ਅਮਰੀਕਾ ਥਿੰਕ ਟੈਂਕ PEW ਨੇ ਜਾਰੀ ਕੀਤੇ ਆਂਕੜੇ
ਨਵੀਂ ਦਿੱਲੀ : ਭਾਰਤ ਸਰਕਾਰ ਨੇ ਪਾਕਿਸਤਾਨ, ਬੰਗਲਾਦੇਸ਼ ਅਤੇ ਅਫਗਾਨਿਸਤਾਨ ਦੇ ਘੱਟ ਗਿਣਤੀਆਂ ਨੂੰ ਆਪਣੇ ਦੇਸ਼ ਵਿਚ ਨਾਗਰਿਕਤਾ ਦੇਣ ਦਾ ਕਾਨੂੰਨ ਪਾਸ ਕੀਤਾ ਹੈ ਜਿਸ ਨੂੰ ਲੈ ਕੇ ਦੇਸ਼ ਭਰ ਵਿਚ ਵਿਰੋਧ ਪ੍ਰਦਰਸ਼ਨ ਹੋ ਰਹੇ ਹਨ ਪਰ ਪ੍ਰਵਾਸੀ ਹਿੰਦੂਆਂ ਨੂੰ ਵਸਾਉਣ ਦੇ ਅਧਾਰ 'ਤੇ ਦੇਖਿਆ ਜਾਵੇ ਤਾਂ ਭਾਰਤ ਨੂੰ ਛੱਡ ਕੇ ਚੋਟੀ ਦੇ ਛੇ ਦੇਸ਼ਾਂ ਵਿਚ ਬੰਗਲਾਦੇਸ਼ ਅਤੇ ਪਾਕਿਸਤਾਨ ਦਾ ਨਾਮ ਵੀ ਸ਼ਾਮਲ ਹੈ ਜਿੱਥੇ ਇਹ ਲੋਕ ਜਾ ਕੇ ਬਸੇ ਹਨ।
ਇਕ ਰਿਸਰਚ ਵਿਚ ਅਨੁਸਾਰ ਜਿੰਨੀ ਹਿੰਦੂ ਅਬਾਦੀ ਭਾਰਤ ਆਉਂਦੀ ਹੈ ਉਸ ਤੋਂ ਜ਼ਿਆਦਾ ਇਹ ਅਬਾਦੀ ਦੇਸ਼ ਦੇ ਬਾਹਰ ਜਾ ਰਹੀ ਹੈ। ਭਾਰਤ ਅਤੇ ਅਮਰੀਕਾ ਤੋਂ ਬਾਅਦ ਹਿੰਦੂਆਂ ਦੀ ਅਬਾਦੀ ਸੱਭ ਤੋਂ ਜ਼ਿਆਦਾ ਗੁਆਂਢੀ ਦੇਸ਼ ਬੰਗਲਾਦੇਸ਼,ਨੇਪਾਲ ਅਤੇ ਪਾਕਿਸਤਾਨ ਵਰਗੇ ਮੁਲਕਾਂ ਵਿਚ ਵੱਸੀ ਹੈ। ਅਮਰੀਕਾ ਥਿੰਕ ਟੈਂਕ PEW ਦੇ ਆਂਕੜੇ ਅਨੁਸਾਰ ਲਗਭਗ 37 ਲੱਖ ਹਿੰਦੂ ਅਬਾਦੀ ਭਾਰਤ ਆਈ । ਜਦਕਿ 53 ਲੱਖ ਹਿੰਦੂ ਅਬਾਦੀ ਦੇਸ਼ ਦੇ ਬਾਹਰ ਦੂਜੀ ਥਾਵਾਂ 'ਤੇ ਗਈ ਪਰ ਹੈਰਾਨੀ ਵਾਲੀ ਗੱਲ ਇਹ ਹੈ ਕਿ ਅੰਕੜਿਆ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਭਾਰਤ ਤੋਂ ਬਾਹਰ ਜਾਣ ਵਾਲੀ ਜ਼ਿਆਦਾਤਰ ਹਿੰਦੂ ਅਬਾਦੀ ਬੰਗਲਾਦੇਸ਼, ਨੇਪਾਲ ਜਾਂ ਫਿਰ ਪਾਕਿਸਤਾਨ ਗਈ ਹੈ।
ਪ੍ਰਵਾਸੀ ਹਿੰਦੂਆ ਦੇ ਵੱਸਣ ਦੇ ਹਿਸਾਬ ਨਾਲ ਵੇਖਿਆ ਜਾਵੇ ਤਾਂ ਭਾਰਤ ਵਿਚ 3,660,000 ਲੋਕ ਵਸੇ ਇਸ ਤੋਂ ਬਾਅਦ ਅਮਰੀਕਾ ਵਿਚ 1,340,000 ਤਾਂ ਬੰਗਲਾਦੇਸ਼ ਅਤੇ ਨੇਪਾਲ ਵਿਚ 750,000-750-000 ਹਿੰਦੂ ਜਾ ਕੇ ਵਸੇ ਹਨ। ਇਸ ਦੇ ਬਾਅਦ ਸਾਊਦੀ ਅਰਬ, ਯੂਏਈ, ਪਾਕਿਸਤਾਨ, ਇੰਗਲੈਂਡ, ਕਨੇਡਾ ਅਤੇ ਸ੍ਰੀਲੰਕਾ ਦਾ ਨੰਬਰ ਆਉਂਦਾ ਹੈ ਜਿੱਥੇ ਹਿੰਦੂ ਜਾ ਕੇ ਵਸੇ ਹਨ।
ਹਾਲਾਕਿ ਅਮਰੀਕਾ ਥਿੰਕ ਟੈਕ ਦਾ ਕਹਿਣਾ ਹੈ ਕਿ PEW ਨੇ 10 ਸਾਲ ਭਾਵ 2000 ਤੋਂ 2010 ਦੇ ਵਿਚ ਹਿੰਦੂ ਪ੍ਰਵਾਸੀਆ ਦੀ ਸੰਖਿਆ ਦਾ ਅਧਿਐਨ ਕੀਤਾ ਹੈ। ਹਾਲਾਕਿ ਸਾਰੇ ਦੇਸ਼ਾਂ ਵਿਚ ਅਬਾਦੀ ਨਾਲ ਜੁੜੇ ਆਂਕੜੇ ਸਮਾਨ ਰੂਪ ਨਾਲ ਮੌਜ਼ੂਦ ਨਹੀਂ ਹਨ। PEW ਨੇ ਸਾਰੇ ਅੰਕੜਿਆ ਦੀ ਸਮਾਂ ਸੀਮਾਂ ਨੂੰ ਇਕ ਅਧਾਰ 'ਤੇ ਪਾਉਣ ਦੇ ਲਈ ਇਕ ਸੰਯੁਕਤ ਰਾਸ਼ਟਰ ਦੇ 2010 ਦੇ ਅਨੁਮਾਨਾਂ ਨੂੰ ਮਿਲਾ ਕੇ ਆਂਕੜਾ ਤਿਆਰ ਕੀਤਾ ਹੈ।