ਈ ਕਮਰਸ ਕੰਪਨੀ ਐਮੇਜ਼ਾਨ ਨੇ ਅਪਣੇ ਪੋਰਟਲ ਉਤੇ ਇਕ ਟਾਇਲਟ ਸੀਟ.....
ਨਵੀਂ ਦਿੱਲੀ (ਭਾਸ਼ਾ): ਈ ਕਮਰਸ ਕੰਪਨੀ ਐਮੇਜ਼ਾਨ ਨੇ ਅਪਣੇ ਪੋਰਟਲ ਉਤੇ ਇਕ ਟਾਇਲਟ ਸੀਟ ਦੀ ਵਿਕਰੀ ਦੇ ਜਰੀਏ ਵਿਵਾਦ ਨੂੰ ਜਨਮ ਦੇ ਦਿਤਾ ਹੈ। ਐਮੇਜ਼ਾਨ ਉਤੇ ਵਿਕਰੀ ਲਈ ਮੌਜੂਦ ਇਕ ਟਾਇਲਟ ਸੀਟ ਉਤੇ ਗੋਲਡਨ ਟੈਂਪਲ ਦੀ ਤਸਵੀਰ ਲੱਗੀ ਦਿਖਾਈ ਗਈ ਹੈ। ਇਸ ਵਿਵਾਦਿਤ ਵਸਤੂ ਦੀ ਵਿਕਰੀ ਤੋਂ ਨਰਾਜ਼ ਲੋਕਾਂ ਨੇ ਐਮੇਜ਼ਾਨ ਤੋਂ ਇਸ ਨੂੰ ਤੁਰੰਤ ਹਟਾਉਣ ਦੀ ਮੰਗ ਕੀਤੀ ਹੈ। ਅਸਲ ਵਿਚ, ਹਰੀਮੰਦਰ ਸਾਹਿਬ ਗੁਰਦੁਆਰਾ ਕਰੋੜਾਂ ਸਿੱਖਾਂ ਦਾ ਧਾਰਮਕ ਸਥਾਨ ਹੈ।
Amazon
ਦੁਨੀਆ ਭਰ ਤੋਂ ਸਿੱਖ ਅਤੇ ਦੂਜੇ ਧਰਮਾਂ ਦੇ ਲੋਕਾਂ ਦੀਆਂ ਭਾਵਨਾਵਾਂ ਵੀ ਇਸ ਨਾਲ ਜੁੜੀਆਂ ਹਨ। ਦਿੱਲੀ ਦੇ ਰਾਜੌਰੀ ਗਾਰਡਨ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਵਿਧਾਇਕ ਮਨਜਿੰਦਰ ਸਿੰਘ ਸਿਰਸਾ ਨੇ ਇਸ ਤਸਵੀਰ ‘ਤੇ ਸੋਸ਼ਲ ਮੀਡੀਆ ਤੇ ਅਪਣਾ ਬਿਆਨ ਦਿਤਾ ਹੈ। ਵਿਧਾਇਕ ਸਿਰਸਾ ਨੇ ਐਮੇਜ਼ਾਨ ਤੋਂ ਤੁਰੰਤ ਇਸ ਵਸਤੂ ਨੂੰ ਹਟਾਉਣ ਅਤੇ ਇਸ ਨੂੰ ਵੇਚਣ ਵਾਲੀ ਕੰਪਨੀ ਨੂੰ ਬੈਨ ਕਰਨ ਦੀ ਮੰਗ ਕੀਤੀ ਹੈ। ਮਨਜਿੰਦਰ ਸਿੰਘ ਸਿਰਸਾ ਨੇ ਸੋਸ਼ਲ ਮੀਡੀਆ ਉਤੇ ਲਿਖਿਆ, ਇਸ ਤਰ੍ਹਾਂ ਦੀ ਵਸਤੂ ਕੁਝ ਹੋਰ ਨਹੀਂ ਸਗੋਂ ਧਾਰਮਕ ਭਾਵਨਾਵਾਂ ਨੂੰ ਆਹਤ ਪਹੁੰਚਾਉਦੀਆਂ ਹਨ।
Amazon
ਇਸ ਵਸਤੂ ਦੇ ਵੇਰਵੇ ਵਿਚ ਵੀ ਉਸ ਧਰਮ ਸਥਾਨ ਦੇ ਸ਼ਬਦ ਦਾ ਇਸਤੇਮਾਲ ਕੀਤਾ ਗਿਆ ਹੈ ਅਤੇ ਤੁਸੀਂ ਫਿਰ ਵੀ ਇਸ ਨੂੰ ਅਪਣੇ ਪੋਰਟਲ ਉਤੇ ਵੇਚ ਰਹੇ ਹੋ। ਮੈਂ ਐਮੇਜ਼ਾਨ ਨੂੰ ਚਿਤਾਵਨੀ ਦਿੰਦਾ ਹਾਂ ਕਿ ਤੁਰੰਤ ਇਸ ਵਸਤੂ ਨੂੰ ਹਟਾਇਆ ਜਾਵੇ ਅਤੇ ਇਸ ਨੂੰ ਵੇਚਣ ਵਾਲੀ ਕੰਪਨੀ ਨੂੰ ਬੈਨ ਕੀਤਾ ਜਾਵੇ, ਨਹੀਂ ਤਾਂ ਦੁਨਿਆ ਭਰ ਵਿਚ ਵਿਰੋਧ ਲਈ ਤਿਆਰ ਰਹਿਣ। ਤੁਹਾਨੂੰ ਦੱਸ ਦਈਏ ਕਿ ਪਹਿਲਾਂ ਵੀ ਕਈ ਵਿਵਾਦਿਤ ਵਸਤੂਆਂ ਦੀ ਵਿਕਰੀ ਨੂੰ ਲੈ ਕੇ ਐਮੇਜ਼ਾਨ ਵਿਵਾਦਾਂ ਵਿਚ ਰਹਿ ਚੁੱਕੀ ਹੈ।
