ਦਾਲ ਮੱਖਣੀ ਅਤੇ ਬਟਰ ਚਿਕਨ ਦੀ ਕਾਢ ਨੂੰ ਲੈ ਕੇ ਮੋਤੀ ਮਹਿਲ ਅਤੇ ਦਰਿਆਗੰਜ ਰੈਸਟੋਰੈਂਟ ਵਿਚਾਲੇ ਵਿਵਾਦ ਚੱਲ ਰਿਹਾ ਹੈ।

Who 'invented’ butter chicken, dal makhani?  ਦੇਸ਼ ਦੀ ਰਾਜਧਾਨੀ ਦਿੱਲੀ ਵਿਚ ਦੋ ਪ੍ਰਸਿੱਧ ਪਕਵਾਨਾਂ ਨੂੰ ਲੈ ਕੇ ਵਿਵਾਦ ਸ਼ੁਰੂ ਹੋ ਗਿਆ ਹੈ। ਦੇਸ਼ ਦੀਆਂ ਦੋ ਵੱਡੀਆਂ ਅਤੇ ਪ੍ਰਸਿੱਧ ਰੈਸਟੋਰੈਂਟ ਚੇਨ ਬਟਰ ਚਿਕਨ ਅਤੇ ਦਾਲ ਮਖਣੀ ਨੂੰ ਲੈ ਕੇ ਹਾਈ ਕੋਰਟ ਪਹੁੰਚ ਗਈਆਂ ਹਨ। ਦਰਅਸਲ ਦਾਲ ਮੱਖਣੀ ਅਤੇ ਬਟਰ ਚਿਕਨ ਦੀ ਕਾਢ ਨੂੰ ਲੈ ਕੇ ਮੋਤੀ ਮਹਿਲ ਅਤੇ ਦਰਿਆਗੰਜ ਰੈਸਟੋਰੈਂਟ ਵਿਚਾਲੇ ਵਿਵਾਦ ਚੱਲ ਰਿਹਾ ਹੈ।

ਦਰਅਸਲ, ਵਿਵਾਦ ਉਦੋਂ ਸ਼ੁਰੂ ਹੋਇਆ ਜਦੋਂ ਦਰਿਆਗੰਜ ਰੈਸਟੋਰੈਂਟ ਨੇ ਅਪਣੀ ਟੈਗਲਾਈਨ 'ਚ ਬਟਰ ਚਿਕਨ ਅਤੇ ਦਾਲ ਮਖਣੀ ਦਾ ਜ਼ਿਕਰ ਕੀਤਾ ਸੀ। ਮੋਤੀ ਮਹਿਲ ਨੇ ਇਸ ਸਬੰਧੀ ਇਤਰਾਜ਼ ਪ੍ਰਗਟ ਕਰਦਿਆਂ ਕੇਸ ਦਰਜ ਕਰ ਲਿਆ। ਮੋਤੀ ਮਹਿਲ ਦੀ ਐਫਆਈਆਰ ਮੁਤਾਬਕ ਦਰਿਆਗੰਜ ਨੇ ਅਪਣੇ ਆਪ ਨੂੰ ਦਾਲ ਮਖਣੀ ਅਤੇ ਬਟਰ ਚਿਕਨ ਦਾ ਖੋਜੀ ਦਸਿਆ ਸੀ। ਇਸ ਬਾਰੇ ਮੋਤੀ ਮਹਿਲ ਨੇ ਕਿਹਾ ਕਿ ਦਰਿਆਗੰਜ ਰੈਸਟੋਰੈਂਟ ਲੋਕਾਂ ਨੂੰ ਗੁੰਮਰਾਹ ਕਰ ਰਿਹਾ ਹੈ।

ਤਾਜ਼ਾ ਅਪਡੇਟਸ ਲਈ ਸਾਡੇ Whatsapp Broadcast Channel ਨਾਲ ਜੁੜੋ।

16 ਜਨਵਰੀ ਨੂੰ ਇਹ ਮਾਮਲਾ ਦਿੱਲੀ ਹਾਈ ਕੋਰਟ ਦੇ ਜਸਟਿਸ ਸੰਜੀਵ ਨਰੂਲਾ ਕੋਲ ਪਹੁੰਚਿਆ ਅਤੇ ਉਨ੍ਹਾਂ ਨੇ ਦਰਿਆਗੰਜ ਰੈਸਟੋਰੈਂਟ ਨੂੰ ਸੰਮਨ ਭੇਜੇ। ਅਦਾਲਤ ਨੇ ਇਸ 'ਤੇ ਲਿਖਤੀ ਜਵਾਬ ਦੇਣ ਲਈ ਕਿਹਾ ਹੈ। ਬਾਰ ਐਂਡ ਬੈਂਚ ਦੇ ਅਨੁਸਾਰ, ਮੋਤੀ ਮਹਿਲ ਦੇ ਮਾਲਕਾਂ ਦਾ ਦਾਅਵਾ ਹੈ ਕਿ ਉਨ੍ਹਾਂ ਦੇ ਪੂਰਵਜ ਮਰਹੂਮ ਕੁੰਡਲ ਲਾਲ ਗੁਜਰਾਲ ਨੇ ਇਹ ਪਕਵਾਨ ਸੱਭ ਤੋਂ ਪਹਿਲਾਂ ਬਣਾਇਆ ਸੀ। ਉਨ੍ਹਾਂ ਦਸਿਆ ਕਿ ਬਟਰ ਚਿਕਨ ਅਤੇ ਦਾਲ ਮੱਖਣੀ ਤੋਂ ਇਲਾਵਾ ਕੁੰਦਲ ਗੁਜਰਾਲ ਨੇ ਤੰਦੂਰੀ ਚਿਕਨ ਦੀ ਕਾਢ ਵੀ ਕੱਢੀ ਸੀ ਅਤੇ ਉਹ ਵੰਡ ਤੋਂ ਬਾਅਦ ਇਸ ਨੂੰ ਭਾਰਤ ਲੈ ਕੇ ਆਏ ਸਨ।

ਮੋਤੀ ਮਹਿਲ ਦੇ ਮਾਲਕਾਂ ਦਾ ਕਹਿਣਾ ਹੈ ਕਿ ਕੁੰਦਲ ਗੁਜਰਾਲ ਅਪਣੇ ਪਕਾਏ ਹੋਏ ਚਿਕਨ ਦੇ ਸੁੱਕਣ ਦੀ ਚਿੰਤਾ ਸੀ। ਅਜਿਹਾ ਇਸ ਲਈ ਹੈ ਕਿਉਂਕਿ ਉਦੋਂ ਬਚੇ ਹੋਏ ਚਿਕਨ ਨੂੰ ਫਰਿੱਜ ਵਿਚ ਨਹੀਂ ਰੱਖਿਆ ਜਾ ਸਕਦਾ ਸੀ। ਇਸ ਤੋਂ ਬਾਅਦ, ਚਿਕਨ ਨੂੰ ਹਾਈਡਰੇਟ ਕਰਨ ਲਈ ਇਕ ਚਟਣੀ ਬਣਾਈ ਗਈ ਅਤੇ ਇਸ ਤਰ੍ਹਾਂ ਬਟਰ ਚਿਕਨ ਦੀ ਕਾਢ ਕੱਢੀ ਗਈ। ਇਸੇ ਤਰ੍ਹਾਂ ਦਾਲ ਮੱਖਣੀ ਦੀ ਵੀ ਕਾਢ ਕੱਢੀ ਗਈ।

ਦਰਿਆਗੰਜ ਰੈਸਟੋਰੈਂਟ ਨੇ ਅਦਾਲਤ ਨੂੰ ਦਸਿਆ ਕਿ ਉਨ੍ਹਾਂ ਦੇ ਪੂਰਵਜ ਮਰਹੂਮ ਕੁੰਦਨ ਲਾਲ ਜੱਗੀ ਨੇ ਬਟਰ ਚਿਕਨ ਅਤੇ ਦਾਲ ਮੱਖਣੀ ਦੀ ਕਾਢ ਕੱਢੀ ਸੀ। ਦਰਿਆਗੰਜ ਰੈਸਟੋਰੈਂਟ ਦੀ ਤਰਫੋਂ ਪੇਸ਼ ਹੋਏ ਵਕੀਲਾਂ ਨੇ 16 ਜਨਵਰੀ ਨੂੰ ਅਦਾਲਤ ਨੂੰ ਦਸਿਆ ਕਿ ਉਨ੍ਹਾਂ ਵਿਰੁਧ ਦਰਜ ਕੀਤਾ ਗਿਆ ਮਾਮਲਾ ਬੇਬੁਨਿਆਦ ਹੈ ਅਤੇ ਲਗਾਏ ਗਏ ਦੋਸ਼ ਸੱਚਾਈ ਤੋਂ ਕੋਹਾਂ ਦੂਰ ਹਨ।

(For more Punjabi news apart from Who 'invented’ butter chicken, dal makhani? 2 Delhi restaurants reach court, stay tuned to Rozana Spokesman)