ਨਕਸਲੀਆਂ ਨੇ ਮੁਖ ਮੰਤਰੀ ਰਮਨ ਸਿੰਘ ਦੀ ਸਭਾ ਤੋਂ ਦੋ ਦਿਨ ਪਹਿਲਾਂ ਸਰਚ ਮੁਹਿੰਮ 'ਤੇ ਨਿਕਲੇ ਛੱਤੀਸਗੜ ਪੁਲਿਸ ਦੇ ਜਵਾਨਾਂ ਉੱਤੇ ਹਮਲਾ ਕੀਤਾ।
ਦੰਤੇਵਾੜਾ, ਨਕਸਲੀਆਂ ਨੇ ਮੁਖ ਮੰਤਰੀ ਰਮਨ ਸਿੰਘ ਦੀ ਸਭਾ ਤੋਂ ਦੋ ਦਿਨ ਪਹਿਲਾਂ ਸਰਚ ਮੁਹਿੰਮ 'ਤੇ ਨਿਕਲੇ ਛੱਤੀਸਗੜ ਪੁਲਿਸ ਦੇ ਜਵਾਨਾਂ ਉੱਤੇ ਹਮਲਾ ਕੀਤਾ। ਨਕਸਲੀਆਂ ਦੇ ਆਈਈਡੀ ਬਲਾਸਟ ਵਿਚ ਪੁਲਿਸ ਜੀਪ ਦੇ ਪਰਖੱਚੇ ਉੱਡ ਗਏ। ਹਮਲੇ ਵਿਚ 6 ਜਵਾਨ ਸ਼ਹੀਦ ਹੋਏ ਹਨ ਅਤੇ ਗੰਭੀਰ ਰੂਪ ਨਾਲ ਜ਼ਖਮੀ ਹੋਏ ਕੁਝ ਜਵਾਨਾਂ ਨੂੰ ਹੈਲੀਕਾਪਟਰ ਦੀ ਸਹਾਇਤਾ ਨਾਲ ਰਾਏਪੁਰ ਭੇਜਿਆ ਗਿਆ ਹੈ। ਪੁਲਿਸ ਮੁਤਾਬਕ, ਨਕਸਲੀਆਂ ਨੇ ਬਲਾਸਟ ਤੋਂ ਬਾਅਦ ਜਵਾਨਾਂ 'ਤੇ ਫਾਇਰਿੰਗ ਕੀਤੀ ਅਤੇ ਉਨ੍ਹਾਂ ਦੇ ਹਥਿਆਰ ਲੁੱਟ ਲਏ ਗਏ।
ਮਿਲੀ ਜਾਣਕਾਰੀ ਅਨੁਸਾਰ, ਦੰਤੇਵਾੜਾ ਦੇ ਐਡੀਸ਼ਨਲ ਐਸ ਪੀ ਜੀ ਐਨ ਬਘੇਲ ਨੇ ਹਮਲੇ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਨੇ ਦਸਿਆ ਕਿ ਸਰਚ ਮੁਹਿੰਮ ਲਈ ਨਿਕਲੇ ਪੁਲਿਸ ਵਾਹਨ ਵਿਚ 7 ਪੁਲਿਸਕਰਮੀ ਸਵਾਰ ਸਨ। ਨਕਸਲੀਆਂ ਨੇ ਬਲਾਸਟ ਕਰਨ ਤੋਂ ਬਾਅਦ ਜਵਾਨਾਂ ਉਤੇ ਫਾਇਰਿੰਗ ਵੀ ਕੀਤੀ। ਇੰਨਾ ਹੀ ਨਹੀਂ ਨਕਸਲੀਆਂ ਵੱਲੋਂ ਜਵਾਨਾਂ ਦੀ 2 AK 47, 2 SLR, 2 INSAS ਰਾਇਫਲ ਅਤੇ 2 ਗ੍ਰਨੇਡ ਲੁੱਟੇ ਜਾਣ ਦੀ ਗੱਲ ਆਖੀ ਹੈ।
ਹਮਲੇ ਤੋਂ ਬਾਅਦ ਪੁਲਿਸ ਦੇ ਉੱਚ ਅਧਿਕਾਰੀ ਮੌਕੇ ਉੱਤੇ ਪਹੁੰਚੇ ਅਤੇ ਨਕਸਲੀਆਂ ਨੂੰ ਕਾਬੂ ਕਰਨ ਲਈ ਜਾਇਜ਼ ਕਾਰਵਾਈ ਸ਼ੁਰੂ ਕਰ ਦਿਤੀ। 22 ਮਈ ਨੂੰ ਵਿਕਾਸ ਯਾਤਰਾ ਦੇ ਤਹਿਤ ਮੁਖ ਮੰਤਰੀ ਰਮਨ ਸਿੰਘ ਕੋਂਟਾ ਵਿਧਾਨਸਭਾ ਦੇ ਦੋਰਨਾਪਾਲ ਇਲਾਕੇ ਵਿਚ ਆਮ ਸਭਾ ਕਰਨਗੇ। ਪੁਲਿਸ ਦੇ ਜਵਾਨ ਇਸ ਸਭਾ ਦੀ ਸੁਰੱਖਿਆ ਨੂੰ ਮੱਦੇਨਜ਼ਰ ਰੱਖਦੇ ਹੋਏ ਇਲਾਕੇ ਦਾ ਜਾਇਜ਼ਾ ਲੈਣ ਨਿਲਕੇ ਸਨ। ਉਸੇ ਸਮੇਂ ਲੁਕ ਕਿ ਬੈਠੇ ਨਕਸਲੀਆਂ ਨੇ ਚੋਲਨਾਰ ਇਲਾਕੇ ਵਿਚ ਇੱਕ ਪੁੱਲ ਦੇ ਕੋਲ ਵਿਸਫੋਟ ਕਰ ਦਿੱਤਾ।
ਰਮਨ ਸਿੰਘ ਨੇ ਘਟਨਾ ਉੱਤੇ ਦੁਖ ਜਤਾਉਂਦੇ ਹੋਏ ਸ਼ਹੀਦਾਂ ਦੇ ਪਰਵਾਰਾਂ ਪ੍ਰਤੀ ਭਾਵਕੁਤਾ ਵਿਅਕਤ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਅਜਿਹੇ ਹਮਲੇ ਵਿਕਾਸ ਦਾ ਵਿਰੋਧ ਹਨ। ਉਨ੍ਹਾਂ ਦੋਸ਼ੀਆਂ ਨੂੰ ਬਖਸ਼ਿਆ ਨਹੀਂ ਜਾਵੇਗਾ ਅਤੇ ਨਕਸਲੀਆਂ ਨੂੰ ਮੂੰਹਤੋੜ ਜਵਾਬ ਦਿੱਤਾ ਜਾਵੇਗਾ।