ਪੇਟੀਐਮ ਤੇ ਯੂਪੀਆਈ ਅਤੇ ਆਈਐਮਪੀਐਸ ਦੀ ਸੁਵਿਧਾ ਪਹਿਲਾਂ ਤੋਂ ਹੀ ਮਿਲਦੀ ਹੈ
ਨਵੀਂ ਦਿੱਲੀ: ਜੇ ਤੁਸੀਂ ਡਿਜੀਟਲ ਪੇਮੈਂਟ ਦੀ ਕੰਪਨੀ ਪੇਟੀਐਮ ਦੇ ਗਾਹਕ ਹੋ ਤਾਂ ਤੁਹਾਡੇ ਲਈ ਇਕ ਚੰਗੀ ਖ਼ਬਰ ਹੈ। ਦਰਅਸਲ ਪੇਟੀਐਮ ਨੇ ਅਪਣੇ ਗਾਹਕਾਂ ਨੂੰ ਹਰ ਦਿਨ 24 ਘੰਟੇ ਇਲੈਟ੍ਰਾਨਿਕ ਫੰਡ ਟ੍ਰਾਂਸਫਰ ਸੁਵਿਧਾ ਦੇਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਨਾਲ ਹੀ ਪੇਟੀਐਮ ਅਜਿਹਾ ਇਕੱਲਾ ਪੇਮੈਂਟ ਐਪ ਬਣ ਗਿਆ ਹੈ ਜੋ 24 ਘੰਟੇ ਸੱਤੇ ਦਿਨ ਪੈਸਾ ਟ੍ਰਾਂਸਫਰ ਕਰਨ ਦੇ ਤਿੰਨ ਤਰੀਕੇ ਮੁਹੱਈਆ ਕਰਵਾ ਰਿਹਾ ਹੈ।
ਦਸ ਦਈਏ ਕਿ ਪੇਟੀਐਮ ਤੇ ਯੂਪੀਆਈ ਅਤੇ ਆਈਐਮਪੀਐਸ ਦੀ ਸੁਵਿਧਾ ਪਹਿਲਾਂ ਤੋਂ ਹੀ ਮਿਲਦੀ ਹੈ। ਕਹਿਣ ਦਾ ਮਤਲਬ ਇਹ ਹੈ ਕਿ ਇਹਨਾਂ ਤਿੰਨਾਂ ਮਾਧਿਅਮਾਂ-ਯੂਪੀਆਈ, ਆਈਐਮਪੀਐਸ ਅਤੇ NEFT ਦੁਆਰਾ ਗਾਹਕ ਕਦੇ ਵੀ ਅਤੇ ਕਿਸੇ ਵੀ ਸਮੇਂ ਪੈਸੇ ਟ੍ਰਾਂਸਫਰ ਕਰ ਸਕਣਗੇ। ਇਹੀ ਨਹੀਂ, ਪੇਟੀਐਮ ਦੇ ਗਾਹਕ NEFT ਦੁਆਰਾ ਇਕ ਵਾਰ ਵਿਚ 10 ਲੱਖ ਰਕਮ ਟ੍ਰਾਂਸਫਰ ਕਰ ਸਕਦੇ ਹੋ।
ਜੇ ਫੋਨ ਪੇਅ ਅਤੇ ਗੂਗਲ ਪੇਅ ਵਰਗੇ ਜਿਵੇਂ ਯੂਪੀਆਈ ਪੀ2ਪੀ ਐਪ ਦੀ ਗੱਲ ਕਰੀਏ ਤਾਂ 1 ਵਾਰ ਵਿਚ ਸਿਰਫ 2 ਲੱਖ ਰੁਪਏ ਭੇਜ ਸਕਦੇ ਹਨ। ਇਕ ਰਿਪੋਰਟ ਮੁਤਾਬਕ ਪੇਟੀਐਮ ਪੇਮੈਂਟਸ ਬੈਂਕ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਅਤੇ ਪ੍ਰਬੰਧ ਨਿਦੇਸ਼ਕ ਸਤੀਸ਼ ਗੁਪਤਾ ਨੇ ਕਿਹਾ ਕਿ ਪੇਟੀਐਮ ਇਕੱਲਾ ਅਜਿਹਾ ਪਲੇਟਫਾਰਮ ਹੈ ਜਿੱਥੇ ਯੂਜ਼ਰਸ ਐਨਈਐਫਟੀ, ਆਈਐਮਪੀਐਸ, ਯੂਪੀਆਈ ਅਤੇ ਕਾਰਡਸ ਦਾ ਪ੍ਰਯੋਗ ਕਰ ਤਤਕਾਲ ਭੁਗਤਾਨ ਕਰ ਸਕਦੇ ਹਨ।
ਉਹਨਾਂ ਅੱਗੇ ਕਿਹਾ ਕਿ ਪੈਸੇ ਟ੍ਰਾਂਸਫਰ ਕਰਨ ਦੀ ਵਧਦੀ ਲਿਮਿਟ ਨਾਲ ਉਹਨਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਉਹਨਾਂ ਦੇ ਜ਼ਿਆਦਾਤਰ ਉਪਭੋਗਤਾ ਤੇਜ਼ ਅਦਾਇਗੀ ਲਈ ਸਾਡੀਆਂ ਸੇਵਾਵਾਂ ਨੂੰ ਤਰਜੀਹ ਦੇਣਗੇ। ਇਸ ਨਾਲ ਪੇਟੀਐਮ ਪੇਮੈਂਟਸ ਬੈਂਕ ਕਰੰਟ ਅਕਾਉਂਟ ਚਲਾਉਣ ਵਾਲੀਆਂ ਕੰਪਨੀਆਂ ਅਤੇ ਉਦਯੋਗਾਂ ਨੂੰ ਵੀ ਲਾਭ ਹੋਵੇਗਾ ਕਿਉਂ ਕਿ ਹੁਣ ਉਹ ਕਿਸੇ ਵੀ ਦਿਨ 24 ਘੰਟੇ 50 ਲੱਖ ਰੁਪਏ ਤਕ ਦਾ ਲੈਣ-ਦੇਣ ਕਰ ਸਕਦੇ ਹਨ।
ਦਸ ਦਈਏ ਕਿ ਰਿਜ਼ਰਵ ਬੈਂਕ ਆਫ ਇੰਡੀਆ ਨੇ ਬੈਂਕਾਂ ਤੋਂ ਉਪਭੋਗਤਾ ਨੂੰ NEFT ਦੀ ਸੁਵਿਧਾ 24 ਘੰਟੇ ਪ੍ਰਦਾਨ ਕਰਨ ਨੂੰ ਕਿਹਾ ਸੀ। ਆਰਬੀਆਈ ਦਾ ਆਦੇਸ਼ 16 ਦਸੰਬਰ ਤੋਂ ਪ੍ਰਭਾਵੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।