ਪਤਨੀ 'ਤੇ ਗੈਰ ਕੁਦਰਤੀ ਯੌਨ ਸਬੰਧ ਬਣਾਉਣ ਲਈ ਦਬਾਅ ਪਾਉਣ ਵਾਲੇ ਪਤੀ ਦੇ ਵਿਰੁਧ ਦਾਇਰ ਅਰਜ਼ੀ 'ਤੇ ਸੁਪਰੀਮ ਕੋਰਟ ਸੁਣਵਾਈ ਕਰੇਗਾ। ਅਰਜ਼ੀ ਵਿਚ ਔਰਤ ਨੇ...
ਨਵੀਂ ਦਿੱਲੀ : ਪਤਨੀ 'ਤੇ ਗੈਰ ਕੁਦਰਤੀ ਯੌਨ ਸਬੰਧ ਬਣਾਉਣ ਲਈ ਦਬਾਅ ਪਾਉਣ ਵਾਲੇ ਪਤੀ ਦੇ ਵਿਰੁਧ ਦਾਇਰ ਅਰਜ਼ੀ 'ਤੇ ਸੁਪਰੀਮ ਕੋਰਟ ਸੁਣਵਾਈ ਕਰੇਗਾ। ਅਰਜ਼ੀ ਵਿਚ ਔਰਤ ਨੇ ਕਿਹਾ ਹੈ ਕਿ ਵਿਆਹ ਦੇ ਚਾਰ ਸਾਲ ਦੌਰਾਨ ਪਤੀ ਨੇ ਉਸ 'ਤੇ ਓਰਲ ਸੈਕਸ ਕਰਨ ਦਾ ਦਬਾਅ ਪਾਇਆ। ਜਸਟਿਸ ਐਨ ਵੀ ਰਮਨਾ ਅਤੇ ਜਸਟਿਸ ਐਮ ਐਮ ਸ਼ਾਂਤਨਗੌਦਾਰ ਨੇ ਔਰਤ ਦੇ ਪਤੀ ਨੂੰ ਨੋਟਿਸ ਜਾਰੀ ਕਰਕੇ ਮਮਾਲੇ ਦੀ ਸੁਣਵਾਈ ਦੌਰਾਨ ਜਵਾਬ ਦੇਣ ਲਈ ਕਿਹਾ ਹੈ।
Justiceਔਰਤ ਦਾ ਦੋਸ਼ ਹੈ ਕਿ ਉਨ੍ਹਾਂ ਦੀ ਸਹਿਮਤੀ ਤੋਂ ਬਿਨਾਂ ਪਤੀ-ਪਤਨੀ ਦੇ ਵਿਚਕਾਰ ਯੌਨ ਸਬੰਧਾਂ ਦੀਆਂ ਫਿਲਮਾਂ ਵੀ ਬਣਾਈਆਂ। ਔਰਤ ਨੇ ਕਿਹਾ ਕਿ ਉਨ੍ਹਾਂ ਦੇ ਪਤੀ ਨੇ ਉਸ 'ਤੇ ਓਰਲ ਸੈਕਸ ਕਰਨ ਦਾ ਦਬਾਅ ਪਾਇਆ ਜੋ ਕਿ ਕੁਦਰਤ ਦੇ ਵਿਰੁਧ ਹੈ ਅਤੇ ਭਾਰਤੀ ਦੰਡ ਵਿਧਾਨ ਦੀ ਧਾਰਾ 377 ਦੇ ਤਹਿਤ ਅਪਰਾਧ ਦੀ ਸ਼੍ਰੇਣੀ ਵਿਚ ਆਉਂਦਾ ਹੈ। ਅਰਜ਼ੀ ਦੇ ਅਨੁਸਾਰ ਔਰਤ ਦਾ ਵਿਆਹ ਗੁਜਰਾਤ ਦੇ ਸਾਬਰਕਾਂਠਾ ਵਿਚ 2014 ਵਿਚ ਇਕ ਡਾਕਟਰ ਦੇ ਨਾਲ ਹੋਇਆ ਸੀ। ਉਹ ਜਦੋਂ 15 ਸਾਲ ਦੀ ਸੀ ਤਾਂ 2002 ਵਿਚ ਉਸ ਦੀ ਮੰਗਣੀ ਹੋਈ ਸੀ।
Victim Women File Photoਔਰਤ ਨੇ ਦਸਿਆ ਕਿ ਪਤੀ ਨੇ ਉਸ ਦੀ ਮਰਜ਼ੀ ਦੇ ਵਿਰੁਧ ਉਸ 'ਤੇ ਓਰਲ ਸੈਕਸ ਕਰਨ ਦਾ ਦਬਾਅ ਬਣਾਇਆ ਅਤੇ ਉਹ ਉਸ ਨੂੰ ਸਮਝਾਉਣ ਵਿਚ ਅਸਮਰਥ ਰਹੀ। ਅਰਜ਼ੀ ਵਿਚ ਅੱਗੇ ਕਿਹਾ ਗਿਆ ਹੈ ਕਿ ਪਤੀ ਨੇ ਔਰਤ ਨੂੰ ਉਸ ਦੀ ਮਰਜ਼ੀ ਦੇ ਵਿਰੁਧ ਵੀਡੀਓ ਬਣਾਉਣ ਲਈ ਵੀ ਦਬਾਅ ਪਾਇਆ। ਉਸ ਨੂੰ ਅਪਣੀਆਂ ਅਨੈਤਿਕ ਮੰਗਾਂ ਮੰਨਣ ਲਈ ਮਜਬੂਰ ਕੀਤਾ ਗਿਆ। ਇਸ ਦੇ ਲਈ ਉਸ ਨੂੰ ਅਕਸਰ ਧਮਕੀ ਦਿਤੀ ਜਾਂਦੀ ਸੀ ਅਤੇ ਉਸ ਦਾ ਸਰੀਰਕ ਸੋਸ਼ਣ ਕੀਤਾ ਜਾਂਦਾ ਸੀ। ਔਰਤ ਨੇ ਪਤੀ ਦੇ ਵਿਰੁਧ ਸਾਬਰਕਾਂਠਾ ਵਿਚ ਦੁਸ਼ਕਰਮ ਅਤੇ ਗ਼ੈਰ ਕੁਦਰਤੀ ਯੌਨ ਸੋਸ਼ਣ ਦੇ ਦੋਸ਼ ਵਿਚ ਮਾਮਲਾ ਦਰਜ ਕਰਵਾਇਆ ਹੈ।
Victim Women File Photoਇਸ ਤੋਂ ਬਾਅਦ ਪਤੀ ਗੁਜਰਾਤ ਹਾਈ ਕੋਰਟ ਪਹੁੰਚ ਗਿਆ, ਜਿੱਥੇ ਪਤਨੀ ਦੀ ਦਲੀਲ ਵਿਚ ਧਾਰਾ 375 ਦੇ ਤਹਿਤ ਲੋੜੀਂਦਾ ਆਧਾਰ ਨਹੀਂ ਮੰਨਿਆ ਗਿਆ ਕਿਉਂਕਿ ਵਿਆਹੁਤਾ ਦੁਸ਼ਕਰਮ ਲਈ ਕੋਈ ਪ੍ਰਬੰਧ ਨਹੀਂ ਹੈ। ਹਾਈਕੋਰਟ ਨੇ ਧਾਰਾ 377 ਦੇ ਤਹਿਤ ਦੋਸ਼ ਨੂੰ ਖ਼ਾਰਜ ਕਰ ਦਿਤਾ। ਹਾਈ ਕੋਰਟ ਦੇ ਫ਼ੈਸਲੇ ਨੂੰ ਔਰਤ ਨੇ ਸੁਪਰੀਮ ਕੋਰਟ ਵਿਚ ਚੁਣੌਤੀ ਦਿਤੀ ਹੈ। ਦਸ ਦਈਏ ਕਿ ਮੰਗਲਵਾਰ ਨੂੰ ਪੰਜ ਜੱਜਾਂ ਦੀ ਬੈਂਚ ਨੇ ਅਰਜ਼ੀ 'ਤੇ ਆਦੇਸ਼ ਸੁਰੱਖਿਅਤ ਰੱਖ ਲਿਆ ਸੀ।
