ਪੰਜਾਬ ਨੈਸ਼ਨਲ ਬੈਂਕ ਵਿਚ ਹੋਏ 13 ਹਜਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਦੇ ਘੋਟਾਲੇ ਨੂੰ ਲੈ ਕੇ ਨਵੀਂ ਜਾਣਕਾਰੀ ਨਿਕਲ ਕੇ ਸਾਹਮਣੇ ਆਈ ਹੈ,
ਨਵੀਂ ਦਿੱਲੀ, 20 ਜੂਨ : ਪੰਜਾਬ ਨੈਸ਼ਨਲ ਬੈਂਕ ਵਿਚ ਹੋਏ 13 ਹਜਾਰ ਕਰੋੜ ਰੁਪਏ ਤੋਂ ਜ਼ਿਆਦਾ ਦੇ ਘੋਟਾਲੇ ਨੂੰ ਲੈ ਕੇ ਨਵੀਂ ਜਾਣਕਾਰੀ ਨਿਕਲ ਕੇ ਸਾਹਮਣੇ ਆਈ ਹੈ, ਮੀਡੀਆ ਰਿਪੋਰਟਸ ਮੁਤਾਬਕ ਗੜਬੜੀ ਸਾਹਮਣੇ ਆਉਣ ਤੋਂ ਪਹਿਲਾਂ ਬੈਂਕ ਵਿਚ ਹੋ ਰਿਹਾ ਘਪਲਾ ਕਈ ਅਧਿਕਾਰੀਆਂ ਦੇ ਸਾਹਮਣੇ ਸੀ ਪਰ ਅਧਿਕਾਰੀਆਂ ਨੇ ਲਾਪਰਵਾਹੀ ਦਿਖਾਉਂਦੇ ਹੋਏ ਇਸ ਉੱਤੇ ਸਵਾਲ ਨਹੀਂ ਚੁੱਕੇ ਜਿਸਦੇ ਨਾਲ ਇਹ ਗੜਬੜੀ ਹੋਈ | ਮੀਡੀਆ ਰਿਪੋਰਟਸ ਵਿੱਚ ਘੋਟਾਲੇ ਨੂੰ ਲੈ ਕੇ PNB ਦੇ ਵੱਲੋਂ ਕੀਤੀ ਗਈ ਅੰਦੂਰਨੀ ਜਾਂਚ ਰਿਪੋਰਟ ਦਾ ਹਵਾਲਾ ਦਿਤਾ ਗਿਆ ਹੈ ।
ਮੀਡਿਆ ਰਿਪੋਰਟਸ ਦੇ ਮੁਤਾਬਕ ਬੈਂਕ ਨੇ ਘੋਟਾਲੇ ਦੀ ਜਾਂਚ ਲਈ ਅਪਣੇ ਅਧਿਕਾਰੀਆਂ ਦੀ ਅੰਦੂਰਨੀ ਟੀਮ ਬਣਾਈ ਸੀ ਅਤੇ ਉਸ ਟੀਮ ਨੇ 162 ਪੰਨਿਆਂ ਦੀ ਜਾਂਚ ਰਿਪੋਰਟ ਸੌਂਪੀ ਹੈ ਉਸ ਵਿਚ ਕਰੀਬ 54 ਅਧਿਕਾਰੀਆਂ ਦੀ ਲਾਪਰਵਾਹੀ ਦੀ ਗੱਲ ਕਹੀ ਗਈ ਹੈ ਜਿਨ੍ਹਾਂ ਦੀ ਵਜ੍ਹਾ ਨਾਲ ਇਹ ਗੜਬੜੀ ਸੰਭਵ ਹੋਈ ਹੈ । 54 ਅਧਿਕਾਰੀ ਬੈਂਕ ਵਿਚ ਕੰਮ ਕਰਨ ਵਾਲੇ ਕਲਰਕ ਤੋਂ ਲੈ ਕੇ ਵਿਦੇਸ਼ੀ ਸ਼ਾਖਾਵਾਂ ਦੇ ਮੈਨੇਜਰ ਵੀ ਸ਼ਾਮਿਲ ਹਨ । ਰਿਪੋਰਟ ਦੇ ਮੁਤਾਬਕ ਘੋਟਾਲੇ ਦੀ ਜਾਂਚ ਕਰ ਰਹੀ ਏਜੰਸੀਆਂ ਬੈਂਕ ਦੇ ਜਿਨ੍ਹਾਂ 8 ਕਰਮਚਾਰੀਆਂ ਜਾਂ ਅਧਿਕਾਰੀਆਂ ਦੀ ਜਾਂਚ ਕਰ ਰਹੀ ਹੈ ਉਨ੍ਹਾਂ ਦੇ ਨਾਮ ਵੀ 54 ਲੋਕਾਂ ਦੀ ਲਿਸਟ ਵਿੱਚ ਸ਼ਾਮਿਲ ਹਨ ।
ਘੋਟਾਲੇ ਦੇ ਆਰੋਪੀ ਮੁੰਬਈ ਦੀ ਬਰੇਡੀ ਹਾਉਸ ਸ਼ਾਖਾ ਦੇ ਡਿਪਟੀ ਮੈਨੇਜਰ ਗੋਕੁਲਨਾਥ ਸ਼ੇੱਟੀ 'ਤੇ ਇਲਜ਼ਾਮ ਹੈ ਕਿ ਉਸਨੇ ਟਰਾਂਜੇਕਸ਼ਨ ਲਈ ਬੈਂਕ ਦੇ ਸਾਫਟਵੇਅਰ ਦਾ ਇਸਤੇਮਾਲ ਨਹੀਂ ਕੀਤਾ, ਜਦੋਂ ਕਿ ਨਿਯਮਾਂ ਦੇ ਮੁਤਾਬਕ ਬੈਂਕ ਦੇ ਸਾਫਟਵੇਅਰ ਤੋਂ ਹੀ ਟਰਾਂਜੇਕਸ਼ਨ ਜਰੂਰੀ ਹੈ ।
ਜਾਂਚ ਰਿਪੋਰਟ ਵਿਚ ਬੈਂਕ ਦੇ ਇੰਟਰਨੈਸ਼ਨਲ ਬੈਂਕਿੰਗ ਵਿਭਾਗ ਅਤੇ ਆਈਟੀ ਵਿਭਾਗ 'ਤੇ ਵੀ ਸਵਾਲ ਚੁਕੇ ਗਏ ਹਨ, ਉਨ੍ਹਾਂ ਓੱਤੇ ਇਲਜ਼ਾਮ ਹੈ ਕਿ ਉਨ੍ਹਾਂ ਨੇ ਸਮਾਕਲਨ ਵਿੱਚ ਦੇਰੀ ਕੀਤੀ ਅਤੇ 2016 ਵਿੱਚ ਬੈਂਕ ਦੇ ਵੱਲੋਂ ਜਾਰੀ ਕੀਤੀ ਗਈ ਏਡਵਾਜਰੀ ਦੇ ਮੁਤਾਬਕ ਕੰਮ ਨਹੀਂ ਕੀਤਾ ।
ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਕਿਸੇ ਇਕ ਨੇ ਵੀ ਸਵਾਲ ਚੁੱਕਿਆ ਹੁੰਦਾ ਤਾਂ ਸ਼ੁਰੁਆਤ ਵਿਚ ਹੀ ਇਸ ਘੋਟਾਲੇ ਦਾ ਪਰਦਾਫਾਸ਼ ਹੋ ਸਕਦਾ ਸੀ । ਰਿਪੋਰਟ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਲਾਪਰਵਾਹੀ ਸਿਰਫ ਇਕ ਸ਼ਾਖਾ ਤਕ ਹੀ ਸੀਮਿਤ ਨਹੀਂ ਰਹੀ ਸਗੋਂ ਅੱਗੇ ਵੀ ਜਾਰੀ ਰਹੀ । 2010 ਤੋਂ ਲੈ ਕੇ 2017 ਦੇ ਦੌਰਾਨ ਬਰੇਡੀ ਹਾਉਸ ਸ਼ਾਖਾ ਦੀ ਜਾਂਚ ਲਈ 10 ਵਾਰ ਉੱਤਮ ਜਾਂਚ ਅਧਿਕਾਰੀਆਂ ਦੀ ਟੀਮ ਗਈ ਪਰ ਕਿਸੇ ਵੀ ਅਧਿਕਾਰੀ ਨੇ ਸਵਾਲ ਨਹੀਂ ਚੁੱਕੇ ।
ਰਿਪੋਰਟ ਵਿੱਚ PNB ਦੇ ਮੁੰਬਈ ਖੇਤਰੀ ਦਫ਼ਤਰ ਦੇ ਕੰਮ ਕਰਨ ਦੇ ਤਰੀਕੇ 'ਤੇ ਵੀ ਸਵਾਲ ਚੁੱਕੇ ਗਏ ਹਨ । ਰਿਪੋਰਟ ਦੇ ਮੁਤਾਬਕ ਨੀਰਵ ਮੋਦੀ ਦੀ ਕੰਪਨੀ ਦੇ ਨਾਲ ਡੀਲ ਕਰਨ ਦੀ ਵਜ੍ਹਾ ਨਾਲ ਬਰੇਡੀ ਹਾਉਸ ਸ਼ਾਖਾ ਨੂੰ ਖਾਸ ਦਰਜਾ ਪ੍ਰਾਪਤ ਸੀ, ਵਿੱਤ ਸਾਲ 2016 -17 ਦੇ 12 ਮਹੀਨੇ ਦੇ ਦੌਰਾਨ ਇਸ ਸ਼ਾਖਾ ਦੇ ਇੰਪੋਰਟ ਅਤੇ ਏਕਸਪੋਰਟ ਲੈਣ ਦੇਣ ਵਿਚ ਪਿਛਲੇ 2 ਸਾਲ ਦੇ ਮੁਕਾਬਲੇ 50 ਫ਼ੀ ਸਦੀ ਵਾਧਾ ਦੇਖਣ ਨੂੰ ਮਿਲਿਆ ਸੀ,ਐਨੇ ਵੱਡੇ ਵਾਧੇ ਉੱਤੇ ਆਡਿਟ ਟੀਮ ਦਾ ਧਿਆਨ ਦਿਤਾ ਜਾਣਾ ਜਰੂਰੀ ਸੀ ।
ਬਰੇਡੀ ਹਾਉਸ ਸ਼ਾਖਾ ਦਾ ਡਿਪਟੀ ਮੈਨੇਜਰ ਗੋਕੁਲਨਾਥ ਸ਼ੇੱਟੀ ਇਕ ਮੱਧ ਦਰਜੇ ਦਾ ਅਧਿਕਾਰੀ ਸੀ ਅਤੇ ਨਿਯਮਾਂ ਦੇ ਮੁਤਾਬਕ ਉਸਨੂੰ ਸਿਰਫ 25 ਲੱਖ ਰੁਪਏ ਤਕ ਦੇ ਲੈਣਦੇਣ ਨੂੰ ਮਨਜ਼ੂਰੀ ਦੇਣ ਦੀ ਇਜਾਜਤ ਸੀ ਪਰ ਉਸਨੂੰ ਬੇਹੱਦ ਅਧਿਕਾਰ ਦੇ ਦਿਤੇ ਗਏ ਸਨ ਅਤੇ ਉਹ ਕਰੋੜਾਂ ਡਾਲਰ ਦੇ ਲੈਣਦੇਣ ਦੀ ਇਜਾਜਤ ਦਿੰਦਾ ਸੀ ।
ਪੰਜਾਬ ਨੈਸ਼ਨਲ ਬੈਂਕ ਦੀ ਪਾਲਿਸੀ ਦੇ ਮੁਤਾਬਕ ਕੋਈ ਵੀ ਅਧਿਕਾਰੀ ਇਕ ਬੈਂਕ ਸ਼ਾਖਾ ਵਿਚ 3 ਸਾਲ ਤੋਂ ਜ਼ਿਆਦਾ ਕੰਮ ਨਹੀਂ ਕਰ ਸਕਦਾ ਜਦਕਿ ਸ਼ੇੱਟੀ ਲਗਾਤਾਰ 7 ਸਾਲ ਤਕ ਬਰੇਡੀ ਹਾਉਸ ਸ਼ਾਖਾ ਵਿਚ ਕੰਮ ਕਰਦਾ ਰਿਹਾ , ਉਸਨੂੰ 3 ਟਰਾਂਸਫਰ ਆਰਡਰ ਵੀ ਭੇਜੇ ਗਏ ਸਨ ਪਰ ਇਸਦੇ ਬਾਵਜੂਦ ਉਹ ਉੱਥੇ ਕੰਮ ਕਰਦਾ ਰਿਹਾ ।