂ ਸਥਾਨਾਂ ਤੋਂ ਵਾਪਸ ਵੀ ਪਰਤ ਗਏ।
