ਅੰਗਰੇਜ਼ੀ ਅਖ਼ਬਾਰ ਦੀ ਇਕ ਰਿਪੋਰਟ ਮੁਤਾਬਕ ਕੋਰੋਨਾ ਦਾ...
ਨਵੀਂ ਦਿੱਲੀ: ਦੁਨੀਆਭਰ ਵਿਚ ਫੈਲੇ ਕੋਰੋਨਾ ਵਾਇਰਸ ਦੇ ਕਹਿਰ ਦੌਰਾਨ ਕਈ ਦੇਸ਼ਾਂ ਵਿਚ ਮਾਹੌਲ ਬਹੁਤ ਹੀ ਚਿੰਤਾਜਨਕ ਬਣ ਗਿਆ ਹੈ। ਈਰਾਨ ਅਤੇ ਇਟਲੀ ਵਿਚ ਸਥਿਤੀ ਹੁਣ ਹੋਰ ਵੀ ਜ਼ਿਆਦਾ ਗੰਭੀਰ ਹੋ ਗਈ ਹੈ। ਉੱਥੇ ਹੀ ਭਾਰਤ ਵਿਚ ਵੀ ਹੁਣ ਤਕ ਕੋਰੋਨਾ ਵਾਇਰਸ ਦੇ ਮਾਮਲਿਆਂ ਦੀ ਗਿਣਤੀ ਵਧ ਕੇ 138 ਹੋ ਗਈ ਹੈ ਅਤੇ ਵੱਖ-ਵੱਖ ਰਾਜਾਂ ਨੇ ਇਸ ਨੂੰ ਮਹਾਂਮਾਰੀ ਐਲਾਨ ਕਰ ਦਿੱਤਾ ਹੈ। ਕੋਰੋਨਾ ਵਾਇਰਸ ਦਾ ਇਲਾਜ ਲੋਕਾਂ ਵਿਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
Photo
ਅੰਗਰੇਜ਼ੀ ਅਖ਼ਬਾਰ ਦੀ ਇਕ ਰਿਪੋਰਟ ਮੁਤਾਬਕ ਕੋਰੋਨਾ ਦਾ ਅਸਰ ਵਧਣ ਨਾਲ-ਨਾਲ ਦੇਸ਼ ਵਿਚ ਗਊਮੂਤਰ ਅਤੇ ਗਾਂ ਦੇ ਗੋਹੇ ਦੀਆਂ ਕੀਮਤਾਂ ਵੀ ਵਧ ਗਈਆਂ ਹਨ। ਰਿਪੋਰਟ ਮੁਤਾਬਕ ਗਊਮੂਤਰ 500 ਰੁਪਏ ਲੀਟਰ ਅਤੇ ਗਾਂ ਦਾ ਗੋਹਾ 500 ਰੁਪਏ ਕਿਲੋ ਵਿਕ ਰਿਹਾ ਹੈ। ਪੱਛਮ ਬੰਗਾਲ ਦੇ ਇਕ ਦੁੱਧ ਵਿਕਰੇਤਾ ਨੇ ਦਾਅਵਾ ਕੀਤਾ ਹੈ ਕਿ ਕੋਲ ਕੋਲਕਾਤਾ ਤੋਂ 20 ਕਿਲੋਮੀਟਰ ਦੂਰ ਸੜਕ ਕਿਨਾਰੇ ਇਕ ਦੁਕਾਨ ਲਗਾਈ ਜਿੱਥੇ ਗਊਮੂਤਰ ਅਤੇ ਗੋਹਾ ਵੇਚਿਆ ਜਾਂਦਾ ਹੈ।
Photo
ਰਿਪੋਰਟ ਅਨੁਸਾਰ ਵਿਕਰੇਤਾ ਮਾਬੂਦ ਅਲੀ ਨੇ ਦਸਿਆ ਕਿ ਦੁਧ ਦੇ ਮੁਕਾਬਲੇ ਉਸ ਤੋਂ ਜ਼ਿਆਦਾ ਕਮਾਈ ਗਊਮੂਤਰ ਅਤੇ ਗਾਂ ਦੇ ਗੋਹੇ ਰਾਹੀਂ ਹੋ ਰਹੀ ਹੈ। ਗਊਮੂਤਰ ਅਤੇ ਗਾਂ ਦਾ ਗੋਹਾ 500 ਰੁਪਏ ਵਿਚ ਵਿਕ ਰਿਹਾ ਹੈ। ਦਿੱਲੀ ਅਤੇ ਕੋਲਕਾਤਾ ਨੂੰ ਜੋੜਨ ਵਾਲੇ ਨੈਸ਼ਨਲ ਹਾਈਵੇਅ ਤੇ ਮੌਜੂਦ ਅਲੀ ਦੀ ਦੁਕਾਨ ਤੇ ਗੋਹੇ ਅਤੇ ਗਊਮੂਤਰ ਦੇ ਪੈਕਟ ਤਿਆਰ ਕੀਤੇ ਗਏ ਹਨ।
Photo
ਇਕ ਮੀਡੀਆ ਰਿਪੋਰਟ ਮੁਤਾਬਕ ਅਲੀ ਨੇ ਅਪਣੀ ਦੁਕਾਨ ਤੇ ਇਕ ਪੋਸਟਰ ਵੀ ਲਗਾਇਆ ਹੈ ਜਿਸ ਤੇ ਲਿਖਿਆ ਹੈ ਕਿ ਗਊਮੂਤਰ ਪੀਓ ਅਤੇ ਕੋਰੋਨਾ ਵਾਇਰਸ ਤੋਂ ਬਚੋ। ਉਹਨਾਂ ਦਾਅਵਾ ਕੀਤਾ ਕਿ ਦਿੱਲੀ ਵਿਚ ਆਯੋਜਿਤ ਹਿੰਦੂ ਮਹਾਸਭਾ ਦੀ ਇਕ ਪਾਰਟੀ ਤੋਂ ਉਹਨਾਂ ਨੂੰ ਇਹ ਆਈਡੀਆ ਮਿਲਿਆ। ਅਲੀ ਨੇ ਦਸਿਆ ਕਿ ਉਹਨਾਂ ਕੋਲ ਦੋ ਗਾਵਾਂ ਹਨ। ਇਕ ਦੇਸੀ ਅਤੇ ਇਕ ਜਰਸੀ।
Corona Virus
ਜਦੋਂ ਉਹਨਾਂ ਨੇ ਟੀਵੀ ਗਊਮੂਤਰ ਪਾਰਟੀ ਦੇਖੀ ਤਾਂ ਉਹਨਾਂ ਨੂੰ ਇਸ ਵਿਚਾਰ ਆਇਆ ਕਿ ਉਹ ਗਊਮੂਤਰ ਅਤੇ ਗੋਹਾ ਵੇਚ ਕੇ ਵਧ ਫਾਇਦਾ ਚੁੱਕ ਸਕਦੇ ਹਨ। ਦਸ ਦਈਏ ਕਿ ਬੀਤੇ ਦਿਨਾਂ ਵਿਚ ਭਾਰਤ ਹਿੰਦੂ ਮਹਾਸਭਾ ਨੇ ਦਾਅਵਾ ਕੀਤਾ ਸੀ ਕਿ ਗਊਮੂਤਰ ਨਾਲ ਕੋਰੋਨਾ ਵਾਇਰਸ ਤੋਂ ਬਚਿਆ ਜਾ ਸਕਦਾ ਹੈ। ਅਖਿਲ ਭਾਰਤ ਹਿੰਦੂ ਮਹਾਸਭਾ ਨੇ ਗਊਮੂਤਰ ਪੀਣ ਲਈ ਇਕ ਪਾਰਟੀ ਦਾ ਆਯੋਜਨ ਵੀ ਕੀਤਾ ਸੀ ਜਿਸ ਵਿਚ ਕਈ ਲੋਕਾਂ ਨੇ ਸ਼ਿਰਕਤ ਕੀਤੀ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
